Saaŋ 9:39 - Kwatay (Kuwaataay)

³⁹ Ahaban, Yesu n'aane: —Káwaajinoor ésuk i kíkinineŋe fu n'ibin t'etaam ye, man kéejukaariit ku ni kajuk, abe kiŋki kajuk ni kafin káfuum.

Saaŋ 9:39 ပူးပေါင်းရင်းမြစ်များ

Májiye 11:5

kéefuume ku kasiŋa kajuk, keeyinaat ku bija káyinia bija, ki *yafot i ejoke ku kákoyia, bútuut bu bisiŋa bijam, keekete ku iŋi karitanee t'eket i, abe keebajut ku doon fe iŋi kajamatan Hirim Heetoofe hu.

Májiye 15:14

Ariwasiin ii: boko bakan kéefuume kéegilane bakan kéefuume, kéewufooriin bítim bu! Abe an éefuume af'aja n'áwiyo éefuume, éewufooro bítim bu, boko kaneyu t'ésubaiin fe ti kaayeen.

Májiye 6:23

Bare arko ñíkini ñijakut, enii ereyi fe n'eŋ'éyemi t'ébaani. Arko meejaaŋe munooto t'awe, t'áami ébaani barebare, efin eyak buŋ kahahu ébaani!

Hirim Heetoofe hu hi Luk akiñje hu 1:79

O bibin kajaaŋan keeemo ku t'ébaani i, ni bakan k'eket i eŋolool ku, éehin úne núuja ti bítim bite káasuumaay ku.

Hirim Heetoofe hu hi Luk akiñje hu 13:30

Náami bakaake ti keeemo ku hahiye eraan i káyemi étiyar i, abe bakaake ti keeemo ku hahiye étiyar i káyemi eraan i.»

Hirim Heetoofe hu hi Luk akiñje hu 2:34

Simiyoŋ n'ásoniyaniin, abe n'aane Mari íñaay ite Yesu: —Atambatun ajifanajifan añi onde kaanuku eebin eeneyan bakan keehooje *t'Israyel, abe n'aritan bakan keehooje. O káyemi báaluwenum bite Atambatun, bare ésuk i biteñekoo.

Hirim Heetoofe hu hi Luk akiñje hu 4:18

«Búwejet bite Atemit bondu t'íñje, iŋ'ite ho h'ajifanam fu kaanuku iibin isok keebajut ku doon fe Hirim Heetoofe hu. Áboñinamboñin iisok keekulee ku kaanuku kawasanee, n'íwufoor kéefuume ku kaanuku káyinooni kajuku, kéehihinooree ku kaanuku boko karamiee,

Hirim Heetoofe hu hi Luk akiñje hu 7:21

T'ewahatu yendu, Yesu n'aritan bakan keehooje kéesomute ni kéetime. Ki birab bu bujoke ku, n'anuutaniin bo; kéefuume ku, n'áhiniin keejuk.

Saaŋ 12:31

Kajoonan kite bakate ku t'etaam ye kireeŋa; kákutoor kite Setani aseef ite te yo kireeŋa yooŋ.

Saaŋ 12:46

Íñj'eemo u naane meejaaŋe mu, ibinabin t'etaam i kaanuku an fe éeyilene t'íñje, atum'aŋk'áyemi t'ébaani.

Saaŋ 3:17

Múniyo Atambatun áboñinoot Añi oone t'etaam ye kaanuku eejok ésuk i eejoonaniin, bare áboñinoboñin kaanuku eefakaniin.

Saaŋ 3:19

Bakan naane an ondu kajoonanee aŋarkeyi naane meejaaŋe mu mibinabin t'etaam ye, ni kateñeko mo kéemaŋi ébaani i, ábuki kánoŋkaariit ajakee.

Saaŋ 8:12

Yesu n'asooñ abin áyemi ti báhamin ni hahooja hu. N'aane: —Íñj'eemo fu meejaaŋe mu tu kúŋgowulan ku. An éeseinam u ti hiñaawu, at'aja hikee t'ébaani, o bija ti meejaaŋe mu mummu muwun buroŋ bu.

Saaŋ 8:15

Aŋ'arijoonan naane kúŋgowulan ku; íñje íjoonanaariit an.

Saaŋ 9:25

N'aaniin: —Ímeyiit man akina ahoofoora man yooŋ. Bifeeneŋ b'ímeyie fu: íjukaariit yéeni, abe hahiyu iŋ'ijuk.

Epotor i 26:18

Iiboñi a̱aja á̱feŋgin ñíkiniin, abe n'á̱nuutanniin t'ébaani i keebin ti meejaaŋe mu. Boko kánuutina ti sembe site Setani keebin t'Atambatun. Ifi káyilen t'íñje, wuhoofoor wooniin n'uŋu wuboŋketee, abe n'iŋi káyini kareyi ti bakan kite Atambatun.»

Efees 5:14

Múniyo doon déeŋaasina akuur but díyemia meejaaŋe. Iŋ'ite ho hi kaane fu: «Á̱niyo, awe eeemo u t'a̱ŋote, a̱rito t'etut keekete ku, abe Kiris n'aŋ'ajaaŋani.»

2 Tesalonik 2:10

O káhinu buroon bánoban beejakut kaanuku eebuut keeemo ku tu bútowuto. Abe bokondu tu bútowuto ábuki múniyo meewariin mu yéeni kafakan, káfeŋginut mo ñúwejet ñooniin.

1 Piyeer 2:9

Bare aruun, aruun ariemo fu eheet yeejifanee i, aruun ariemo fu esaraha i bakate ku Atambatun Áyi u, aruun ariemo fu ésuk yeenabe i, aruun ariemo fu bakan kite Atambatun. Arijifaneejifan kaanuku aŋ'aribin arisok buroon béewarie bu b'Atambatun áhine bu, akina eeruwuun u kaanuku áriinuutin t'ébaani i, ariibin ti meejaaŋe moone méewarie-warie mu.

1 Saaŋ 2:11

Bare an eehuufe at'o, an ondu ondu t'ébaani i; aŋ'añaah t'ébaani i, abe ámeyiaariit diin t'aamo fu ti bija bu, ábuki ébaani i ébujobuj ñíkin.