Saaŋ 6:40 - Kwatay (Kuwaataay)

⁴⁰ Hee, bonde butoofe fu Faafam: an fe eejuke Añi u abe n'áyilen te o, n'abaj buroŋ béehabanaariit bu, abe íñje karitano t'eket i tu hunak hiraanu hu.

Saaŋ 6:40 ပူးပေါင်းရင်းမြစ်များ

Májiye 10:15

Iisokuun bifeeneŋ bu: hunak h'Atambatun aja hu Kajoonan te ho, sílaam site bakate ti hikinu hondu kahaŋu site bakate ku *Sodom nu *Gomoor.

Májiye 25:46

Yesu n'áwutiyen aane: —Abe boko bija tu kúnuur kéehabanaariit ku, kéejube ku keefin keeja tu buroŋ béehabanaariit bu.

Mark 16:16

An eeja u káyilen, abe *n'abostee, o kafaku. Bare an at'a áyilen, Atambatun akufokufo awasan.

Hirim Heetoofe hu hi Luk akiñje hu 2:30

Ábuki ítumba ijuk ni ñíkinam *Afakana u

Saaŋ 1:14

Hirim hu ni hibin híyemi húŋgowulan, abe ni hikin n'uni. Hijakajak t'ésuk i híhabanein, abe nu huhooj bib nu múniyo mu. Irijukajuk kániku k'Atambatun Faaf u aa awun Añio afeeneŋ u.

Saaŋ 10:28

Iŋ'iwun kiŋki kasaam ti hiñaawu buroŋ béehabanaariit bu; iti kaket hikee, abe an at'aramiin t'emoŋiam.

Saaŋ 11:24

Mart n'aano: —Ímoomi kaanuku tu hunak hiraanu hu, hunak h'ésuk i eja hu birito t'eket i, akina birito.

Saaŋ 11:25

Yesu n'aano: —Íñj'eemo fu bíriteina bite t'eket i, íñj'eemo fu yooŋ buroŋ bu. An éeyilene t'íñje, hutoof yooŋ aket, o karoŋu.

Saaŋ 12:45

Abe an eejukam u, ajuka yooŋ an éeboñinam u.

Saaŋ 12:50

Abe ímoomi kaanuku báhamin boone ufu buwun buroŋ béehabanaariit bu. Náami bimb'isok, iŋ'isok bo naane ti Faafam asokam du bo.

Saaŋ 14:17

O aamo fu Búwejet bumbu búwufoor ésuk i múniyo mu. Bakate ku t'etaam ye biteñekoo, ábuki kayinaato kajuku, kayinaato yooŋ kámeyi. Bare aruun árimoomio, ábuki akinakin n'aruun, o yooŋ káyemi n'aruun.

Saaŋ 14:19

Aroŋee diŋgilis bakate ku t'etaam ye it'iŋki kajukam. Bare aruun, aruun kajukiam, ábuki íñje karoŋu, abe aruun yooŋ karoŋu.

Saaŋ 17:2

Ábuki a̱wunowun sembe tu kúŋgowulan ku fe, kaanuku aŋ'abin awun bakan k'a̱saano ku fe buroŋ béehabanaariit bu.

Saaŋ 3:36

An éeyilene u t'Añi u abaja buroŋ béehabanaariit bu; an éeyilenut u t'Añi u at'ajuk buroŋ bondu, bare Atambatun akufokufo awasan.

Saaŋ 4:14

Bare an eeyak u búhujo tu móhujo m'ija mu kawunio, búhujo buroŋuto kajoku hikee. Ábuki móhujo m'ija mu kawunio káyemi t'enio naane káabulanu tu móhujo miyak kábulu, abe ni míhino eebaj buroŋ béehabanaariit bu.

Saaŋ 5:24

«Iisokuun bifeeneŋ bu: an eejame u báhamin búuma, abe n'áyilen t'an éeboñinam u, an ondu abaja buroŋ béehabanaariit bu. At'ajoonanee. Ánuutino t'eket i eebin tu buroŋ bu.

Saaŋ 6:27

Atum'arirok buroon bite kákuumanuun bite búbujo kuwaatu. Arirok buroon bite kákuumanuun beeemo utu búbujo hikee, abe yooŋ nu buwun buroŋ béehabanaariit bu. Buroon bondu, *Añi ute Húŋgowulan hu aja fu kawunuuun bo, ábuki te o t'Atambatun Faaf u áhine fu éluwenuma yeene yéewufoore i kaanuku ariboorariboor ne o.

Saaŋ 6:39

Abe beetoofe bu an éeboñinam u beemo fu itim'ítowutan mayet afeeneŋ ti k'asaanam ku, bare n'ibin iritaniin t'eket i tu hunak hiraanu hu.

Saaŋ 6:44

An ayinaat bibin t'íñje ti Faaf u éeboñinam u áñakinuto, abe íñje karitano t'eket i tu hunak hiraanu hu.

Saaŋ 6:54

An eeteŋe u eni íima, abe n'áhujo yooŋ halan húuma, abaja buroŋ béehabanaariit bu, abe íñje karitano t'eket i tu hunak hiraanu hu.

Saaŋ 8:56

Faafuun Aburaham, hikawo hutoofatoof dómbokun ti kaanu ku man o kajuku hunak h'ibin hu; ajukajuk ho, abe hikawo nu hutoof naane.

Eleetar i yi Pool akiñje i bakate ku Rom 5:21

Náami naane kaahoofoor ku kíbajaanie i sembe kiyak uŋu kuyool, kajaku k'Atambatun kaŋk'áwufoor kibaja yooŋ sembe site káhinu ésuk i kéejub te o. Iŋ'ite ho h'úyinie fu kaŋaasu t'Anahaan ite úne Yesu Kiris núubaj buroŋ béehabanaariit bu.

Eleetar i yi Pool akiñje i bakate ku Rom 6:23

Ábuki bajaam bite kaahoofoor beemo fu eket i; bare b'Atambatun bamb'awun fuufu beemo fu buroŋ béehabanaariit bu iŋi naane úhine i t'afeeneŋ ni Yesu *Kiris Anahaan ite úne.

2 Korent 4:6

Ábuki Atambatun eeene u: «Meejaaŋe mu mija mijaaŋan t'ébaani i!» o yooŋ áhine fu meejaaŋe moone meejaaŋ ti sihel site s'uni, kaanuku man n'ajaaŋan uni ti kámeyi kite kániku koone kiŋki kisilan tu buhooŋu bite Kiris.

Esuwif i 11:1

Káyilen ámoomi naane iye: butum bukuura an u kaanuku doon d'ayakare du, do kabaju, abe amanteerut yooŋ kaanuku buroon béejukaariitee bu múniyo bibajabaj.

Esuwif i 11:27

Káyilen kíkinineŋe fu Moyis n'anuut t'Esipt t'ákoleyiit naane áyi u ayiŋate i. N'ajok alit tip kite am ajuke Atambatun éejukaariitee u.

1 Piyeer 1:8

Naane árimusut i kajuku Yesu fe, árimaŋiomaŋi; naane árijukaariito i hahiye fe, áriyilenayilen te o. Iŋ'ite ho hi kikawuun kutoofe fu dómbokun; kútumb kutoof kusooñen an ayinaat ko kasoku ni kirim.

1 Saaŋ 2:25

Abe bonde bi Kiris aane fu o kawunu úne: buroŋ béehabanaariit bu.

Eleetar i yi Sud akiñje i 1:21

Kámaŋi k'Atambatun ámaŋiuun ku, arijokoor te ko, ti kanahan yooŋ hunak h'Anahaan ite úne Yesu Kiris, ti kajaku koone, aja hu kawunuuun buroŋ béehabanaariit bu.