Saaŋ 17:6 - Kwatay (Kuwaataay)

⁶ «Bakan k'a̱jifane ku t'etaam ye a̱awunamiin, íhiniinhin kéemeyii. Bákuuwe ku yéeni. N'a̱wunamiin, abe ni kájeŋgin hirim húuwe.

Saaŋ 17:6 ပူးပေါင်းရင်းမြစ်များ

Saaŋ 1:18

An ámusut kajuku Atambatun. Bare Añi afeeneŋ u, eeemo u yooŋ Atambatun, abe n'áhin ni Faaf u káakondin kifeeneŋ, áhinahin núumeyio.

Saaŋ 12:28

Íñje kaanu: Faafa, á̱nikan huruwu húuwe! Náami kaaji kíhaminno t'etiir bufor bu keene: —Ínikananikan ho, abe íñje kasooñu ínikan ho.

Saaŋ 15:19

Arko yéeni aruun bakate t'etaam ye, n'iŋi kámaŋiuun, ábuki n'aŋ'áriyemi k'afeeneŋ ku. Bare aruun bákateiit t'etaam ye, ábuki ijifanuunjifan, abe n'íkajinuun; aŋkut árihin nu boko t'afeeneŋ. Iŋ'ite ho h'ésuk i ehuufuun fu.

Saaŋ 15:3

Ariheeka *ariikuur naane nunukanuk neebendee, abe báhamin b'isokuun bu bíkinineŋe fu.

Saaŋ 15:7

Bare af'arijok t'íñje, abe n'arijok ti kirim kúuma, doon fe d'ariyak kalawu, aruun kabaju do.

Saaŋ 17:12

H'íyemie hu nu boko, iŋ'ijukariin ti sembe site huruwu húuwe, huruwu h'a̱wunam hu. Íñje if'ijukariin, abe mayet afeeneŋ tu boko átowutee, kane arko eefiyee u awar bútowuto hiraanu kaanuku man beesokee bu ti *Míkiñjin mu ni bibaj.

Saaŋ 17:14

Isaaniinsaan hirim húuwe, abe bakate ku t'etaam i ni kahuufiin aŋarkeyi naane kanooto bakate t'etaam i, naane inooto i yooŋ an ite t'etaam i.

Saaŋ 17:16

Boko bákateiit t'etaam i, naane inooto i yooŋ an ite t'etaam i.

Saaŋ 17:2

Ábuki a̱wunowun sembe tu kúŋgowulan ku fe, kaanuku aŋ'abin awun bakan k'a̱saano ku fe buroŋ béehabanaariit bu.

Saaŋ 17:24

«Faafa, ímaŋamaŋi bakan k'a̱wunam ku ni káyemi yooŋ t'ija du káyemi, man ni kajuk kániku kúuma, kondu k'a̱wunam ku, ábuki á̱maŋiammaŋi t'etaam i éwuwanoorutee.

Saaŋ 17:26

Íhiniinhiin kéemeyii, abe íñje kasooñu íhin á̱ameyiee, man ni kámaŋi bakaaku naane á̱maŋiam i, abe íñje humuumam n'íyemi tu boko.»

Saaŋ 17:7

Hahiyu kámeyia kaanuku buroon b'a̱wunam bu fe, t'awe tu búnuutina fu,

Saaŋ 18:9

Iyu i báhamin b'abine bu asok bihaŋe fu bibaj. Aanaan: «Faafa, ítowutanut mayet afeeneŋ ti bakan k'a̱wunam ku.»

Saaŋ 6:37

Bakan ki Faaf u awunam ku bibin kareyi fe t'íñje, abe it'íkutoor hikee-kee an eebine u t'íñje.

Saaŋ 6:39

Abe beetoofe bu an éeboñinam u beemo fu itim'ítowutan mayet afeeneŋ ti k'asaanam ku, bare n'ibin iritaniin t'eket i tu hunak hiraanu hu.

Saaŋ 8:51

Iisokuun bifeeneŋ bu: an af'ajok hirim húuma, at'aket hikee.

Saaŋ 8:52

Esuwif i ni kaane: —Hahiyu írimeyia kaanuku erab ejokijok! *Aburaham aketa, *eyiŋana yite Atambatun yooŋ kaketa, awe n'aane: «An eejoke u ti hirim húuma at'aket hikee.»

Epotor i 13:48

Hi keenooto ku Esuwif kajame hu bondu, kikawiin nu kutoof naane, abe ni káyemi ti kasokoroor hirim hite Anahaan u. K'Atambatun ajifane ku fe kaanuku keebaj buroŋ béehabanaariit bu, ni káyilen.

Eleetar i yi Pool akiñje i bakate ku Rom 11:2

Atambatun áfiitenut bakan koone k'asoŋke ku bijifan. Mánoman árimoomi naŋ *n'Eli asoke fu ti *Míkiñjin mu h'abine hu asaboor t'Atambatun iŋ'ite hu Israyel. Aanaan:

2 Korent 4:6

Ábuki Atambatun eeene u: «Meejaaŋe mu mija mijaaŋan t'ébaani i!» o yooŋ áhine fu meejaaŋe moone meejaaŋ ti sihel site s'uni, kaanuku man n'ajaaŋan uni ti kámeyi kite kániku koone kiŋki kisilan tu buhooŋu bite Kiris.

Kolos 3:16

Hirim hite Kiris hija hikin t'aruun, n'ebaj ite te ho fe. Ariliikenool, abe n'aririmoor nu búwesinato boonuun bireyi fe. Arihooñ kuhooñu kánokan kite k'Atambatun, abe n'arihooñ ko suhol soonuun síhabanein ariieno eyeehen.

2 Timote 1:13

Kirim kite ku nu múniyo k'a̱bine ku a̱jam t'íñje, a̱neefan te ko ti manoŋkar múuwe. A̱jok alitee ti káyilen ku, abe n'á̱maŋi húŋgowulan ni kámaŋi kéenuutina ti Yesu Kiris.

Esuwif i 2:12

Múniyo aanaan: «Atambatun, íñje kasoku bakan kúuwe fe awe a̱amo fu aañ, íñje kasokoroori tu buhooŋiiin.»

Esuwif i 3:6

Bare *Kiris ájubajub naane Añi i Faafo asaane enuuf yeene aano áyemi hikaw hu. Abe enuuf yeene yeemo fu úne, kane arko kikaw úne keeyaŋg, abe n'únaŋ sihel site s'úne yooŋ tu doon d'úyakare du.

1 Piyeer 1:1

Íñje Piyeer, *apotor ite Yesu *Kiris ikiñje fee bakan k'Atambatun ajifane ku, keeyisaloolee ku tu búsuk bite bu Pont, ni bite bu Galasi, ni Kapadoos, n'Asi, ni Bitini. Baabu t'áruuniit.

1 Saaŋ 5:20

Úmoomi kaanuku Añi ite Atambatun abinabin, abe n'awun úne búwesinato kaanuku núumeyi Atambatun ite u nu múniyo. T'Añio Yesu *Kiris t'úhine fu t'afeeneŋ n'Atambatun ite u nu múniyo. Añi u aamo fu Atambatun ite u nu múniyo, akina aamo fu yooŋ buroŋ béehabanaariit bu.

Kafeeñal ku 2:13

ímoomi t'a̱kine du: Setani anaŋanaŋ toko eriikeey yeene yite híyiaate hu, bare a̱jokajok t'íñje alit tip. Antipas aseede úuma éejeŋginam u ayooleeyool t'aruun, toko ti Setani akine du. Awe bare, naane bondu bibaje i fe, a̱wasut káyilen ku t'íñje.

Kafeeñal ku 3:10

Makamu á̱jeŋginajeŋgin hirim h'isoki hu hite kaanuku á̱muñ ti sílaam su, ifin íñje yooŋ, íñje kajukari ti sílaam seebin su t'aduna i ereyi fe. Sílaam sondu kabaju kaanuku t'ajuk buŋ bu kúŋgowulan ku kaamo fu ariike.

Kafeeñal ku 3:8

ímoomi buroon b'á̱hine bu fe. Ímoomi kaanuku a̱bajut sembe, bare á̱jeŋginajeŋgin hirim húuma, abe a̱teñekeitam. A̱juk, ífeŋginifeŋgin karuŋ k'an ayinaat kafeŋku.