Saaŋ 7:28 - Kwatay (Kuwaataay)

²⁸ Yesu ti kaliiken ésuk i *t'Enuuf ite Atambatun, n'áhamin t'etiir aane: —Árimoomi me íñj'eemo fu aañ, ni diin t'ínuutina fu? Íñjeiit inoŋkooree iibin. Bare an éeboñinam u, an ite bifeeneŋ. Árimeyiito,

Saaŋ 7:28 ပူးပေါင်းရင်းမြစ်များ

Májiye 11:27

Abe n'aane kéeyemie ku toko: —Faafam anaŋanaŋ buroon bu fe tu sumoŋiam. An ámeyiit íñj'eemo fu aañ, íñje eeemo u Añi u, bare Faaf u ámoomi. An yooŋ ámeyiit Faaf u aamo fu aañ, bare ímoomi, íñje Añi u; abe k'ijifane ku yooŋ kaanuku íiwufooriino kámoomi.

Májiye 2:23

iŋi heenee *Nasaret. Iyu i bije fu kaanuku man báhamin bonde *b'eyiŋana yite Atambatun kasoke bu ni bibaj. Kaanaan: «*Afakana u kaaniee an ite Nasaret.»

Májiye 26:55

Ahaban, Yesu n'aane hahooja hu: —Íñje ítumbe íyemi ánukenoora h'aribine hee búuma nu wúbura, nu bugol yooŋ? Húnakonak fe úne uf'úyemi, iŋ'iliiken ésuk i *t'Enuuf ite Atambatun, abe arijokutam.

Hirim Heetoofe hu hi Luk akiñje hu 10:22

Abe n'aane kéeyemie ku toko: —Faafam anaŋanaŋ buroon bu fe tu sumoŋiam. An ámeyiit íñj'eemo fu aañ, íñje eeemo u Añi u, bare Faaf u ámoomi. An yooŋ ámeyiit Faaf u aamo fu aañ, bare ímoomi, íñje Añi u; abe k'ijifane ku yooŋ kaanuku íiwufooriino kámoomi.

Hirim Heetoofe hu hi Luk akiñje hu 2:11

*Afakana oonuun abukee úmiye ti hikinu hu ti *Dafit ákinaanie du. O aamo fu *Kiris, Anahaan u.

Hirim Heetoofe hu hi Luk akiñje hu 2:39

H'aamo hu Siseef ni Mari káhina naane Eluwa yite Atemit esoke i kahaban, ni kabatuko n'añi u bija t'ésuk yeeniin *Nasaret, yeeemo i ti *Gálile.

Hirim Heetoofe hu hi Luk akiñje hu 2:4

Siseef n'anuut t'ésuk ite *Nasaret yeeemo i ti *Gálile, n'aja t'eke ésuk ite *Súde eŋ'eenee Betelehem. Bo b'áyi u *Dafit abukee fu, abe Siseef ite tu hubukandin hoone.

Hirim Heetoofe hu hi Luk akiñje hu 2:51

Náami Yesu eeriboor nu boko, keebatuko bija *Nasaret. Aŋ'ájeŋginiin naane. Íñaayo n'anaŋ bondu fe ti hikawo.

Saaŋ 1:46

Natanayel n'aano: —Nasaret? Doon deejake dúnooni fíya kánuutina Nasaret? Filip n'aano: —A̱bin n'aŋ'a̱juk.

Saaŋ 10:36

Íñje bare, Atambatun ajifanam, abe n'áboñinam t'etaam ye. N'aŋ'arifin ariene íñje ílafatino aŋarkeyi eenaan íñje Añi ite Atambatun?

Saaŋ 12:49

Abajut bike b'inoŋkooree iisok, bare Faaf u humuumo éeboñinam u áwufooramwufoor b'iware bu kasoku fe.

Saaŋ 14:10

Kame á̱yilenut kaanuku íñj'endu ti Faaf u, abe Faaf u yooŋ ondu t'íñje? Kirim ku kiŋk'isokuun fe kúuma kíiit, bare Faaf eeemo u t'íñje af'anoŋk éehin burok boone.

Saaŋ 14:31

bare bakate ku t'etaam ye kawarawar kámeyi kaanuku ímaŋamaŋi Faaf u, abe yooŋ iŋ'íhin naane aa asokam. Aririto núuja!»

Saaŋ 16:3

Boko káhinu iyu aŋarkeyi naane kámeyiit Faaf u, kámeyiitam yooŋ.

Saaŋ 17:25

Faafa, awe éejube u, bakate t'etaam i kámeyiiti, bare íñje ímoomii, abe eriboora íima bokonde kámoomi kaanuku awe á̱boñinam.

Saaŋ 17:3

Abe buroŋ béehabanaariit bu beemo fu kámeyii, awe Atambatun afeeneŋ u ite u nu múniyo, ni Yesu *Kiris a á̱boñina u.

Saaŋ 3:2

N'abin kike káajiim bibin ti Yesu abe n'aano: —Ámuse u, írimoomi kaanuku Atambatun áboñini fu kaanuku a̱abin a̱liiken uni; ábuki an ayinaat káhinu buroon bamb'á̱hin beehaŋe bu ésuk i kikaw t'Atambatun ariboorut ne o.

Saaŋ 3:33

An éeyileno u áwufoorawufoor akuur but kaanuku b'Atambatun asoke bu bite nu múniyo.

Saaŋ 5:32

Bare abajeebaj ake eeseedaam, abe ímoomi kaanuku bamb'asok t'íñje bite toko.

Saaŋ 5:43

Ibinabin tu huruwu hite Faafam, bare arijokutam áwariee. Abe an n'afin abin tu huruwu hoone akina humuumo, n'aŋ'arijoko áwariee!

Saaŋ 6:42

Ni kaane: —An ondu kereŋ Yésuiit, añi ite Siseef? Úmoomi faafo n'íñaayo. Buŋ b'af'asooñ aane hahiye t'etiir t'ánuutina fu?

Saaŋ 7:14

T'etut efeet i, Yesu n'aja *t'Enuuf ite Atambatun, abe n'áyemi toko ti kaliiken ésuk i.

Saaŋ 8:14

Yesu n'aaniin: —Múniyo iŋ'inoŋk iisokooro, bare bimb'isok bite nu múniyo, ábuki ímoomi t'ínuutina du ni t'ija du. Bare aruun, árimeyiit t'ínuutina du ni t'ija du.

Saaŋ 8:16

Bare if'ija ayak abin áami ijoonana, majoonanar múuma uŋu mujoŋoor, ábuki inooto unoonam. Faaf u éeboñinam u ondu n'íñje.

Saaŋ 8:19

Ni kaano: —Kame faafi ondu diin? Yesu n'aaniin: —Árimeyiitam, árimeyiit yooŋ Faafam. Kane árimeyiam yéeni, n'aŋ'árimeyi yooŋ Faafam.

Saaŋ 8:26

B'íyinie bu kasoku t'aruun, ni b'íyinie bu yooŋ kajoonan buhoojahooj. Bare an éeboñinam u an ite bifeeneŋ, abe b'ijame bu te o taŋ b'if'isok ésuk i.

Saaŋ 8:42

Yesu n'aaniin: —Kane arko yéeni múniyo Atambatun aamo fu Faafuun, n'aŋ'árimaŋiam, ábuki te o t'ínuutina fu, abe uŋu hoone hu h'eemo fe beebe. Íñjeiit inoŋkooree iibin, bare akina áboñinam fu.

Saaŋ 9:29

Írimoomi kaanuku Atambatun áhaminahamin nu Moyis; bare áyin ondu, írimeyiit t'ánuutina du!

Epotor i 17:23

Ábuki h'iñaahoore hu ti hikinu hoonuun, ijukajuk hike ti kimiile koonuun, abe bonde bikiñjee fu toko: «Bija t'ake atambatun éemeyiitee.» Bamb'árisukaay ii t'árimeyiit bo, bo b'ibine fee kasokuuun.

Eleetar i yi Pool akiñje i bakate ku Rom 1:28

Naane aamo i kateñekateñeko kámeyi Atambatun, Atambatun n'awasiin nu búwesinato booniin beeñunut bu kaanuku iŋi káhin buroon bi kawarut bu káhinu.

Eleetar i yi Pool akiñje i bakate ku Rom 3:4

Mayet fu! Hutoof yooŋ kúŋgowulan ku fe ejuusa, híkinineŋut Atambatun n'áyemiaati ate bifeeneŋ. Múniyo Míkiñjin mu meenaan: «Af'á̱hamin, ésuk i fe kámeyi kaanuku bite toko, abe an af'atinani, n'aŋ'a̱heeko.»

2 Korent 1:18

Iisokuun bonde hágila Atambatun eeemo u báhamino bifeeneŋ taŋ: h'irienuun hu «hee», áaaiit éyemie fu ti sihel site s'uni.

2 Korent 4:6

Ábuki Atambatun eeene u: «Meejaaŋe mu mija mijaaŋan t'ébaani i!» o yooŋ áhine fu meejaaŋe moone meejaaŋ ti sihel site s'uni, kaanuku man n'ajaaŋan uni ti kámeyi kite kániku koone kiŋki kisilan tu buhooŋu bite Kiris.

Eleetar i yi Pool akiñje i Tit 1:2

Iyu, n'uŋu bukuuriin kaanuku boko kabaju buroŋ béehabanaariit bu. Huta hu t'etaam i éwuwanoorutee, Atambatun éejuusaariit u asokasok aane o kawunu úne buroŋ bondu.

Esuwif i 6:18

Náami muroon músuba mondu miyinaatee kanuutan mike meesiiŋanee, abe Atambatun ayinaat biñako te mo. Mo miyaŋganane fu úne kikaw núujok t'eyakar y'Atambatun asoke i úne, úne keeemo ku t'ésamunan yeene.

1 Saaŋ 5:10

Náami an éeyilene u t'Añi ite Atambatun anaŋa t'eholo kaseede konde. Bare an éeyilenut u t'Atambatun ajokojok ajuusa, ábuki áyilenut b'Atambatun aseede bu t'Añio.