«Atambatun aane: an onde af'áhin naane isoke i, akina i ijifane fu, o i ímaŋie fu, te o ti hikawam hutoofe fu. Íñje kahoojano nu Búwejet búuma, abe o káwufoor bakate t'etaam i fe bítim beejake bu.
Bare hu Pool áhamine hu tu buroŋ beejoŋoore bu, ni naane húŋgowulan aware i kajoku hikawo, ni kajoonan keeware ku bibin, Felikis n'ákoleyi abe n'aane: —Hahiyu a̱ja. If'ibin ibaj ejot, n'iŋ'isooñ iruwi.
Bondu bija fu kajukiee akuur but hunak h'Atambatun aja hu kaŋaasu ti Yesu *Kiris eejoonan biyinoor béenuusee bite kúŋgowulan ku, naane Hirim Heetoofe hu hih'iwaare iye husoke i.
Iŋ'ite ho aamo fu atum'arijoonan an tu hunak hu hireeŋoorut. Arinahan Anahaan u eebin: o kafeeñal ti meejaaŋe mu béenuusee bu t'ébaani i, abe n'áwufoor yooŋ biyinoor bite kúŋgowulan ku béenuusee bu. Abe huruw fe, Atambatun kaliiku ti b'áhine bu eesokorooro.
Aŋ'arineefan yéeni tu kunoŋk kite bakate ku t'etaam ye. Aŋ'árijamaani t'aseef ite sembe seejakut su seeemo su t'etiir. Aseef ondu aamo fu búwejet beejakut bu bumbu burok iye ti kéejeŋginaariit ku Atambatun.
Ñúwejet ñéebajaanie ñu sembe fe, Atambatun aramaram so, abe n'áweetin ñúwejet ñondu tu buhooŋu ésuk i fe h'afaake hu ño ni ñaasel, abe n'añaahoor ne ño éewufoor kaanuku ariiŋanariiŋan ño t'ekuruwa yite Kiris.
Hirim hondu hoho hite h'Atambatun hujoke fu bufor bite bu hahiye n'etaam i, sineemak su seebin séesuf buroon bondu. Binaŋeenaŋ bija tu hunak h'énafuta i kaja hu kajoonanee te ho, abe ni kátowutanee hiraanu.
An eekine ti kaahoofoor, akina an ite Setani, ábuki Setani ahoofoorahoofoor huta hu ti kájabina ku. Bonde bíkinineŋe fu Añi ite Atambatun n'abin: kaanuku éebuj burok bite Setani.
Arijuk, ondu ti bibin tu bufor bu! Ésuk i fe, bija yooŋ ni keeyao ku kajukio ni ñíkiniin. Búsuk bite t'etaam ye fe kayiyu uŋu hoone hu. Hee bondu kabaju! Amiin!