Saaŋ 7:37 - Kwatay (Kuwaataay)

³⁷ Hunak hiraanu hu hite efeet i heemo fu yooŋ hómbokun hu. Yesu n'asiiŋo t'etut ésuk i abe n'áhamin t'etiir aane: —An i nukuno nisaye, abin t'íñje éehujo.

Saaŋ 7:37 ပူးပေါင်းရင်းမြစ်များ

Májiye 11:28

«Aribin t'íñje aruun fe kéelaame ku abe n'ariniŋan, n'iŋ'íyihinanuun.

Májiye 3:3

Saaŋ aamo fu an u i *Esayi *ayiŋana ite Atambatun asoke u aane: «O aamo fu an u aa ataŋk t'eramba i aŋ'aane: “Arifare bítim bu bija t'Anahaan u, árihino búhuhu beejoŋoore!”»

Májiye 5:6

Atoof ti kéemaŋie ku káhabanein káhinu b'Atambatun ámaŋie bu, ábuki akina kawuniiin bo kafaman!

Saaŋ 1:23

N'ásafiniin hirim honde *h'Esayi ayiŋana ite Atambatun abine hu asok. N'aaniin: «Íñj'eemo fu kaaji kite an u aa ataŋk t'eramba i aŋ'aane: “Arifare éhuhu yeejoŋoore bija t'Anahaan u!”»

Saaŋ 14:6

Yesu n'aano: —Íñj'eemo fu bítim bu, nu múniyo mu, nu buroŋ bu. An ayinaat bija ti Faaf u t'aŋaasut t'íñje.

Saaŋ 4:10

Yesu n'aano: —Kane á̱meyi yéeni b'Atambatun bamb'awun, n'aañ yooŋ af'aani iye a̱wuno éehujo, humuumi a̱ja fu kaanio awuni á̱ahujo, abe n'aŋ'awuni móhujo mummu muwun buroŋ bu.

Saaŋ 4:11

Anaare u n'aano: —Abuke, a̱bajut ebaag, abe ésaabun i ésulasuli. Á̱ayitin diin móhujo mondu mummu muwun buroŋ bu?

Saaŋ 4:14

Bare an eeyak u búhujo tu móhujo m'ija mu kawunio, búhujo buroŋuto kajoku hikee. Ábuki móhujo m'ija mu kawunio káyemi t'enio naane káabulanu tu móhujo miyak kábulu, abe ni míhino eebaj buroŋ béehabanaariit bu.

Saaŋ 5:40

Bare árimaŋiit bibin t'íñje kaanuku ariibaj buroŋ bite bu nu múniyo.

Saaŋ 6:35

Yesu n'aaniin: —Íñj'eemo fu humburu huhu huroŋan ésuk i. An eebine u t'íñje, aroŋut kajoñjolat. An yooŋ éeyilene u t'íñje, búhujo buroŋuto kajoku.

Saaŋ 6:37

Bakan ki Faaf u awunam ku bibin kareyi fe t'íñje, abe it'íkutoor hikee-kee an eebine u t'íñje.

Saaŋ 6:55

Ábuki eni íima nu múniyo yite kateŋu; halan húuma yooŋ nu múniyo hite búhujo.

Saaŋ 7:28

Yesu ti kaliiken ésuk i *t'Enuuf ite Atambatun, n'áhamin t'etiir aane: —Árimoomi me íñj'eemo fu aañ, ni diin t'ínuutina fu? Íñjeiit inoŋkooree iibin. Bare an éeboñinam u, an ite bifeeneŋ. Árimeyiito,

1 Korent 10:21

Ariyinaat búhujo t'ekot ite Anahaan u, arihaban, n'árihujo yooŋ t'ekot ite sirab su. Ariyinaat buñoofo t'efind ite Anahaan u, arihaban, n'ariñoofo t'efind ite sirab su.

1 Korent 10:4

kareyi yooŋ káhujee fu búhujo bifeeneŋ b'asaaniin bu. Múniyo iŋi káhujo móhujo m'Atambatun áhine mu méenuutin t'elaaliñj yeeseiin i ti hiñaawu, abe elaaliñj yendu yeemo fu *Kiris.

1 Korent 11:25

H'aamo hu yooŋ kañoofaa éhijiima i kahaban, n'ásik ekot ite ébiñ i abe n'aane: «Diye ekot yéewufoore i *kaajamoor kíyeni ku keeja ku kabaju t'etut Atambatun ni bakan koone, halan húuma heeja hu búyuuso héekinineŋ. Híhinin fe h'árihujee te yo, árihin bo kaanuku áriibaŋinaam.»

1 Korent 12:13

Bakaake t'úne Esuwif, bakaaku kanooto Esuwif, bakaake búsukateen, bakaaku kanooto búsukateen, bare úreyi fe *úbostee fu tu Búwejet Beenabe bu bifeeneŋ bu kaanuku núuhin eni efeeneŋ. Abe Búwejet Beenabe bu bifeeneŋ bu bibine fu t'úne úreyi fe.

Efees 5:18

Atum'aŋ'áriwusan, ábuki éwusan aŋ'ábuj an. Bare arihooj bib nu Búwejet Beenabe bu.

Kafeeñal ku 21:6

Abe n'áwutiyen aane: —Hahiyu ahabanee! Íñj'eemo fu átiyar u n'araan u toko, kájabina ku ni bihabanooreey bu. An i nukuno nisaye, íñje kawunio éehujo fuufu ti káabulanu kite móhujo mite buroŋ bu.

Kafeeñal ku 22:1

Hunuut toko, amalaka u n'áwufooram kaayelu kite móhujo mite buroŋ bu, kéenuutina ku t'eriikeey ite híyiaate hu yite i Atambatun n'Ametek u, abe ni kijaaŋ wililil naane eweer.

Kafeeñal ku 22:17

Búwejet Beenabe bu n'anaare ite Ametek u ni kaano: «A̱bin!» An yooŋ eejame bonde aja aano: «A̱bin!» An i nukuno nisaye abin. An éemaŋie búhujo tu móhujo mite buroŋ bu aja áhujo te mo fuufu.