Saaŋ 5:19 - Kwatay (Kuwaataay)

¹⁹ Yesu n'asooñ aaniin: —Iisokuun bifeeneŋ bu: Añi u ayinaat bunoŋkooro éehin doon; aŋ'áhin doon d'ajuke du Faaf u ti káhinu barebare. Buroon bi Faaf u bamb'áhin bireyi fe, Añi u yooŋ aŋ'áhin bo.

Saaŋ 5:19 ပူးပေါင်းရင်းမြစ်များ

Májiye 26:39

N'atof diŋgilis, n'ájiŋgitan ayak abin áami buhooŋio biyaa t'etaam, abe n'alaw aane: —Faafa, t'á̱maŋie, á̱hin ekot yendu yite sílaam su yeekambam. Káanukiiit á̱ahin beetoofam bu, bare á̱hin beetoofi bu.

Hirim Heetoofe hu hi Luk akiñje hu 21:15

Ábuki íñje ija fu kasaanuun kirim ku. Íñje yooŋ kawunuuun búwesinato, abe mayet afeeneŋ t'enatoora yeenuun at'áyini kajokuuun ti báhamin, man yooŋ n'ajeeŋan bo.

Saaŋ 10:18

Ániit ayakam kayoolu; íñje ija fu kanoŋku iiwunooro. Íkooki sembe site buwunooro, ni sembe site bíriteina t'eket i. Bondu bi Faafam aanam fu ibin íhin.»

Saaŋ 12:49

Abajut bike b'inoŋkooree iisok, bare Faaf u humuumo éeboñinam u áwufooramwufoor b'iware bu kasoku fe.

Saaŋ 12:50

Abe ímoomi kaanuku báhamin boone ufu buwun buroŋ béehabanaariit bu. Náami bimb'isok, iŋ'isok bo naane ti Faafam asokam du bo.

Saaŋ 14:10

Kame á̱yilenut kaanuku íñj'endu ti Faaf u, abe Faaf u yooŋ ondu t'íñje? Kirim ku kiŋk'isokuun fe kúuma kíiit, bare Faaf eeemo u t'íñje af'anoŋk éehin burok boone.

Saaŋ 2:19

Yesu n'aaniin: —Ariwelej Enuuf yende yite i Atambatun, abe kunak kíhaaji taŋ n'iŋ'isooñ isiiŋan yo.

Saaŋ 3:3

Yesu n'aano: —Iisoki bifeeneŋ bu: an afut'asooñ abukee ti kátiyar, at'áyini kajuku *Jáyi jite Atambatun.

Saaŋ 5:21

Ábuki naane Faaf u aa aritan keekete ku, eesooñ eewuniin buroŋ, iyu yooŋ i Añi u af'awun buroŋ bu an a ámaŋie u.

Saaŋ 6:38

Ábuki h'ínuutina hu t'etiir, káanukiiit iibin íhin beetoofam bu. Beetoofe bu an éeboñinam u bíkinineŋe fu n'ibin.

Saaŋ 8:28

Náami Yesu eeeniin: —Af'aribin ariyit *Añi ute Húŋgowulan hu t'etiir, n'aŋ'aritik árimeyi kaanuku «íñj'eemo fu an eeemo u». N'aŋ'árimeyi yooŋ kaanuku ínoŋkaariit íihin doon; iŋ'isok bi Faaf u aliikenam bu barebare.

Saaŋ 9:4

Mijiniŋga n'úware fu káhinu burok bite an éeboñinam u. Memee to kajonu, abe an at'áyini karoku.

Epotor i 2:24

Bare Atambatun n'aritano t'eket i, abe n'aramo ti sílaam site te yo, ábuki étumbut éyini kajokio ti sembe site te yo.

Eleetar i yi Pool akiñje i bakate ku Rom 6:4

Náami ti kaboste ku, úketaket ni Kiris, abe n'úhokee ne o, kaanuku naane aritanee i t'eket i ti sembe site Faaf u séenike su, úne yooŋ buroŋ bite b'úne ni bíyemi bíyeni.

Eleetar i yi Pool akiñje i bakate ku Rom 8:11

Arko Búwejet bite Atambatun eeritane u Yesu t'eket i bikinakin t'aruun, Atambatun ondu eeritane u Kiris t'eket i kawunu buroŋ bu sini soonuun seeemo su iŋi siket. O káŋaasanna bo tu Búwejet boone beekine bu t'aruun.

1 Korent 15:12

Naane aamo i iŋ'iriwaare iriene *Kiris aritaneeritan t'eket i, iŋi naŋ ni bakaake t'aruun ifi kaane keekete ku iti káritein?

2 Korent 4:14

Múniyo írimoomi kaanuku Atambatun eeritane u Anahaan u Yesu t'eket i, o yooŋ karitan uni, ábuki írihinahin t'afeeneŋ ni Yesu, abe n'aŋ'áhin uni iriisiiŋo kaagoroor ne o, n'aruun yooŋ fe.

2 Korent 5:10

Ábuki úwarawar bibin bisiiŋo úreyi fe hágila Kiris eejoonan úne, huruw fe eebatikanee doon d'aroke du t'enio, man meejake, man yooŋ meejakut.

Efees 2:5

h'aamo hu te o úketa iŋi kájuumu kite k'úne, n'áhin úne núusooñ úroŋ ni *Kiris. Kajaku kite Atambatun kíkinineŋe fu n'arifak.

Efees 3:16

Ánikanik areeŋ ñaaj, abe abajabaj yooŋ doon areyi fe. Náami íñj'endu ti kalawio kaanuku man n'áhin Búwejet boone beewun siheluun sembe.

Fílip 3:21

Af'aja abin, o katitu sini site s'úne seebajut see sembe, éehin so seenokoor ni yeene i yéenike i. O káhinu bondu ni sembe sinsi síkinineŋ n'áhin buroon bu fe beejam te o.

Fílip 4:13

Íyinooni káhinu bondu fe aŋarkeyi naane *Kiris aŋ'awunam sembe.

Kolos 1:11

Iŋ'irilawo yooŋ kaanuku man n'awunuun ti sembe soone séenike su, aŋ'aribin árimuñ ko kireyi fe, abe n'arijok yooŋ alitee ni katoofu kómbokun.

Kolos 1:16

Ábuki te o t'Atambatun aŋaase fu éewuwan doon fe deeemo t'etiir bufor bu ni t'etaam i: beejukanee bu, ni béejukaariitee bu, ñúwejet ñite sembe su ñeeemo ñu t'etiir, ni bákayi ku, n'eseef i, ni bakate sembe su. Te o t'Atambatun aŋaase fu éewuwan doon fe, abe bija te o.

1 Tesalonik 4:14

Íriyilenayilen kaanuku Yesu aketaket, abe n'arito t'eket i; iyu yooŋ i íriyilene fu kaanuku Atambatun karitan t'eket i kéeyilene ku ti Yesu kaanuku kéeyemi ne o.

1 Piyeer 3:18

Múniyo Kiris humuumo aketaket hifeeneŋ, abe hiraanu, bija tu wuhoofoor wute kúŋgowulan ku. Akina eeemo u an eejake n'aket bija t'énafuta, kaanuku éehinuun ariibukan n'Atambatun. Enio yi kayoole fu, bare n'ábatikannee buroŋ tu Búwejet Beenabe bu.

Kafeeñal ku 2:23

Íñje yooŋ kayoolu bakañio, abe bakate tu búsuk bu fe kéeyilene ku n'iŋi kánandin kaanuku íñj'eemo fu an éemeyie u biyinoor bite an, n'ehol yeene. Íñje kabatikan huruw fe t'aruun iliik tu buroon b'aroke bu.