Saaŋ 17:19 - Kwatay (Kuwaataay)

¹⁹ Isaanisaan buroŋ búuma bireyi fe uŋu hooniin hu, kaanuku man boko yooŋ ni káyemi bakan kúuwe káhabanein.

Saaŋ 17:19 ပူးပေါင်းရင်းမြစ်များ

Saaŋ 10:36

Íñje bare, Atambatun ajifanam, abe n'áboñinam t'etaam ye. N'aŋ'arifin ariene íñje ílafatino aŋarkeyi eenaan íñje Añi ite Atambatun?

Saaŋ 15:13

An éesike síhiinio asaan iŋ'ite hu bákawiyo, abajut kámaŋi keehaŋe kondu.

Saaŋ 15:3

Ariheeka *ariikuur naane nunukanuk neebendee, abe báhamin b'isokuun bu bíkinineŋe fu.

Saaŋ 17:17

Á̱wufooriin múniyo mu kéeyemi bakan kúuwe káhabanein. Hirim húuwe heemo fu múniyo mu.

Saaŋ 17:20

«Ilawuti bija tu boko barebare, bare bija yooŋ ti keeyak ku bibin káyilen t'íñje kane kajam hirim hooniin.

1 Korent 1:2

Uni bokondu ti kákiñjinuun aruun bakate ku Korent *kéeyilene ku, aruun k'Atambatun akino ku. Aruwuunruw kaanuku áriihin t'afeeneŋ ni Yesu Kiris, aruun ni bakaaku fe keeemo ku tánotan, kiŋki karuw huruwu hite Anahaan ite úne Yesu Kiris, Anahaan ooniin n'Anahaan ite úne toko.

2 Korent 4:15

Bimbi bibaj uni fe, uŋu hoonuun hu, kaanuku man meejake mite Atambatun ni mihaŋ kagoru bakan keehooje. Iyu, ésuk i n'eŋ'ehaŋ kahooju ti kaanu Atambatun eyeehen, ni ti kasokoroor koone.

2 Korent 7:14

Imakamak te o uŋu hoonuun hu, abe arisaanutam ñufuñ. Abe naane ii iriboo kasokuuun múniyo mu, iyu yooŋ i beejake bu b'irisoke bu Tit t'aruun beemo fu bite nu múniyo.

2 Korent 8:9

Ábuki árimoomi naane Anahaan ite úne Yesu *Kiris áwufoore i úne kajaku koone: akina éeyemie u husaanum, n'áhinooro an eebajut uŋu hoonuun hu kaanuku man kabajaate koone ni kíhinuun áriiyemi kusaanum.

Kolos 1:6

Hirim hondu Heetoofe hu híreeŋinuun naane hireeŋe i yooŋ tánotan fe t'etaam ye. Hondu ti kabukoor, hondu yooŋ ti kahaŋu bija hágila. Iyu yooŋ i hije fu t'aruun huta h'aŋ'aribin arijam abe n'árimeyi kaanuku Atambatun aŋ'áwufoor ésuk i kajaku koone nu múniyo.

1 Tesalonik 4:7

Atambatun aruwut úne kaanuku núuyemi bakan *keekuurut, bare kaanuku núuyemi bakan keenabe.

2 Timote 2:10

Bo bíkinineŋe fu n'iŋ'ímuñ areyi fe iŋ'ite hu bakan k'Atambatun ajifane ku, kaanuku man boko yooŋ Yesu Kiris n'afakaniin, abe n'ánikaniin hiraanu.

Eleetar i yi Pool akiñje i Tit 2:14

Awunawun buroŋ boone iŋ'ite h'úne, kaanuku eefakan úne ti meejakut fe, abe n'akuuran úne. Iyu, n'uŋ'útumb úyemi bakan koone kéeñiŋkaane ti káhinu buroon beejake taŋ.

Esuwif i 10:29

Náami arijuker t'an eehuufe Añi ite Atambatun: an ondu ajokut doon fe halan *heekuurano hu, hite *kaajamoor k'Atambatun asiiŋane ku, abe aŋ'álafatin Búwejet Beenabe bu bumbu búwufoor úne kajaku kite Atambatun. Ti kaayinoor koonuun, at'anijee fíya te o ahaŋ diyu?

Esuwif i 2:11

Yesu aa *akuuran kúŋgowulan ku wuhoofoor wooniin, ni bakan keekuuranee ku, kareyi fe Faafiin afeeneŋ. Iŋ'ite ho hi Yesu áfuñaariit fu karuwiiin bakat'o ni bákaniino.

Esuwif i 9:13

Naane t'ejoosan i esoke du, halan hite kíjigen ku, ni hite kúyond ku hihi hileesee ti keekuurut ku, ni hábumba hite kaayaan kéesufee ku huhu huhorotanee tu boko, bondu uŋu bukuuran sini sooniin.

Esuwif i 9:18

Iŋ'ite ho aamo fu kaajamoor kítiyar ku kíbajaaniit éñjeriŋ ti halan hu húyuusoorutee.

Esuwif i 9:26

Arko yéeni iyu i bije fu, n'aŋ'ajuk sílaam keehooje-hooj, huta h'etaam i eŋ'ebin éwuwanee. Bare hahiye, ti kamoosen kite etaam i keelohene kee, hifeeneŋ taŋ abe yooŋ hiraanu h'áŋaasina fu, kaanuku éesik eni yeene eesarah, eenuutan wuhoofoor wute ésuk i.

1 Saaŋ 3:18

Kúñuumo, úwarut kámaŋioori ni kirim keetoofe barebare; úwarawar kámaŋioori nu múniyo tu buroon bumb'úhin.

1 Saaŋ 3:3

An fe eebaje eyakar yendu ti Kiris *bukuuranooro naane Yesu Kiris akuure i.