Saaŋ 15:7 - Kwatay (Kuwaataay)

⁷ Bare af'arijok t'íñje, abe n'arijok ti kirim kúuma, doon fe d'ariyak kalawu, aruun kabaju do.

Saaŋ 15:7 ပူးပေါင်းရင်းမြစ်များ

Májiye 7:7

—Arilaw, n'aŋ'ariwunee; ariŋes, n'aŋ'aribaj; arikoŋkoŋan, n'aŋ'árifeŋginee.

Saaŋ 14:13

Abe doon d'arilawe fe tu huruwu húuma, íñje káhinu do, man íñje eeemo u Añi u n'íwufoor ésuk i naane Faaf u ánike i.

Saaŋ 15:16

Áruuniit arijifanam fu, bare íñje ijifanuun fu, abe n'iboñuun kaanuku ariija aribuk miriyaay, miriyaay mite bifiyo. Af'árihin bo, Faaf u kawunuuun doon fe d'ariyako kalawu tu huruwu húuma.

Saaŋ 16:23

«Hunak hondu ifi hireeŋ, ariroŋutam kákandijen doon fe. Iisokuun bifeeneŋ bu: doon fe d'ariyak kalawu Faaf u tu huruwu húuma, o kawunuuun do.

Saaŋ 8:31

Yesu n'aane Esuwif i kéeyilene ku te o: —Af'arijok ti hirim húuma, n'aŋ'áami aruun eriboora íima nu múniyo;

Saaŋ 8:37

Ímoomi kaanuku aruun bakañi Aburaham. Bare aruun bokondu ti kaŋesu kaanuku ariiyoolam, ábuki árinaŋaariit báhamin búuma ti kikawuun.

Galasi 4:2

awarawar kajamu ti bakan keeemo ku ti kajukar koone, akina n'ebaj yeene, ayak abin áami simit si faafo asoke su sireeŋa.

Galasi 5:16

Iisokuun bonde: ariwas Búwejet Beenabe bu beejoŋooran buroŋ boonuun. Af'árihin ii, man arinaban wúfaŋi woonuun weejakut wu.

Kolos 3:16

Hirim hite Kiris hija hikin t'aruun, n'ebaj ite te ho fe. Ariliikenool, abe n'aririmoor nu búwesinato boonuun bireyi fe. Arihooñ kuhooñu kánokan kite k'Atambatun, abe n'arihooñ ko suhol soonuun síhabanein ariieno eyeehen.

1 Saaŋ 2:14

Kúñuumo, isooñ ikiñjuun bonde: árimoomi Faaf u. Aruun sifaaf su, isooñ ikiñjuun bonde: árimoomi an éeyemie u huta hu ti kájabina ku. Aruun biñi bu, isooñ ikiñjuun bonde: aribajabaj sembe; hirim hite Atambatun hondu t'aruun, abe yooŋ arikalaa Batuuk bu.

1 Saaŋ 2:27

Aruun bare, Kiris awunuunwun Búwejet boone. Makamu Búwejet boone bondu t'aruun, arisawuleit an aliikenuun. Ábuki Búwejet bu iŋi biliikenuun doon areyi fe, abe doon dindi biliikenuun dite toko, díteiit haajuus. Iŋ'ite ho aamo fu arijok alitee ti káhinu k'árihine ku t'afeeneŋ ni Kiris naane Búwejet bu biliikenuun i.

1 Saaŋ 3:22

Aŋ'awun úne doon fe d'úlawo, ábuki uŋ'újeŋgin suluwa soone, abe beetoofo bu b'uf'úhin.

1 Saaŋ 5:14

Bonde bíkinineŋe fu kikaw úne ni kiyaŋg t'Atambatun: úmoomi kaanuku uf'úlawo dike doon deeriibe ni kámaŋi koone, o kajamatan úne.