Saaŋ 7:31 - Kwatay (Kuwaataay)

³¹ Ti hahooja hu, úkaan ni káyilen te o. Iŋi kaane: —Afakana u af'aja abin, o fíya káhinu beehaŋe ésuk i kikaw, beehaŋe kahooju b'ániine onde áhine bu?

Saaŋ 7:31 ပူးပေါင်းရင်းမြစ်များ

Májiye 12:23

Hahooja hu fe ni hijahale, abe n'iŋi kaane: —*Añi Dafit fíya?

Hirim Heetoofe hu hi Luk akiñje hu 8:13

Bakaaku kámoomi naane t'arkee du bilaaliñj. Iŋi kajam hirim hu, abe ni kajok ho atoof. Bare híbajaariit ñuyoot. Iŋi káyilen t'ewahatu kep, abe Setani af'aŋes káhiniiin keehoofoor, n'iŋi kawasan káyilen kooniin.

Saaŋ 11:45

Keehooje t'Esuwif i keebine ku ti Mari ni káyilen ti Yesu hi kajuke hu b'áhine bu.

Saaŋ 12:11

ábuki keehooje t'Esuwif i iŋi káwuŋgiin kiñaawu uŋu hoone hu kéeyilen ti Yesu.

Saaŋ 12:42

N'abaj bare t'eseef ite Esuwif i kumuumiin bakan keehooje kéeyilene ti Yesu. Bare kakañenut kasoku bo t'etiir iŋ'ite *Efarisiyeŋ i, kaanuku itim kabin kawiisee ti *báalawum booniin.

Saaŋ 2:11

Doon dondu di Yesu áhine fu dítiyar deehaŋe ésuk i kikaw. Kana, eke ésuk ite Gálile tu bondu bibaje fu. Iyu a áwufoore fu kániku koone, abe eriboora yeene ni káyilen te o.

Saaŋ 3:2

N'abin kike káajiim bibin ti Yesu abe n'aano: —Ámuse u, írimoomi kaanuku Atambatun áboñini fu kaanuku a̱abin a̱liiken uni; ábuki an ayinaat káhinu buroon bamb'á̱hin beehaŋe bu ésuk i kikaw t'Atambatun ariboorut ne o.

Saaŋ 4:29

—Aribin ariijuk! Abajeebaj ake ániine eesokam doon d'íhine du fe. Ákinaiit fíya aamo fu Afakana u?

Saaŋ 4:39

Bakan keehooje-hooj bakate ti hikinu hondu hite hu Samari ni káyilen ti Yesu, ábuki anaare u aaniinyen: «Asokamsok doon d'íhine du fe.»

Saaŋ 6:2

Bakan keehooje-hooj ni kanabano, ábuki kajukajuk buroon beehaŋiin kikaw h'áhine hu kéesomute ku kéekoyi.

Saaŋ 7:26

Arijuk, o fu af'áhamin iye ti hahooja hu, abe kásokaariit doon! Bukuura fíya eseef ite úne kaanuku akina aamo fu *Afakana u?

Saaŋ 9:16

Bakaake t'Efarisiyeŋ i ni kaane: —Áyin ondu éehine ii ayinaat kánuutina t'Atambatun, ábuki ateñekateñeko kajoku erimaas ite úne. Bakaaku ni kaane: —Ahoofoora áyinooni fíya káhinu beehaŋe ésuk i kikaw naane bondu? Náami kumuumiin yooŋ kajamoorut t'efeeneŋ.

Epotor i 8:13

Simoŋ humuumo n'áyilen, abe n'abostee. Aŋ'ariboor ni Filip kep, abe n'aŋ'ajahale dómbokun hah'ajuko ti káhinu buroon beehaŋe bu ésuk i kikaw.

Saak 2:26

Húŋgowulan heebajut síhiinu, o an eekete. Káyilen yooŋ keeriboorut ni manoŋkar meejake, ko yooŋ keekete.