Saaŋ 16:13 - Kwatay (Kuwaataay)

¹³ Búwejet bite múniyo mu ifi bija bibin, bo káwufooruun múniyo mu mireyi fe. Utu busok doon du bunoŋke beeyinoor, bare bo kasokuuun naŋ ni bijame fu fe, ni beeware bu yooŋ kabaju.

Saaŋ 16:13 ပူးပေါင်းရင်းမြစ်များ

Saaŋ 12:49

Abajut bike b'inoŋkooree iisok, bare Faaf u humuumo éeboñinam u áwufooramwufoor b'iware bu kasoku fe.

Saaŋ 14:17

O aamo fu Búwejet bumbu búwufoor ésuk i múniyo mu. Bakate ku t'etaam ye biteñekoo, ábuki kayinaato kajuku, kayinaato yooŋ kámeyi. Bare aruun árimoomio, ábuki akinakin n'aruun, o yooŋ káyemi n'aruun.

Saaŋ 14:26

Bare Áyokunana u, eeemo u Búwejet Beenabe bu bi Faaf u aja bu káboñina tu huruwu húuma, o kaliikenuun doon areyi fe, abe o kábaŋinanuun b'isokuun bu bireyi fe.

Saaŋ 14:6

Yesu n'aano: —Íñj'eemo fu bítim bu, nu múniyo mu, nu buroŋ bu. An ayinaat bija ti Faaf u t'aŋaasut t'íñje.

Saaŋ 15:26

«Áyokunana u bibin: o aamo fu Búwejet bite múniyo mu, eeyak u kánuutina ti Faaf u. Íñje káboñinuuno tu huruwu hite Faaf u, abe o kasokuuun búuma bu fe.

Saaŋ 16:12

«Ibajabaj bike beehooje bite kasokuuun, bare it'isokuun bo hahiye, buroŋa ni biniŋuun.

Saaŋ 3:32

Aŋ'asok doon d'ajuke du ni d'ajame du, bare an áyilenaariito.

Saaŋ 8:38

Íñje, b'ijuke bu ti Faafam b'if'isok. Aruun, n'árihin b'arijame bu ti faafuun.

Epotor i 11:28

Ake tu boko huruwu hoone Agabus n'arito asiiŋo, abe Búwejet Beenabe bu ni bitiŋgo eesok kaanuku bujoñjol bómbokun kabaju t'etaam i ereyi fe. (Múniyo ni bibin bibaj hu Kúlod áyemie hu *áyi ómbokun eeemo u Rom.)

Epotor i 20:23

Bifeeneŋ taŋ b'ímeyie fu: bo beemo fu ti hikinu-kinu fe, Búwejet Beenabe bu uŋu busokam kaanuku ekulu yendu ti kanahanam, ni sílaam.

Epotor i 27:24

N'aanam: «Pool, atum'á̱koleyi! A̱warawar kajoonanee hágila *áyi ómbokun eeemo u Rom. Abe awe á̱kinineŋe fu Atambatun n'afakan síhiinu site bakani keeemo ku n'awe t'esahar i.»

2 Tesalonik 2:12

Náami kéeyilenut ku fe tu múniyo mu, abe n'iŋi kabaj katoofu kooniin ti meejakut mu kajoonanee.

2 Tesalonik 2:3

Atum'ariwas an eebuutuun t'efehe yánoyan. Ábuki bala hunak hondu hireeŋ, bakan keehooje kajabu kárahan t'Atambatun, abe Ánafuta u eeware u bútowuto hiraanu n'atik áŋaasin.

Esuwif i 1:1

Hítiyar hu, Atambatun áhaminahamin sifaaf úne kómbokun, áŋaasann bo *t'eyiŋana yeene; áhaminiinhamin kuhooj ti sifasoŋ seewayee.

1 Saaŋ 2:20

Aruun bare, aribajabaj Búwejet Beenabe bu bi Kiris awunuun bu, abe iyu a árimeyie fu arireyi fe múniyo mu.

1 Saaŋ 2:27

Aruun bare, Kiris awunuunwun Búwejet boone. Makamu Búwejet boone bondu t'aruun, arisawuleit an aliikenuun. Ábuki Búwejet bu iŋi biliikenuun doon areyi fe, abe doon dindi biliikenuun dite toko, díteiit haajuus. Iŋ'ite ho aamo fu arijok alitee ti káhinu k'árihine ku t'afeeneŋ ni Kiris naane Búwejet bu biliikenuun i.

1 Saaŋ 4:6

Úne bare bakan bakate Atambatun. An éemeyie Atambatun aŋ'ajamatan úne; bare an eenooto ite Atambatun ájamatanaariit úne. Iyu u úyino fu kakeetan Búwejet bite múniyo mu, nu búwejet bite haajuus hu.

1 Saaŋ 5:6

Yesu *Kiris aamo fu an éeŋaasina u t'etaam i: n'ayooso tu móhujo ti kaboste koone, n'áyuus yooŋ halan hoone ti kaketu ku. Tu móhujoiit barebare t'áŋaasina fu, bare áŋaasinoŋaasin tu móhujo, ni ti halan yooŋ. Abe Búwejet Beenabe bu iŋi biseede kaanuku bondu bite nu múniyo, ábuki Búwejet bu beemo fu múniyo mu.

Kafeeñal ku 1:1

Kaawiit konde kíyekie fu béenuusee bu bi Yesu *Kiris afeeñale bu. Atambatun n'áhino éemeyi bo kaanuku éewufoor bo kiŋki karok bija te o, man ni kámeyi beeware bu kabaju memee. Yesu Kiris n'áboñin amalaka oone eebin eesokam bo, íñje Saaŋ aroka oone.

Kafeeñal ku 1:19

Náami a̱kiñj bamb'a̱juk iye: beebaje bu hahiye, ni beeja bu bibin kabaju.