Saaŋ 4:42 - Kwatay (Kuwaataay)

⁴² N'iŋi kaane anaare u: —Hahiye íriyilena, káanukiiit iŋi b'a̱soke bu uni barebare; irijama yooŋ kumuum uni naane aa asok. Írimoomi kaanuku nu múniyo akina aamo fu Afakana ite ésuk i.

Saaŋ 4:42 ပူးပေါင်းရင်းမြစ်များ

Májiye 1:21

O káyeki añi ahaawa, abe n'aŋ'a̱ruwo Yesu, ábuki o aja fu kafakan bakan koone tu wuhoofoor wooniin.

Hirim Heetoofe hu hi Luk akiñje hu 2:32

O aamo fu meejaaŋe meeja mu kajaaŋan biheet bu bireyi fe, abe akina kákinineŋ Israyel bakan kúuwe ni kánikanee.

Saaŋ 1:29

Tifiit, Saaŋ n'ajuk Yesu ti bibin ásooñann nu boone. N'aane: —O onde, Ametek ite Atambatun aa anuutan wuhoofoor wute ésuk i.

Saaŋ 11:17

Hi Yesu areeŋe hu, n'aŋaabo Lasaar káahokinee abaj kunak kibaakiir.

Saaŋ 17:8

ábuki isokiinsok kirim k'a̱saanam ku, abe kajokajok ko. Bukuuriinkuur kaanuku t'awe t'ínuutina fu, abe káyilenayilen yooŋ kaanuku awe á̱boñinam.

Saaŋ 4:29

—Aribin ariijuk! Abajeebaj ake ániine eesokam doon d'íhine du fe. Ákinaiit fíya aamo fu Afakana u?

Saaŋ 4:41

Kéeyilene ku te o ni kahaŋ kahooju, ábuki iŋi kajam naane aa áhamin.

Epotor i 13:23

N'abaj ake ti bakañi Dafit a Atambatun asiiŋane éeyemi *Afakana ite Israyel naane t'afiye du asok. O aamo fu Yesu.

Epotor i 4:12

Akina unoono taŋ áyiniuun fu kafakan, ábuki t'etaam ye fe Atambatun awunut úne, úne kúŋgowulan ku huruwu hite ake huway heeyino kafakan úne.

Epotor i 5:31

Atambatun n'ayito inde *baatoso, abe n'áhino éeyemi Aseef *n'Afakana, kaanuku man *Israyel n'éyini buwatanooro kinij kooniin keejakut ku, wuhoofoor wooniin weeboŋketee.

2 Korent 5:19

Múniyo ti Kiris t'Atambatun aŋaase fu eebukan n'ésuk i ereyi fe, abe ajukerut tu wuhoofoor wooniin. N'aboñ uni kawaare ésuk i hirim hondu hite hubukan hu.

1 Timote 4:10

Bondu bíkinineŋe fu n'uŋ'úrok, abe n'uŋ'útuum yooŋ, ábuki úsikasik eyakar ite úne únaŋ t'Atambatun eeemo u buroŋ. Akina aamo fu *Afakana ite kúŋgowulan ku kareyi fe, áhaŋum kéeyilene ku.

1 Saaŋ 2:2

Akina awune fu enio *yeesarahee kaanuku man wuhoofoor wute w'úne nu wuboŋketee. Káanukiiit wute w'úne barebare, bare bija yooŋ nu wute bakaaku kúŋgowulan fe.

1 Saaŋ 4:14

Irijukajuk ni ñíkin uni, abe n'iriseede kaanuku Faaf u áboñinoboñin Añio eebin éeyemi *Afakana ite kúŋgowulan ku.

1 Saaŋ 5:20

Úmoomi kaanuku Añi ite Atambatun abinabin, abe n'awun úne búwesinato kaanuku núumeyi Atambatun ite u nu múniyo. T'Añio Yesu *Kiris t'úhine fu t'afeeneŋ n'Atambatun ite u nu múniyo. Añi u aamo fu Atambatun ite u nu múniyo, akina aamo fu yooŋ buroŋ béehabanaariit bu.