Saaŋ 16:2 - Kwatay (Kuwaataay)

² Boko kawiisuuun ti *ñáalawum ñite ñ'úne. Ho kareeŋu toko, keeyakuun ku kayoolu kayinoor n'iŋi kaane boko káhine beetoofe Atambatun.

Saaŋ 16:2 ပူးပေါင်းရင်းမြစ်များ

Májiye 10:28

Atum'árikoleyi kiŋki kayool eni i, abe kayinaat kayoolu yaan i. Ho húkoyie árikoleyi Atambatun eeemo u áyinooni kábuju eni i ni yaan i sambuun.

Májiye 24:9

«Bakan kajokuuun, keeja kéehihinooruun, abe ni kayooluun. Ésuk i fe kahuufuuun uŋu húuma hu.

Hirim Heetoofe hu hi Luk akiñje hu 6:22

«Atoof t'aruun kane ésuk i kahuufuun, káfiitenuun, kálafatinuun, abe ni kábuj kuruwu koonuun aŋarkeyi aŋ'arisa *Añi ute Húŋgowulan hu ti hiñaawu!

Saaŋ 12:42

N'abaj bare t'eseef ite Esuwif i kumuumiin bakan keehooje kéeyilene ti Yesu. Bare kakañenut kasoku bo t'etiir iŋ'ite *Efarisiyeŋ i, kaanuku itim kabin kawiisee ti *báalawum booniin.

Saaŋ 16:25

—Bonde b'isokuun bu fe, ijokajok bo ikolofan. Bare hunak hu bibin kareeŋu, it'iŋk'ikolofanuun báhamin. Íñje kasokuuun bite bu Faaf u akuur but.

Saaŋ 16:32

Bibin birko, abe areeŋee, aruun biyisaloolo arireyi fe huruw t'enuuf te o, ariiwasam unoonam. Bare it'íyemi unoonam, Faaf u ondu n'íñje.

Saaŋ 4:21

Yesu n'aano: —Ániin, á̱yilenam: bibin birko, an at'aŋk'aja ti hirij hondu man yooŋ Serusalem kalawu Faaf u.

Saaŋ 4:23

Bare bibin birko, abe areeŋee, kiŋki kalaw Faaf u káhabanein, boko kalawio nu búwejet, nu múniyo mu. Iyu i Faaf u ámaŋie fu ésuk i kalawo.

Saaŋ 9:22

Iyu i kásafiniin fu aŋarkeyi naane kákolakoleyi eseef ite Esuwif i. Ábuki eseef i kaanaan, an éeyilene u kaanuku Yesu aamo fu *Afakana u, boko kawiisio ti *báalawum booniin.

Saaŋ 9:34

Ni kaano: —Awe eebukee u enii ereyi fe ti kaahoofoor, awe a̱ja fu kasoku uni buŋ bi heemo fu? Ni kákutooro ti báalawum bu.

Epotor i 5:33

Hi kéeyemie ku ti kajoonan ku kajame hu bondu, ni kátumb fu kayiŋat naane kayak kámaŋi kayoolu epotor i.

Epotor i 7:56

N'aane: —Arijamatan, ijuka bufor bu ni bífeŋgino, *n'Añi ute Húŋgowulan hu t'asiiŋee inde baatos Atambatun.

1 Korent 4:13

An af'asok t'uni beejakut, n'iŋ'írisafin atoofee. Bija t'úmiye yooŋ, ésuk i ejokajok uni naane kuhos kite aduna i, nu buruwat bite kúŋgowulan ku.

Fílip 3:6

Ítumbatumba ijok bítim bondu naane, isooñen n'iŋ'íhihinoor kéeyilene ku ti Kiris. Ítumbatumba íhin naane eluwa i esoke i isooñen an ayinaatam kawatan tu doon.

Kafeeñal ku 6:9

Ahaban, Ametek u n'ákotin húkotanin hutoken hu. N'ijuk *ataabul ite *wusarah wu, abe n'ijuk t'etaamo siyaan site bakan keeyoolee ku aŋarkeyi naane kajokajok hirim hite Atambatun, abe ni kaseede ho.