Saaŋ 9:22 - Kwatay (Kuwaataay)

²² Iyu i kásafiniin fu aŋarkeyi naane kákolakoleyi eseef ite Esuwif i. Ábuki eseef i kaanaan, an éeyilene u kaanuku Yesu aamo fu *Afakana u, boko kawiisio ti *báalawum booniin.

Saaŋ 9:22 ပူးပေါင်းရင်းမြစ်များ

Hirim Heetoofe hu hi Luk akiñje hu 6:22

«Atoof t'aruun kane ésuk i kahuufuun, káfiitenuun, kálafatinuun, abe ni kábuj kuruwu koonuun aŋarkeyi aŋ'arisa *Añi ute Húŋgowulan hu ti hiñaawu!

Saaŋ 1:19

*Sifaaf site Esuwif i bakate ku Serusalem ni karuw bakaake *t'esaraha i, *n'Elefit, keeboñiin ti Saaŋ. Kareeŋ ni kákandijeno kaano: —Awe a̱amo fu aañ? Saaŋ ánuusutiin doon fe, asokiinsok bifeeneŋ bu taŋ aaniin: —Inooto *Afakana u.

Saaŋ 16:2

Boko kawiisuuun ti *ñáalawum ñite ñ'úne. Ho kareeŋu toko, keeyakuun ku kayoolu kayinoor n'iŋi kaane boko káhine beetoofe Atambatun.

Saaŋ 19:38

Hunuut toko, Siseef ite u ti hikinu hihi kaane Arimate n'abin eelaw *Pilat ehunuŋ ite Yesu kaanuku eeja eehok yo. Pilat n'aano hee. (Siseef ite t'eriboora yite Yesu, bare ánuusanuuso, ábuki ákolakoleyi eseef ite Esuwif i.) N'aja abe n'ayit ehunuŋ i.

Saaŋ 20:19

Kaanendan ku ti dimaas yendu yoyo, eriboora i ni kakuukanooro t'eke enuuf, abe ni kakul wuruŋ wu, ábuki kákolakoleyi eseef ite Esuwif i. Yesu n'abin, n'asiiŋo t'etutiin abe n'aaniin: —Káasuumaay kibaj t'aruun!

Saaŋ 7:13

Bare mayet an akañene kajemeno t'etiir, ábuki kákolakoleyi eseef ite Esuwif i.

Saaŋ 9:18

Bare eseef ite Esuwif i ni kateñeko káyilen kaanuku ániine ondu ájukaariit hítiyar hu, abe hahiyu asiŋa ajuk. Ni kaboñ bite faafo n'íñaayo.

Saaŋ 9:21

Bare írimeyiit naane bije i ayak abin áami asiŋa ajuk hahiyu, írimeyiit yooŋ aañ áhino fu eejuk. Árikandijeno eenoŋk éesafinuun, anooto añi!

Saaŋ 9:34

Ni kaano: —Awe eebukee u enii ereyi fe ti kaahoofoor, awe a̱ja fu kasoku uni buŋ bi heemo fu? Ni kákutooro ti báalawum bu.

Saaŋ 9:35

Yesu n'ajam kaanuku kákutoorakutoor ániine u. N'aja aŋaaboo abe n'aano: —Á̱yilenayilen *t'Añi ute Húŋgowulan hu?

Epotor i 4:18

Ni kasooñ karuwiin, abe ni káhaminiin ayan kaaniin hiraaniiin tej káhamin n'ésuk i man yooŋ kaliikeniin tu huruwu hite Yesu.

Epotor i 5:13

An éeyilenut akañenut bija aŋaabeiin, bare ésuk i eŋ'esok kajaku kooniin.

Epotor i 5:40

Ni karuw epotor i, abe ni káhiniin kéemiñee ni hikarawas. Kahaban, ni káhaminiin ayan, kaaniin itim iŋki káhamin tu huruwu hite Yesu, abe ni kawasaniin.

Kafeeñal ku 21:8

Bare bukoloow bu, ni kéeyilenut ku, ni kiŋki káhin buroon béekojie bu, ni kiŋki kayool bakan, ni kiŋki kaŋot ni bakan ki kaseñeit ku, n'élugusa i, ni kiŋki kásukaay ñúwisenum ñu, n'ejuusa i fe, boko káyemi ti han héesufe-sufe hu hite sineemak su n'efor i. Ho heemo fu eket ésooboriyan i.