Saaŋ 6:57 - Kwatay (Kuwaataay)

⁵⁷ Faaf u éeboñinam u ondu buroŋ. Naane áhinam ee iiroŋ, an yooŋ eeteŋe eniam, íñje káhinio eeroŋ.

Saaŋ 6:57 ပူးပေါင်းရင်းမြစ်များ

Májiye 16:16

Simoŋ Piyeer n'ásafino aano: —Awe a̱amo fu *Afakana u, Añi ite Atambatun eekino u buroŋ bu.

Saaŋ 14:19

Aroŋee diŋgilis bakate ku t'etaam ye it'iŋki kajukam. Bare aruun, aruun kajukiam, ábuki íñje karoŋu, abe aruun yooŋ karoŋu.

Saaŋ 14:6

Yesu n'aano: —Íñj'eemo fu bítim bu, nu múniyo mu, nu buroŋ bu. An ayinaat bija ti Faaf u t'aŋaasut t'íñje.

Saaŋ 17:21

Faafa, íñj'endu ti kalawu kaanuku man kareyi fe ni káyemi afeeneŋ, naane a̱amo i t'íñje, n'íyemi yooŋ t'awe; kéeyemi tu wane afeeneŋ, man bakate ku t'etaam i ni káyilen kaanuku awe á̱boñinam fu.

Saaŋ 3:17

Múniyo Atambatun áboñinoot Añi oone t'etaam ye kaanuku eejok ésuk i eejoonaniin, bare áboñinoboñin kaanuku eefakaniin.

Saaŋ 5:26

Ábuki naane Faaf u ákinie i buroŋ bu, iyu yooŋ a awune fu Añi u éekini bo.

Saaŋ 6:29

Yesu n'aaniin: —Doon d'Atambatun ámaŋie du deemo fu áriyilen t'an a áboñina u.

Saaŋ 6:38

Ábuki h'ínuutina hu t'etiir, káanukiiit iibin íhin beetoofam bu. Beetoofe bu an éeboñinam u bíkinineŋe fu n'ibin.

1 Korent 15:22

Naane aamo i kúŋgowulan ku fe iŋi kaket iŋi naane káhine i t'afeeneŋ *n'Adam, boko yooŋ bíriteina t'eket i iŋi naane káhine i t'afeeneŋ ni Kiris.

1 Korent 15:45

Múniyo *Míkiñjin mu meenaan: «*Adam álokow átiyar u n'áyemi húŋgowulan heeroŋe.» Adam araan u n'áyemi búwejet bumbu buwun buroŋ bu.

2 Korent 13:4

Múniyo atibeetib *t'ekuruwa ti kabajaate koone kite sembe su, bare ondu tu buroŋ ti sembe site Atambatun. Uni yooŋ írihinahin ne o t'afeeneŋ ti kabajaate kite k'uni kite sembe su, bare uni bokondu tu buroŋ ne o ti sembe site Atambatun, abe ne so n'irija fu karoku t'aruun.

Galasi 2:20

Náami aŋkut áami íñj'eemo fu tu buroŋ bu, bare Kiris aamo fu tu buroŋ bu t'íñje. Buroŋ bite t'etaam ye b'eemo bee te bo hahiye, íñj'endu te bo ti káyilen ku t'Añi ite Atambatun éemaŋiam u, abe n'ásik síhiinio asaan bija t'íñje.

1 Tesalonik 1:9

Ésuk i fe eŋ'esok naane arijoke i uni áwariee h'iribine hu t'aruun, ni naane ariwase i ñájiim ñu ariijok t'Atambatun eeemo u buroŋ, abe n'árijeŋgino, akina ite u nu múniyo.

Esuwif i 9:14

Arko bondu bite toko, halan hite Kiris hihaŋe kame sembe! Ábuki ásikasik enio eesarah yo Atambatun kaasarah keekuure but, ti sembe site Búwejet Beenabe bu béeketaariit bu. Halan hoone kakuuran sihel site s'úne ti kinij keebajut ku éñjeriŋ kiŋki kibin n'eket i, kaanuku man n'úyini karoku bija t'Atambatun eeemo u buroŋ.

1 Saaŋ 4:9

Iye a Atambatun áwufoore fu naane ámaŋie i úne: áboñinoboñin Añio afeeneŋ u t'etaam ye, kaanuku núubaj te o buroŋ bu.