Saaŋ 18:20 - Kwatay (Kuwaataay)

²⁰ Yesu n'aano: —Iŋ'íhamin ti hahooja hu. Ko kireyi fe iŋ'iliiken ésuk i ti *ñáalawum ñu, ni *t'Enuuf ite Atambatun t'Esuwif i tindi kakuukanooro kareyi fe. Abajut bike b'ínuusee iisok.

Saaŋ 18:20 ပူးပေါင်းရင်းမြစ်များ

Májiye 24:26

«Náami an af'aanuun: “Arijuk, *Añi ute Húŋgowulan hu ondu t'eramba i!”, atum'arija bo. Man yooŋ n'aanuun: “Arijuk, ondu níbahindaa t'ánuusee!”, atum'áriyilen.

Májiye 26:55

Ahaban, Yesu n'aane hahooja hu: —Íñje ítumbe íyemi ánukenoora h'aribine hee búuma nu wúbura, nu bugol yooŋ? Húnakonak fe úne uf'úyemi, iŋ'iliiken ésuk i *t'Enuuf ite Atambatun, abe arijokutam.

Májiye 26:65

Náami asaraha ómbokun u *ajeha wañ woone abe n'aane: —Álafatina Atambatun! Uŋkut fu úsawulo eseede! Arijamajam naane álafatine i Atambatun.

Májiye 4:23

Yesu n'añaahoor *Gálile ereyi fe, aŋ'aliiken ésuk i ti *ñáalawum ñu, n'awaare Hirim Heetoofe hu hite *Jáyi jite Atambatun, abe n'aritan ésomuta i, bakate wúsomut wánowan, ni kéetime ku fe.

Májiye 9:35

Yesu n'añaahoor ti kikinu ku kireyi fe, aŋ'aliiken ésuk i ti *ñáalawum ñu, n'awaare Hirim Heetoofe hu hite *Jáyi jite Atambatun, abe n'aritan bakate wúsomut wánowan, ni kéetime ku fe.

Mark 8:32

N'asokiin bondu ahat. Náami Piyeer eeruwo kéekajino naane iya, abe n'akamoor te o.

Hirim Heetoofe hu hi Luk akiñje hu 21:37

Kaajiŋgan, Yesu aŋ'aliiken ésuk i *t'Enuuf ite Atambatun; bare kaanendan, n'aŋ'aja aŋot ti hirij hite *Ñúolifiye ñu.

Hirim Heetoofe hu hi Luk akiñje hu 4:15

Aŋ'aliiken ésuk i ti *ñáalawum ñu, abe kareyi fe iŋi kasok te o beejake.

Saaŋ 18:21

Á̱akandijenam iŋi naŋ? Á̱kandijen keejamatanam ku naŋ n'isokiin fu. Kámoomi fe naŋ n'isoke fu.

Saaŋ 6:59

Bonde bi Yesu asoke fu ti *báalawum beeemo bu *Káfernawom, o ti kaliiken kite ésuk i.

Saaŋ 7:14

T'etut efeet i, Yesu n'aja *t'Enuuf ite Atambatun, abe n'áyemi toko ti kaliiken ésuk i.

Saaŋ 7:26

Arijuk, o fu af'áhamin iye ti hahooja hu, abe kásokaariit doon! Bukuura fíya eseef ite úne kaanuku akina aamo fu *Afakana u?

Saaŋ 7:28

Yesu ti kaliiken ésuk i *t'Enuuf ite Atambatun, n'áhamin t'etiir aane: —Árimoomi me íñj'eemo fu aañ, ni diin t'ínuutina fu? Íñjeiit inoŋkooree iibin. Bare an éeboñinam u, an ite bifeeneŋ. Árimeyiito,

Saaŋ 7:4

An éemaŋie kaanuku éemeyiee, ánuusaariit buroon bamb'áhin. Naane aamo i aŋ'á̱hin buroon beehaŋe ésuk i kikaw, á̱wuforooro.

Saaŋ 8:2

Bare naane kuwaatu nu nuwasanoor nu, n'abatuko *t'Enuuf ite Atambatun, abe ésuk i fe n'ebin te o. N'ariiko éeyemi ti kaliikeniin.

Saaŋ 8:26

B'íyinie bu kasoku t'aruun, ni b'íyinie bu yooŋ kajoonan buhoojahooj. Bare an éeboñinam u an ite bifeeneŋ, abe b'ijame bu te o taŋ b'if'isok ésuk i.

Epotor i 26:26

Áyi u Agiripa ajamajam bonde; iŋ'ite ho i hikawam hiyaŋge fu, íiyini káhamin ne o. Bukuuramkuur kaanuku ajamajam bo bireyi fe, ábuki t'álooseit ti bibaje fu.