Saaŋ 2:16 - Kwatay (Kuwaataay)

¹⁶ Ahaban, n'aane ejoohena yite kúleebaan ku: —Arinuutan diye buroon bondu! Atum'árisik enuuf ite Faafam áriihin yo emarse!

Saaŋ 2:16 ပူးပေါင်းရင်းမြစ်များ

Májiye 21:12

Yesu n'ayooso ti haanas hu *t'Enuuf ite Atambatun, abe n'ákutoor éjulaata i, ni kiŋki kabin hujoohen hu. N'ajok sitaabul site etita yite sírirem su áfiiten, ni siriikeey site ejoohena yite kúleebaan kite *wusarah wu.

Májiye 21:13

Abe n'aaniin: —Busokeesok ti *Míkiñjin mu kaanuku Atambatun aane: «Enuuf íima kaaniee *báalawum.» Bare aruun árihina yo báanuuseima bite búkuw!

Májiye 22:5

Bare keeruwee ku ni káhin kite bókoiit. Ni kaja bakaake ti hitaaŋaat, bakaaku kájula.

Mark 11:17

N'aŋ'aliikeniin aaniin: —Eeman busokeesok ti *Míkiñjin mu kaanuku Atambatun aane: «Enuuf íima kaaniee *báalawum bija ti bakate ku t'etaam ye fe»? Bare aruun árihina yo báanuuseima bite búkuw.

Hirim Heetoofe hu hi Luk akiñje hu 2:49

Yesu n'aaniin: —Ariiŋesam iŋi naŋ? Árimeyiit kaanuku iwarawar káyemi t'enuuf ite Faafam?

Saaŋ 10:29

Faafam eewunam u boko ahaŋahaŋ dóonodoon fe, abe an ayinaat karamiiin tu sumoŋio.

Saaŋ 2:15

N'ayit ñúruuk éehin hikarawas, abe n'ákutooriin fe tíyaŋ Enuuf ite Atambatun, nu suboos sooniin, ni síkarniina sooniin yooŋ. N'ayisaloolan sírirem site etita i, abe n'áfiiten sitaabul sooniin.

Saaŋ 20:17

Yesu n'aano: —Atum'a̱jokam, ábuki isiroorut ti Faaf u. Bare a̱ja a̱sok eriboora íima, a̱aniin iisiro bija ti Faafam eeemo u yooŋ Faafuun, t'Atambatun úuma eeemo u yooŋ Atambatun oonuun.

Saaŋ 5:17

Bare Yesu n'aaniin: —Faafam ondu tu burok ko kireyi fe, íñje yooŋ íñj'endu tu burok.

Saaŋ 8:49

Yesu n'aaniin: —Erab ejokutam. Íñje Faafam i íjeŋgine fu, bare aruun aŋ'árilafatinam.

1 Timote 6:5

ni síjeeŋoor séehabanaariit su. Kiŋki káhin iyu, ñúwejet ñooniin ñíbaanabaani, abe iŋkut kámeyi yooŋ múniyo mu. Iŋi kaane man káyilen ku t'Atambatun efehe yite bisaanumato.

2 Piyeer 2:3

Émuse yendu, káfaŋi kooniin kite sírirem su káhinu ni kasokuun báhamin bi kanoŋke kéetuut, kaanuku man ni kahoohuun. Bare afiyee naane kajoonan kooniin kisiiŋee i, abe at'ahul bútowuto booniin ni bireeŋ!