Saaŋ 17:26 - Kwatay (Kuwaataay)

²⁶ Íhiniinhiin kéemeyii, abe íñje kasooñu íhin á̱ameyiee, man ni kámaŋi bakaaku naane á̱maŋiam i, abe íñje humuumam n'íyemi tu boko.»

Saaŋ 17:26 ပူးပေါင်းရင်းမြစ်များ

Saaŋ 14:20

Hunak hondu ifi hireeŋ, n'aŋ'árimeyi kaanuku íñj'endu ti Faafam, aruun bokondu t'íñje, íñj'endu yooŋ t'aruun.

Saaŋ 14:23

Yesu n'aano: —An af'ámaŋiam, o káhinu doon d'isoke du. Faafam kámaŋio, abe n'iŋ'iribin te o íñje ni Faafam iriikin te o.

Saaŋ 15:15

Iroŋutuun kaane eroka, ábuki aroka ámeyiaariit te naŋ t'an u tand'arok aamo fu. Iŋ'eenuun aruun bákawiyam, ábuki b'ijame bu ti Faafam fe, isokuunsok bo.

Saaŋ 15:4

Arijok t'íñje, n'ijok yooŋ t'aruun. Kaaland kiyinaat kabuku miriyaay unoon te ko tu kulooñut tu nunukanuk; aruun yooŋ, afut'arijok t'íñje, at'áriyini kabuku miriyaay.

Saaŋ 15:9

Ímaŋiuunmaŋi naane Faaf u ámaŋiam i. Arijokoor ti kámaŋi k'ímaŋiuun ku.

Saaŋ 17:23

Aamo fu íñje n'íyemi tu boko, abe n'á̱yemi t'íñje, man ni káyemi afeeneŋ taŋ, bakate t'etaam i kéemeyi yooŋ kaanuku awe á̱boñinam fu, abe á̱maŋiiinmaŋi yooŋ naane á̱maŋiam i.

Saaŋ 17:6

«Bakan k'a̱jifane ku t'etaam ye a̱awunamiin, íhiniinhin kéemeyii. Bákuuwe ku yéeni. N'a̱wunamiin, abe ni kájeŋgin hirim húuwe.

Saaŋ 17:8

ábuki isokiinsok kirim k'a̱saanam ku, abe kajokajok ko. Bukuuriinkuur kaanuku t'awe t'ínuutina fu, abe káyilenayilen yooŋ kaanuku awe á̱boñinam.

Saaŋ 6:56

An eeteŋe u eni íima, abe n'áhujo halan húuma, o káyemi n'íñje, n'íyemi yooŋ ne o.

Saaŋ 8:50

Iŋesut kaanuku ésuk i kéenikanam. Ake ondu ti kaŋesu bo bija t'íñje, abe akina af'ajoonan.

Eleetar i yi Pool akiñje i bakate ku Rom 8:10

Bare Kiris af'akin t'aruun, hutoof yooŋ naane aamo i sini soonuun suwarawar bibin kaketu uŋu wuhoofoor wu, Búwejet Beenabe bu kawunuuun buroŋ aŋarkeyi naane Atambatun ajokuunjok bakan kéejube.

1 Korent 1:30

Atambatun áhinuunhin t'afeeneŋ ni Yesu Kiris, abe akina Kiris ákinineŋe fu n'úmeyi búwesinato béenuutina bu t'Atambatun. Akina ákinineŋe fu yooŋ Atambatun n'ajok úne bakan kéejube, n'ajifan úne núuyemi bakan koone, abe n'áhin úne núufak tu wuhoofoor wu,

1 Korent 12:12

Úmoomi kaanuku eni yite húŋgowulan efeeneŋ, abe bare ebajabaj buroon beehooje. Buroon bondu naane buhooje i fe, bujokoorajokoor béehin eni efeeneŋ. Iyu yooŋ i *Kiris aamo fu.

Galasi 2:20

Náami aŋkut áami íñj'eemo fu tu buroŋ bu, bare Kiris aamo fu tu buroŋ bu t'íñje. Buroŋ bite t'etaam ye b'eemo bee te bo hahiye, íñj'endu te bo ti káyilen ku t'Añi ite Atambatun éemaŋiam u, abe n'ásik síhiinio asaan bija t'íñje.

Efees 1:6

Náami úsokorooro iŋi meejake moone meehahe mu. Anoŋkanoŋk eewun úne mo fuufu iŋi naane úhine i t'afeeneŋ n'Añi oone a ámaŋie-maŋie u.

Efees 3:17

Atambatun áhin *Kiris eekin tu suhol soonuun aŋarkeyi naane áriyilenayilen te o. Áhinuun yooŋ áriimaŋioori. Af'árimaŋioori, n'aŋ'arilooñ te o, abe n'aŋ'arinut yooŋ buroŋ boonuun te o.

Efees 5:30

Abe úreyi fe t'enio t'úlooñe fu.

Efees 5:32

Bike bómbokun béenuusee bondu ti kirim konde k'isoke kee memee iŋ'ite hu Kiris ni kéeyilene ku.

Kolos 1:27

Ábuki Atambatun ámaŋamaŋi káwufooriin ebaj yéenike i y'ánuusaanie i, yeeemo i ti b'afaree bu bija ti keenooto ku Esuwif. B'ánuusaanie bu beemo fu bonde: Kiris ondu t'aruun. Te o t'ariyakare fu kaanuku ariibin arimaat ti *Jáyi jite Atambatun.

Kolos 2:10

Abe naane árihine i t'afeeneŋ ni Kiris, naane aamo i abin ahaban, iyu yooŋ a ariemo fu. Akina aamo fu aseef ite ñúwejet ñite sembe su ñeeemo ñu t'etiir fe.

Kolos 3:11

Hahiyu aŋkut abaj bokonde Esuwif, bokonda kanooto Esuwif; bokonde *kateyatey karam, bokonda kateyit karam; bokonde kániyeit, bokonda baataaŋaat; bokonde búsukateen, bokonda kanooto búsukateen. Bare *Kiris taŋ abaje fu, o eeemo u doon areyi fe, abe n'áyemi ti bakan koone kareyi fe.

2 Tesalonik 2:16

Atambatun Faaf úne ámaŋamaŋi úne, abe ti kajaku koone n'ayaŋganan úne kikaw ko kireyi fe n'eyakar yeeyane. Uni bokondu ti kalawu Anahaan ite úne Yesu Kiris humuumo, n'Atambatun Faaf úne

Esuwif i 2:12

Múniyo aanaan: «Atambatun, íñje kasoku bakan kúuwe fe awe a̱amo fu aañ, íñje kasokoroori tu buhooŋiiin.»

1 Saaŋ 3:24

An éejeŋgine suluwa site Atambatun, an ondu áhina t'afeeneŋ n'Atambatun, Atambatun yooŋ áhina ne o t'afeeneŋ. Abe úmoomi kaanuku Atambatun áhinahin n'úne t'afeeneŋ, ábuki awunawun úne Búwejet boone.