Saaŋ 17:2 - Kwatay (Kuwaataay)

² Ábuki a̱wunowun sembe tu kúŋgowulan ku fe, kaanuku aŋ'abin awun bakan k'a̱saano ku fe buroŋ béehabanaariit bu.

Saaŋ 17:2 ပူးပေါင်းရင်းမြစ်များ

Májiye 11:27

Abe n'aane kéeyemie ku toko: —Faafam anaŋanaŋ buroon bu fe tu sumoŋiam. An ámeyiit íñj'eemo fu aañ, íñje eeemo u Añi u, bare Faaf u ámoomi. An yooŋ ámeyiit Faaf u aamo fu aañ, bare ímoomi, íñje Añi u; abe k'ijifane ku yooŋ kaanuku íiwufooriino kámoomi.

Májiye 25:46

Yesu n'áwutiyen aane: —Abe boko bija tu kúnuur kéehabanaariit ku, kéejube ku keefin keeja tu buroŋ béehabanaariit bu.

Májiye 28:18

Yesu n'átofin abe n'aaniin: —Iwuneewun sembe tu buroon bu fe t'etiir bufor bu ni t'etaam i.

Saaŋ 17:24

«Faafa, ímaŋamaŋi bakan k'a̱wunam ku ni káyemi yooŋ t'ija du káyemi, man ni kajuk kániku kúuma, kondu k'a̱wunam ku, ábuki á̱maŋiammaŋi t'etaam i éwuwanoorutee.

Saaŋ 17:6

«Bakan k'a̱jifane ku t'etaam ye a̱awunamiin, íhiniinhin kéemeyii. Bákuuwe ku yéeni. N'a̱wunamiin, abe ni kájeŋgin hirim húuwe.

Saaŋ 17:9

«Íñj'endu ti kalawii bija tu boko. Ilawut bija ti bakate ku t'etaam ye, bare ilawalaw bija ti bakan k'a̱wunam ku, ábuki bákuuwe ku.

Saaŋ 3:35

Faaf u ámaŋamaŋi Añi u, abe n'awuno sembe tu buroon bu fe.

Saaŋ 4:14

Bare an eeyak u búhujo tu móhujo m'ija mu kawunio, búhujo buroŋuto kajoku hikee. Ábuki móhujo m'ija mu kawunio káyemi t'enio naane káabulanu tu móhujo miyak kábulu, abe ni míhino eebaj buroŋ béehabanaariit bu.

Saaŋ 6:27

Atum'arirok buroon bite kákuumanuun bite búbujo kuwaatu. Arirok buroon bite kákuumanuun beeemo utu búbujo hikee, abe yooŋ nu buwun buroŋ béehabanaariit bu. Buroon bondu, *Añi ute Húŋgowulan hu aja fu kawunuuun bo, ábuki te o t'Atambatun Faaf u áhine fu éluwenuma yeene yéewufoore i kaanuku ariboorariboor ne o.

Saaŋ 6:37

Bakan ki Faaf u awunam ku bibin kareyi fe t'íñje, abe it'íkutoor hikee-kee an eebine u t'íñje.

Saaŋ 6:39

Abe beetoofe bu an éeboñinam u beemo fu itim'ítowutan mayet afeeneŋ ti k'asaanam ku, bare n'ibin iritaniin t'eket i tu hunak hiraanu hu.

Eleetar i yi Pool akiñje i bakate ku Rom 6:23

Ábuki bajaam bite kaahoofoor beemo fu eket i; bare b'Atambatun bamb'awun fuufu beemo fu buroŋ béehabanaariit bu iŋi naane úhine i t'afeeneŋ ni Yesu *Kiris Anahaan ite úne.

1 Korent 15:25

Ábuki Kiris awarawar káyemi áyi bija kóyin k'Atambatun aja ku bikalo enatoora yeene kareyi fe.

Efees 1:20

h'aritane hu Kiris t'eket i, abe n'áhino eeriiko inde *baatoso t'etiir bufor bu.

Fílip 2:10

kaanuku man keeemo ku fe tu bufor bu, ni t'etaam i, ni t'éhinda etaam i ni kájiŋgitan kane kajam huruwu hite Yesu,

1 Timote 1:16

bare Atambatun ayubiyenamyubiyen. Ámaŋamaŋi kaanuku Yesu Kiris éewufoor t'íñje, íñje eeemo u átiyar ite ehoofoora i, buŋ b'af'ámuñ ariike. Áhinamhin bondu kaanuku man bakaaku ni kabin káyilen te o, abe ni kabaj buroŋ béehabanaariit bu.

Esuwif i 1:2

Bare tu kunak konde keeemo ku kiraanu ku, áhaminahamin úne áŋaasann bo t'Añio. Te o t'Atambatun aŋaase fu éewuwan dóonodoon fe, o yooŋ a ajifane fu kaanuku eebin éekini doon areyi fe.

1 Piyeer 3:22

Ajaja t'etiir bufor bu, abe ondu t'ariikee inde *baatos Atambatun. Emalaka i iŋi kajam te o, n'ébuur i, ni baabu buroon fe beebaje bu sembe beeemo bu t'etiir bufor bu.

1 Saaŋ 1:2

An u aa awun buroŋ bu áŋaasinoŋaasin, abe irijukojuk. Iŋ'iriseedoo t'aruun, abe n'irisokuun an eeemo u buroŋ béehabanaariit bu. Ámoomi ti Faaf u, abe n'afeeñ t'uni.

1 Saaŋ 2:25

Abe bonde bi Kiris aane fu o kawunu úne: buroŋ béehabanaariit bu.

1 Saaŋ 5:20

Úmoomi kaanuku Añi ite Atambatun abinabin, abe n'awun úne búwesinato kaanuku núumeyi Atambatun ite u nu múniyo. T'Añio Yesu *Kiris t'úhine fu t'afeeneŋ n'Atambatun ite u nu múniyo. Añi u aamo fu Atambatun ite u nu múniyo, akina aamo fu yooŋ buroŋ béehabanaariit bu.

Eleetar i yi Sud akiñje i 1:21

Kámaŋi k'Atambatun ámaŋiuun ku, arijokoor te ko, ti kanahan yooŋ hunak h'Anahaan ite úne Yesu Kiris, ti kajaku koone, aja hu kawunuuun buroŋ béehabanaariit bu.