Saaŋ 4:6 - Kwatay (Kuwaataay)

⁶ Toko t'ésaabun ite Sakob éyemie fu. Yesu n'ariiko tu hubolu hite ésaabun i, ábuki álaamalaam buwota bu. Taanak tu ti hikaw.

Saaŋ 4:6 ပူးပေါင်းရင်းမြစ်များ

Májiye 27:45

Hi taanak tu tireeŋe hu ti hikaw, ébaani n'éyemi t'etaam i ereyi fe ayak abin áami yooŋ tifesa.

Májiye 4:2

N'ariiko kunak bakan bákasuba lám áñoofaariit; bujoñjol nu bujoko.

Májiye 8:24

Kaja kajuku, náami eyam yómbokun étibino toko ti *han hu. Kúsuw ku iŋi kirito, ni kiney tu busoona bu. Yesu t'aŋote.

Hirim Heetoofe hu hi Luk akiñje hu 2:7

N'abaj añi ahaawa, añio átiyar. N'ásik kires éekumbaloolo, abe n'ahurusano ti kásiima, ábuki kareyit t'enuuf i t'emoosoora i tindi kawanan.

Hirim Heetoofe hu hi Luk akiñje hu 9:58

Yesu n'aano: —Búlutoon bu bibajabaj wuyeen, bilele bu yooŋ bibajabaj búwuulu. Bare *Añi ute Húŋgowulan hu abajut tiŋ t'ayino buhuruso eeyihan enio.

Saaŋ 11:9

Yesu n'aaniin: —Súwahatiiit kereŋ sumoŋu nu súsuba sibaje fu tu hunak? An af'aja mijiniŋga, at'ábiŋan tu doon, ábuki aŋ'ajuk meejaaŋe mu.

Saaŋ 4:12

Faaf uni Sakob awune fu uni ésaabun yende. Áhujahujo te yo akina, bakañio, nu sunuk soone fe. Butum awe a̱haŋo?

Saaŋ 4:5

N'areeŋ hike hikinu hite Samari iŋi heenee Sisar. Hikamboorut n'etaam i yi *Sakob abine i awun añio Siseef.

Saaŋ 4:7

Ake anaare ite Samari n'abin toko hitifijan. Yesu n'aano: —Waasi, a̱wunam íihujo.

2 Korent 8:9

Ábuki árimoomi naane Anahaan ite úne Yesu *Kiris áwufoore i úne kajaku koone: akina éeyemie u husaanum, n'áhinooro an eebajut uŋu hoonuun hu kaanuku man kabajaate koone ni kíhinuun áriiyemi kusaanum.

Esuwif i 2:17

Iŋ'ite ho h'aware fu kanokoor ni bakano tu doon areyi fe, kaanuku eebin éeyemi *asaraha ómbokun u, éemeyie kayubiyen an, abe n'ájub tu burok boone hágila Atambatun. Iyu a áyinie fu kásiku buroŋ boone eesarah kaanuku man wuhoofoor wute ésuk i nu wuboŋketee.

Esuwif i 4:15

Asaraha ómbokun u úbaje u, káanukiiit man butumo bunooto ti sílaam site s'úne. Aŋeseeŋes kañakiee ti kaahoofoor kánokan naane úne, bare ahoofoorut mayet.