Saaŋ 3:26 - Kwatay (Kuwaataay)

²⁶ Ni kaja kaŋaabo Saaŋ abe ni kaano: —Ámuse u, á̱baŋinabaŋino an éeyemie u n'awe ti yaayu eraab ti kaayelu kite ku *Surdeŋ, a á̱hamine u uŋu hoone hu? Ondu ti kaboste yooŋ, abe ésuk i fe eŋ'etey bija te o!

Saaŋ 3:26 ပူးပေါင်းရင်းမြစ်များ

Májiye 23:7

Iŋi kámaŋi ésuk i eŋ'erito yeesaafiin ti sifiñjan su, abe n'eŋ'eeniin «Ámuse u».

Májiye 23:8

Bare aruun fe baatiaay; iŋ'ite ho aamo fu ariwarut kajokiee naane émuse, ábuki Ámuse afeeneŋ taŋ a aribaje fu.

Saaŋ 1:15

Saaŋ ataŋkataŋk eeseedoo aane: —An onde if'eene: «Éeseinam u ti hiñaawu ahaŋamhaŋ, ábuki áyemayemi t'ibukoorutee.»

Saaŋ 1:7

Abinabin kaanuku éeyemi aseede ite meejaaŋe mu, man ésuk i fe ni káyilen ti hirim hoone.

Saaŋ 1:9

Meejaaŋe mondu míyemie fu mite mu nu múniyo, mo meebine mu t'etaam ye kajaaŋan kúŋgowulan ku fe.

Saaŋ 11:48

Uf'úwaso aŋ'áhin iyu, ésuk i fe káyilen te o, abe bakate ku *Rom n'iŋi kabin kéebuj *Enuuf ite Atambatun n'eheet ite úne!

Saaŋ 12:19

*Efarisiyeŋ i n'iŋi kaanoor: —Arijuka kaanuku ut'úyini toko doon: ésuk i fe bokondu ti kanabano!

Saaŋ 3:2

N'abin kike káajiim bibin ti Yesu abe n'aano: —Ámuse u, írimoomi kaanuku Atambatun áboñini fu kaanuku a̱abin a̱liiken uni; ábuki an ayinaat káhinu buroon bamb'á̱hin beehaŋe bu ésuk i kikaw t'Atambatun ariboorut ne o.

Saaŋ 4:1

*Efarisiyeŋ i ni kajam kaanuku bakan ki Yesu kaŋk'áhin kéeyemi eriboora yeene, ni *kaŋk'aboste kahaŋe kahooju bakate ku Saaŋ. (Bare Yésuiit humuumo af'aboste ésuk i, eriboora yeene ifi kabosteiin.) Hi Yesu ajame hu bo, n'anuut *Súde eebatuko *Gálile.

Saaŋ 4:31

T'ewahatu yendu, eriboora yeene ti kaanio: —Ámuse u, a̱ñoofo, a̱ñoofo tíme!

Saaŋ 5:33

Ariboñaboñ bakan ti Saaŋ, n'aseede múniyo mu.