Saaŋ 5:18 - Kwatay (Kuwaataay)

¹⁸ Ni kasooñ kahaŋ bukuuso tu bondu b'asoke bu kaanuku keeyoolo, ábuki káanukiiit am ajokut erimaas yeeniin naane boko barebare, bare n'aŋ'asooñ yooŋ aane Atambatun átumbe fu áyemi Faafo. Kaliiku ti naane asoke i, n'aŋ'áami arare n'Atambatun.

Saaŋ 5:18 ပူးပေါင်းရင်းမြစ်များ

Májiye 12:5

Man yooŋ arijaŋgeit *t'Eluwa yite Moyis kaanuku erimaas-rimaas fe, esaraha i *t'Enuuf ite Atambatun, naane ii karok toko fe, katina t'Eluwa i, bare Atambatun ajokut bo kaahoofoor?

Saaŋ 1:19

*Sifaaf site Esuwif i bakate ku Serusalem ni karuw bakaake *t'esaraha i, *n'Elefit, keeboñiin ti Saaŋ. Kareeŋ ni kákandijeno kaano: —Awe a̱amo fu aañ? Saaŋ ánuusutiin doon fe, asokiinsok bifeeneŋ bu taŋ aaniin: —Inooto *Afakana u.

Saaŋ 10:30

Íñje ni Faaf u, uni k'afeeneŋ ku.

Saaŋ 10:33

Esuwif i ni kaano: —Irienut iriiyooli iŋi bike beejake b'á̱hine, bare aŋarkeyi naane aw'ondu ti kálafatin Atambatun. Awe eeemo u álokow, n'aŋ'a̱sooñ a̱ane awe a̱amo Atambatun!

Saaŋ 14:23

Yesu n'aano: —An af'ámaŋiam, o káhinu doon d'isoke du. Faafam kámaŋio, abe n'iŋ'iribin te o íñje ni Faafam iriikin te o.

Saaŋ 14:9

Yesu n'aano: —Filip, naane ifiyee i n'aruun fe, á̱meyioorutam? An eejukam u, ajuka Faaf u. Iŋi naŋ n'a̱ane fu: «Á̱wufoor uni Faaf u»?

Saaŋ 19:7

Esuwif i ni kaano: —Iribajabaj eluwa, abe t'eluwa i awarawar kaketu, ábuki aanaan akina aamo fu Añi ite Atambatun.

Saaŋ 5:15

Ániine u n'aja, abe n'aane eseef ite Esuwif i Yesu afakano fu.

Saaŋ 5:16

Ho híkinineŋe fu Esuwif i ni kaŋes káhihinoor Yesu, ábuki aŋ'áhin buroon bondu t'erimaas yeeniin.

Saaŋ 5:17

Bare Yesu n'aaniin: —Faafam ondu tu burok ko kireyi fe, íñje yooŋ íñj'endu tu burok.

Saaŋ 5:23

kaanuku man ésuk i fe ni kájeŋgin Añi u naane kájeŋgine i Faaf u. An éejeŋginut u Añi u, ájeŋginut yooŋ Faaf u éeboñino u.

Saaŋ 7:1

Hunuut toko, Yesu n'añaahoor ti *Gálile. Ámaŋiit kañaahoor tu *Súde ábuki Esuwif i kámaŋiomaŋi kayoolu.

Saaŋ 7:19

*Moyis asaanutuun kereŋ Eluwa i? Abe bare abajut t'aruun an aŋ'áhin naane esoke i. Iŋi naŋ n'árimaŋiam fu kayoolu?

Saaŋ 8:54

Yesu n'aaniin: —If'iŋes bínikanooro, kániku kondu iti kibaj mayet éñjeriŋ. Faafam af'ánikanam, o ariene u akina aamo Atambatun oonuun.

Saaŋ 8:58

Yesu n'aaniin: —Iisokuun bifeeneŋ bu: bala Aburaham áwuwin, «íñje káayemiin an eeemo u».

Fílip 2:6

akina eefiye u áyemi boko k'afeeneŋ ku n'Atambatun, aŋesut káhinu kaanuku man n'are ne o.

Kafeeñal ku 22:1

Hunuut toko, amalaka u n'áwufooram kaayelu kite móhujo mite buroŋ bu, kéenuutina ku t'eriikeey ite híyiaate hu yite i Atambatun n'Ametek u, abe ni kijaaŋ wililil naane eweer.

Kafeeñal ku 22:3

Doon fe iti díyemi toko déewuumee. Eriikeey ite híyiaate hu yite i Atambatun n'Ametek u káyemi ti hikinu hu, abe eroka yite Atambatun kásukaayo.