Saaŋ 5:23 - Kwatay (Kuwaataay)

²³ kaanuku man ésuk i fe ni kájeŋgin Añi u naane kájeŋgine i Faaf u. An éejeŋginut u Añi u, ájeŋginut yooŋ Faaf u éeboñino u.

Saaŋ 5:23 ပူးပေါင်းရင်းမြစ်များ

Májiye 10:37

«An af'ámaŋi faafo man yooŋ íñaayo ahaŋ naane ámaŋiam i, ayinaat káyemi ariboora úuma. An n'ámaŋi ahaawa oone, man yooŋ ásuŋgute oone ahaŋ naane ámaŋiam i, ayinaat káyemi ariboora úuma.

Májiye 11:27

Abe n'aane kéeyemie ku toko: —Faafam anaŋanaŋ buroon bu fe tu sumoŋiam. An ámeyiit íñj'eemo fu aañ, íñje eeemo u Añi u, bare Faaf u ámoomi. An yooŋ ámeyiit Faaf u aamo fu aañ, bare ímoomi, íñje Añi u; abe k'ijifane ku yooŋ kaanuku íiwufooriino kámoomi.

Májiye 12:21

abe *kéemeyiitam ku fe kanaŋu eyakar yeeniin te o.»

Májiye 15:8

«Íñje Atambatun, íñje isoke fee: bokondu iŋi kájeŋginam nu butum barebare, bare ti siheliin, kakambamkamb dómbombokun.

Májiye 28:19

Náami arija tánotan fe t'etaam ye, abe n'árihin ésuk i kéeyemi eriboora íima: *aribosteiin tu huruwu hite Faaf u, n'Añi u, nu Búwejet Beenabe bu,

Hirim Heetoofe hu hi Luk akiñje hu 10:16

N'asooñ aane eriboora yeene: —An af'ajam t'aruun, t'íñje t'ajame fu. An n'ateñekouun, íñje a ateñekee fu. Abe an af'ateñekaam, ateñekaa an éeboñinam u.

Saaŋ 14:1

Yesu n'asooñ aaniin: —Atum'ariyinoor doon fe. Áriyilen t'Atambatun, abe n'áriyilen yooŋ t'íñje.

Saaŋ 16:14

Bo kánikanam, ábuki doon di bija du kasokuuun fe, t'íñje ti diyak fu kánuutina.

Saaŋ 17:10

Bakan k'ibaje ku fe bákuuwe ku, abe bakan k'a̱baje ku fe bákuuma ku; abe iŋi káwufoor ésuk i naane ínike i.

Eleetar i yi Pool akiñje i bakate ku Rom 1:7

Aruun keeemo ku *Rom k'íkiñjina fee, aruun k'Atambatun ámaŋie ku arireyi fe, abe n'aruwuun kaanuku áriiyemi bakan koone. Atambatun Faaf úne, n'Anahaan u Yesu Kiris kaja kásoniyanuun, abe ni kawunuun káasuumaay.

Eleetar i yi Pool akiñje i bakate ku Rom 15:12

*Esayi yooŋ asokasok ti Míkiñjin mu aane: «Ake kánuutina tu noota nite Seese. O bíriteina eebin éeyemi aseef ite keenooto ku Esuwif, abe boko kanaŋu te o eyakar yeeniin.»

Eleetar i yi Pool akiñje i bakate ku Rom 6:22

Bare hahiye arikolut ni kaahoofoor ku, abe aruun búsukateen bite Atambatun. Doon d'aribaje du toko deemo fu buroŋ beenabe, abe ti biraanu, aruun kabaju buroŋ béehabanaariit.

Eleetar i yi Pool akiñje i bakate ku Rom 8:9

Bare aruun árihinaariit beetoofuun bu; aŋ'árihin beetoofe bu Búwejet bite Atambatun, ábuki bikinakin t'aruun. An afut'abaj Búwejet bite Kiris, an ondu anooto an ite Kiris.

1 Korent 1:3

Atambatun Faaf úne, n'Anahaan u Yesu Kiris kaja kásoniyanuun, abe ni kawunuun káasuumaay.

1 Korent 10:31

Náami af'áriyemi tu buñoofo, man yooŋ tu búhujo, man yooŋ doon fe d'ariyak káyemi te do, árihin do man Atambatun n'ánikanee.

1 Korent 16:22

An afut'ámaŋi Anahaan u, Atambatun aja áwuumoo! A̱bin, awe Anahaan ite uni!

1 Korent 6:19

Árimeyiit kaanuku sini soonuun seemo fu enuuf ite Búwejet Beenabe bu, Búwejet beeemo bu t'aruun b'Atambatun awunuun bu? Árikiniit sini soonuun:

2 Korent 1:9

Irijaja ayak abin áami iŋ'iriene hee káhabaneino kaanuku keeyool uni. Bijaja iyu kaanuku itim iriyakar t'uni kumuum uni. Aaa, t'Atambatun unoono taŋ aa aritan keekete ku t'iriware fu kayakar.

2 Korent 5:14

Ábuki kámaŋi ki *Kiris ámaŋie ku úne kíkinie fu úne, úne ku bukuure ku kaanuku afeeneŋ taŋ akete fu bija t'ésuk i ereyi; aamo fu butum ésuk i ereyi fe ekete fu.

2 Korent 5:19

Múniyo ti Kiris t'Atambatun aŋaase fu eebukan n'ésuk i ereyi fe, abe ajukerut tu wuhoofoor wooniin. N'aboñ uni kawaare ésuk i hirim hondu hite hubukan hu.

Efees 6:24

Atambatun aja ásoniyan bakan ku fe kéemaŋie ku Anahaan ite úne Yesu Kiris kámaŋi kiraanu.

2 Timote 1:12

Bo bíkinineŋe fu sílaam súuma sonde. Bare ifuñeit bondu, ábuki ímoomi t'aañ ti hikawam hiyaŋge fu, abe bukuuramkuur kaanuku abajabaj sembe site kajukar b'ánihanam bu bija tu hunak hite Kajoonan ku.

Esuwif i 1:6

Bare kóyin k'áboñina ku Añi oone átiyar u t'etaam i, aanaan: «Emalaka íima fe kájiŋgitan hágilao.»

2 Piyeer 1:1

Íñje Simoŋ Piyeer aroka ite Yesu *Kiris, *n'apotor oone toko yooŋ ikiñje fee bakan k'Atambatun awune ku káyilen keeree ni kite k'uni. Yesu Kiris eeemo u Atambatun ite úne, *n'Afakana ite úne toko yooŋ awunawun úne káyilen kondu aŋarkeyi naane ájubajub.

2 Piyeer 3:18

Bare arihaŋ kajoku alitee t'Anahaan ite úne Yesu *Kiris, n'Afakana ite úne yooŋ toko, man n'arihaŋo kámeyi, abe n'ahaŋuun yooŋ kásoniyan. Aja ákini kániku ku hahiye nu ko kireyi fe! Amiin.

1 Saaŋ 2:23

Abe an eeteñekee Añi u, ámeyiit yooŋ Faaf u. An éesiiŋooreina n'Añi u, ámoomi yooŋ Faaf u.

2 Saaŋ 1:9

An fe eejokut ti bi Kiris aliikene bu úne, abe n'aŋ'atofanan bo, an ondu anooto n'Atambatun. An eejoke ti bi Yesu Kiris aliikene bu úne, an ondu ondu ni Faaf u, ondu yooŋ n'Añi u.