Saaŋ 9:16 - Kwatay (Kuwaataay)

¹⁶ Bakaake t'Efarisiyeŋ i ni kaane: —Áyin ondu éehine ii ayinaat kánuutina t'Atambatun, ábuki ateñekateñeko kajoku erimaas ite úne. Bakaaku ni kaane: —Ahoofoora áyinooni fíya káhinu beehaŋe ésuk i kikaw naane bondu? Náami kumuumiin yooŋ kajamoorut t'efeeneŋ.

Saaŋ 9:16 ပူးပေါင်းရင်းမြစ်များ

Májiye 12:10

Ake ániine ámoomi toko, emoŋio étimatim. Kéeyemie ku toko ni kámaŋi katinan Yesu. Ni kákandijeno kaano: —Eluwa yite y'úne ewunawun an karitan ásomuta t'erimaas i?

Májiye 12:2

Bakaake *t'Efarisiyeŋ i kajuka bondu, ni kaane Yesu: —Á̱heelin fee, eriboora íiwe bokondu ti káhinu doon d'Eluwa yite y'úne eteñekee du an áhin tu hunak hite erimaas i!

Hirim Heetoofe hu hi Luk akiñje hu 13:14

Bare aseef ite báalawum bu n'ayiŋat ti Yesu naane áhine i anaare u éekoyi t'erimaas i. Náami eeene ésuk i: —Úbajabaj kunak keemo hutok ni hifeeneŋ k'úyinie karoku te ko. Aribin te ko wúsomut woonuun weenuutanee, bare t'érimaasiit!

Saaŋ 10:19

Hi Yesu asoke hu bondu ahaban, Esuwif i ni kasooñ káwaajinoor.

Saaŋ 14:11

Áriyilen naane eenuun i íñj'endu ti Faaf u, abe Faaf u yooŋ ondu t'íñje. Arko yooŋ áriyilenut báhamin búuma, áriyilen kame uŋu buroon bimb'íhin.

Saaŋ 15:24

Arko yéeni íhinut tu buhooŋiiin buroon b'an fe ámusut káhinu, man kasejanee wuhoofoor wooniin. Bare hahiye kajuka burok búuma, bokondu yooŋ ti kahuufu uni, íñje ni Faafam.

Saaŋ 2:11

Doon dondu di Yesu áhine fu dítiyar deehaŋe ésuk i kikaw. Kana, eke ésuk ite Gálile tu bondu bibaje fu. Iyu a áwufoore fu kániku koone, abe eriboora yeene ni káyilen te o.

Saaŋ 3:2

N'abin kike káajiim bibin ti Yesu abe n'aano: —Ámuse u, írimoomi kaanuku Atambatun áboñini fu kaanuku a̱abin a̱liiken uni; ábuki an ayinaat káhinu buroon bamb'á̱hin beehaŋe bu ésuk i kikaw t'Atambatun ariboorut ne o.

Saaŋ 5:10

H'eseef ite Esuwif i kajuke hu ániine u i Yesu aritane u ti bija bu ni kaano: —Úmiye erimaas ite úne. T'Eluwa i, a̱warut kayitu kabaŋ kúuwe.

Saaŋ 5:36

Abe abajeebaj bike beeseedaam beehaŋe bite bu Saaŋ: bo beemo fu burok bi Faaf u asaanam bu kaanuku íihin. Iŋ'íhin bo, abe búwufoorawufoor akuur but kaanuku Faaf u áboñinam fu.

Saaŋ 6:52

Náami Esuwif i keebatikanoor toko iŋi kaane: —Buŋ fíya b'ayino fu kasaan úne eni yeene núuteŋ?

Saaŋ 7:12

Hahooja hu toko ti báhamin t'etaam iŋi kajemeno. Bakaake iŋi kaane: «An fu eejake.» Bakaaku n'iŋi kafin kaane: «Aaa, aŋ'abuut ésuk i.»

Saaŋ 7:23

Naane aamo i aŋ'ariteyan karam ehaawa i hutoof yooŋ t'erimaas i kaanuku atum'aribin árijuum t'Eluwa yite Moyis, iŋi naŋ n'ariyiŋate fu t'íñje naane íhine i húŋgowulan ñeeba héekoyi t'erimaas i?

Saaŋ 7:43

Iyu e ésuk i éwaajinoore fu toko iŋ'ite hu Yesu.

Saaŋ 9:24

Efarisiyeŋ i ni kasooñ karuw ániine éejukaariit u yéeni abe ni kaano: —Atambatun aŋ'ajam t'awe; a̱sok bifeeneŋ bu taŋ. Írimoomi kaanuku ániine ondu ahoofoora.

Epotor i 14:4

Bakate ti hikinu hu ni káwaajinoor: bakaake ni kásiiŋoorein n'Esuwif i, bakaaku *n'epotor i.