Saaŋ 6:70 - Kwatay (Kuwaataay)

⁷⁰ Yesu n'aaniin: —Íñjeiit ijifanuun fu, aruun sumoŋu ni bákasuba ku? Bare ake t'aruun an ite Setani!

Saaŋ 6:70 ပူးပေါင်းရင်းမြစ်များ

Saaŋ 13:18

«Árireyiiit k'isoke fu, ábuki ímoomi naane k'ijifane ku kaamo i ariike. Bare beesokee bu ti *Míkiñjin mu buwarawar kabaju. Meenaan: “An i iriñoofee u t'afeeneŋ ásokumam.”

Saaŋ 13:2

Yesu n'eriboora yeene ni káyemi tu buñoofo éhijiima. Suda, añi ite Simoŋ Iskariyot, Setani káaheekin éefuwo wúkondin kaanuku eebin eejoohen Yesu.

Saaŋ 13:21

Hi Yesu asoke hu bondu ahaban, eholo fe n'ehabano. N'asok akuur but aane: —Iisokuun bifeeneŋ bu: ake t'aruun kásikiam asaan bakan.

Saaŋ 13:27

Hi Suda ajoke hu amburu u kep, Setani n'ayoosoo. Yesu n'aano: —B'a̱ja bu káhinu, a̱moken te bo!

Saaŋ 15:16

Áruuniit arijifanam fu, bare íñje ijifanuun fu, abe n'iboñuun kaanuku ariija aribuk miriyaay, miriyaay mite bifiyo. Af'árihin bo, Faaf u kawunuuun doon fe d'ariyako kalawu tu huruwu húuma.

Saaŋ 15:19

Arko yéeni aruun bakate t'etaam ye, n'iŋi kámaŋiuun, ábuki n'aŋ'áriyemi k'afeeneŋ ku. Bare aruun bákateiit t'etaam ye, ábuki ijifanuunjifan, abe n'íkajinuun; aŋkut árihin nu boko t'afeeneŋ. Iŋ'ite ho h'ésuk i ehuufuun fu.

Saaŋ 17:12

H'íyemie hu nu boko, iŋ'ijukariin ti sembe site huruwu húuwe, huruwu h'a̱wunam hu. Íñje if'ijukariin, abe mayet afeeneŋ tu boko átowutee, kane arko eefiyee u awar bútowuto hiraanu kaanuku man beesokee bu ti *Míkiñjin mu ni bibaj.

Saaŋ 2:2

Yesu yooŋ aruweeruw bite bisayi bu, akina n'eriboora yeene.

Saaŋ 20:24

Bare Taamas, ake tu sumoŋu ni bákasuba ku (ii kaane Básumbeel bu), áyemiit nu boko hi Yesu abine hu.

Saaŋ 6:64

Bare abajeebaj t'aruun bakaake kéeyilenut. (Ábuki huta hu ti hítiyar hu, Yesu afiyafiya ámeyi aañiin káyilenut fu, n'aañ yooŋ aja fu kajoohen koone.)

Saaŋ 6:67

Náami Yesu eeene eriboora i sumoŋu ni bákasuba ku: —Aruun yooŋ árimaŋiit bija?

Saaŋ 6:71

*Suda, añi ite Simoŋ Iskariyot a áyemie fu ti kasoku ku. Ábuki Suda, naane aamo i fe ite t'eriboora i sumoŋu ni bákasuba ku, o aja fu kajoohen Yesu.

Saaŋ 8:44

Setani aamo fu faafuun, abe beetoofo bu b'af'árimaŋi káhinu. Huta hu ti kájabina ku, aŋ'ayool ésuk i. Ásokaariit bifeeneŋ, ábuki múniyo mu munooto te o. Af'ajuus yooŋ, máhaminaro, ábuki akina ajuusa, abe akina átuute fu haajuus.

Epotor i 1:17

Akina úne yéeni, abe yooŋ úne uf'úrokaani t'afeeneŋ.

Epotor i 13:10

abe n'aano: —Awe ajuusa, batuuk, añi Setani, anatoora ite meejake mu! Kaakaŋ me n'a̱ja fu karaan kayeeman kite buroon beejoŋoore bu b'Atemit ámaŋie bu kasiiŋan?

1 Timote 3:11

Haare hu yooŋ kiŋki kajokoor kikaw kite sijaŋgu su kawarawar káyemi keejoŋoore, abe kawarut yooŋ kasoku t'an. Kájokumooro, abe kájub tu buroon bu fe.

Eleetar i yi Pool akiñje i Tit 2:3

A̱ane yooŋ haare hu keehaane ku kabaj buroŋ beetoofe Atambatun. Kawarut kasoku t'an, itim káyemi yooŋ búsukateen bite ehob. Kawarawar iŋi karimu ésuk i ajakee.

1 Saaŋ 3:8

An eekine ti kaahoofoor, akina an ite Setani, ábuki Setani ahoofoorahoofoor huta hu ti kájabina ku. Bonde bíkinineŋe fu Añi ite Atambatun n'abin: kaanuku éebuj burok bite Setani.