Saaŋ 4:14 - Kwatay (Kuwaataay)

¹⁴ Bare an eeyak u búhujo tu móhujo m'ija mu kawunio, búhujo buroŋuto kajoku hikee. Ábuki móhujo m'ija mu kawunio káyemi t'enio naane káabulanu tu móhujo miyak kábulu, abe ni míhino eebaj buroŋ béehabanaariit bu.

Saaŋ 4:14 ပူးပေါင်းရင်းမြစ်များ

Májiye 25:46

Yesu n'áwutiyen aane: —Abe boko bija tu kúnuur kéehabanaariit ku, kéejube ku keefin keeja tu buroŋ béehabanaariit bu.

Májiye 5:6

Atoof ti kéemaŋie ku káhabanein káhinu b'Atambatun ámaŋie bu, ábuki akina kawuniiin bo kafaman!

Saaŋ 10:10

Ákuw ékuwe taŋ y'af'abin, ni kayoolu, ni kábuju. Íñje ibinabin kaanuku iiwun ésuk i buroŋ bu, abe ni kabaj buroŋ beetoofe-toof.

Saaŋ 11:26

Abe an eeemo buroŋ, abe n'áyilen t'íñje, at'aket hikee. Á̱yilenayilen bondu?

Saaŋ 4:10

Yesu n'aano: —Kane á̱meyi yéeni b'Atambatun bamb'awun, n'aañ yooŋ af'aani iye a̱wuno éehujo, humuumi a̱ja fu kaanio awuni á̱ahujo, abe n'aŋ'awuni móhujo mummu muwun buroŋ bu.

Saaŋ 4:11

Anaare u n'aano: —Abuke, a̱bajut ebaag, abe ésaabun i ésulasuli. Á̱ayitin diin móhujo mondu mummu muwun buroŋ bu?

Saaŋ 4:13

Yesu n'aano: —An éehujee tu móhujo monde, búhujo buroŋa kasooñu bujoko.

Saaŋ 4:36

An éehotukane u kabaju bajaam boone, abe n'aŋ'akuukan doon d'áhotukane du deenaŋee bija tu buroŋ béehabanaariit bu. Iyu a an eewañe u n'an éehotukane u n'iŋi katoofan suwaniin.

Saaŋ 6:27

Atum'arirok buroon bite kákuumanuun bite búbujo kuwaatu. Arirok buroon bite kákuumanuun beeemo utu búbujo hikee, abe yooŋ nu buwun buroŋ béehabanaariit bu. Buroon bondu, *Añi ute Húŋgowulan hu aja fu kawunuuun bo, ábuki te o t'Atambatun Faaf u áhine fu éluwenuma yeene yéewufoore i kaanuku ariboorariboor ne o.

Saaŋ 6:35

Yesu n'aaniin: —Íñj'eemo fu humburu huhu huroŋan ésuk i. An eebine u t'íñje, aroŋut kajoñjolat. An yooŋ éeyilene u t'íñje, búhujo buroŋuto kajoku.

Saaŋ 6:58

Diye humburu héenuutina hu t'etiir. Hunooto naane emaan i yi sifaafuun kómbokun kateŋe i. Boko kaketa, bare an eeteŋe u humburu honde, o kabaju buroŋ béehabanaariit bu.

Saaŋ 7:37

Hunak hiraanu hu hite efeet i heemo fu yooŋ hómbokun hu. Yesu n'asiiŋo t'etut ésuk i abe n'áhamin t'etiir aane: —An i nukuno nisaye, abin t'íñje éehujo.

Eleetar i yi Pool akiñje i bakate ku Rom 5:21

Náami naane kaahoofoor ku kíbajaanie i sembe kiyak uŋu kuyool, kajaku k'Atambatun kaŋk'áwufoor kibaja yooŋ sembe site káhinu ésuk i kéejub te o. Iŋ'ite ho h'úyinie fu kaŋaasu t'Anahaan ite úne Yesu Kiris núubaj buroŋ béehabanaariit bu.

Eleetar i yi Pool akiñje i bakate ku Rom 6:23

Ábuki bajaam bite kaahoofoor beemo fu eket i; bare b'Atambatun bamb'awun fuufu beemo fu buroŋ béehabanaariit bu iŋi naane úhine i t'afeeneŋ ni Yesu *Kiris Anahaan ite úne.

2 Korent 1:22

Akina yooŋ áhine fu t'úne éluwenuma yeene yite káwufoor ku kaanuku úne bakan koone, abe n'anaŋ ti sihel site s'úne Búwejet boone Beenabe bu, beekuur úne kaanuku aroŋa kawunu úne eke ebaj.

Efees 4:30

Atum'árihin Búwejet bite Atambatun Beenabe bu béetaañian. Bo b'Atambatun ásike fu éehin t'aruun naane éluwenuma bija tu hunak h'aja hu kafakan koonuun akuur but.

1 Piyeer 1:22

Arikuuranoorakuuranooro aŋarkeyi naane árijeŋginajeŋgin múniyo mu. Iŋ'ite ho h'árimaŋie fu bakatuuun *kéeyilene ku. Náami árimaŋioori dómbokun siheluun síhabanein.

1 Saaŋ 5:20

Úmoomi kaanuku Añi ite Atambatun abinabin, abe n'awun úne búwesinato kaanuku núumeyi Atambatun ite u nu múniyo. T'Añio Yesu *Kiris t'úhine fu t'afeeneŋ n'Atambatun ite u nu múniyo. Añi u aamo fu Atambatun ite u nu múniyo, akina aamo fu yooŋ buroŋ béehabanaariit bu.

Kafeeñal ku 7:16

Karoŋut kajoñjolat, ñukuniin yooŋ ñuroŋut kasayi; taanak tu turoŋutiin kabutu, ni kásufa kánokan fe.

Kafeeñal ku 7:17

Ábuki Ametek eeemo u kaagoroor n'eriikeey ite híyiaate hu aja fu kahaawiiin, abe o bija nu boko tu wúbulanu wute móhujo mummu muwun buroŋ bu. Abe Atambatun katotu muhuw mánoman ti ñíkiniin.