Saaŋ 4:9 - Kwatay (Kuwaataay)

⁹ Anaare ondu ite u Samari n'aano: —Jeh! Awe Asuwif, íñje anaare ite Samari, n'a̱sooñ a̱anam iwuni á̱ahujo? (Anaare u asokasok iyu ábuki Esuwif i káfiyaariit kaloh hikee bakate ku Samari.)

Saaŋ 4:9 ပူးပေါင်းရင်းမြစ်များ

Májiye 10:5

Yesu n'aboñ háyine hu sumoŋu ni bákasuba kondu. Hirim honde h'asaaniin fu: —Atum'arija tu búsuk bite keenooto ku Esuwif, abe atum'arija yooŋ ti kikinu kite *Samari.

Hirim Heetoofe hu hi Luk akiñje hu 10:33

Bare n'abaj ake ániine ite *Samari éeŋaasina ti bítim bondu bija kátuki. H'áreeŋina hu toko, n'ajuk ániine i kanufane u, ehelo fe n'ehabano.

Saaŋ 4:27

Náami eriboora yeene kahaŋa kábatikein. Ni kajahale naane kajuko i ti báhamin n'anaare. Bare mayet afeeneŋ tu boko ákandijeno aano: «Naŋ n'á̱kandijeno fu?» man yooŋ: «Iŋi naŋ n'á̱hamine fu ne o?»

Saaŋ 8:48

Esuwif i ni kaano: —Irikooŋakooŋ fu iriiene awe ite *Samari, erab yooŋ ejokijok.

Epotor i 1:8

Bare aruun kawuniee sembe kane Búwejet Beenabe bu búwanein t'aruun, abe n'aŋ'áriyemi eseede íima Serusalem, nu tu músuk mite *Súde ni *Samari, bija tánotan fe t'etaam ye.

Epotor i 10:28

N'aaniin: —Árimoomi kaanuku Eluwa yite y'uni eenaan Asuwif awarut kariboor n'an eenooto Asuwif, man yooŋ n'ayooso te o. Bare Atambatun áwufooramwufoor kaanuku iwarut kajuku an n'eene akuurut, man yooŋ áñeyañeyi.

Epotor i 10:32

Hahiyu a̱boñ bakan Sope bite Simoŋ ii kaane Piyeer. Ondu t'ake ániine aroka wubaŋ, huruwu hoone Simoŋ. Enuuf yeene yendu kaagoroor ni han hu.»