Saaŋ 15:4 - Kwatay (Kuwaataay)

⁴ Arijok t'íñje, n'ijok yooŋ t'aruun. Kaaland kiyinaat kabuku miriyaay unoon te ko tu kulooñut tu nunukanuk; aruun yooŋ, afut'arijok t'íñje, at'áriyini kabuku miriyaay.

Saaŋ 15:4 ပူးပေါင်းရင်းမြစ်များ

Májiye 12:33

—Ariliik tu nunukanuk neejake: miriyaay mite te no iŋi mijak; nunukanuk neejakut, miriyaay mite te no míjakaariit. Nunukanuk aŋ'akeetanee ti miriyaay mite te no.

Hirim Heetoofe hu hi Luk akiñje hu 8:15

Sinawaay seeneye su t'etaam yeejake i seemo fu bakan kiŋki kajam hirim hu, ni kanaŋ ho ti sihel seekuure but, abe ni kajok te ho alit tip ayak abin áami kabuka miriyaay meejake.

Saaŋ 14:20

Hunak hondu ifi hireeŋ, n'aŋ'árimeyi kaanuku íñj'endu ti Faafam, aruun bokondu t'íñje, íñj'endu yooŋ t'aruun.

Saaŋ 17:23

Aamo fu íñje n'íyemi tu boko, abe n'á̱yemi t'íñje, man ni káyemi afeeneŋ taŋ, bakate t'etaam i kéemeyi yooŋ kaanuku awe á̱boñinam fu, abe á̱maŋiiinmaŋi yooŋ naane á̱maŋiam i.

Saaŋ 6:56

An eeteŋe u eni íima, abe n'áhujo halan húuma, o káyemi n'íñje, n'íyemi yooŋ ne o.

Saaŋ 8:31

Yesu n'aane Esuwif i kéeyilene ku te o: —Af'arijok ti hirim húuma, n'aŋ'áami aruun eriboora íima nu múniyo;

Epotor i 11:23

H'areeŋe hu bo ayak ajuk naane Atambatun ásoniyane i kéeyilene ku, nu hutoofo dómbokun. N'ayaŋgananiin kikaw kareyi fe aaniin kajok alit tip t'Anahaan u nu suhol séehabaneina.

Epotor i 14:22

N'iŋi kahaŋ yooŋ káwutiyen *kéeyilene ku sihel ti kikinu kondu, abe n'iŋi kaaniin káñiŋkaan keejok alit tip ti bítim bu. Iŋi kaaniin: —Úwarawar kajuku sílaam sómbokun kaanuku núuyooso ti *Jáyi jite Atambatun.

2 Korent 13:5

Arijuker kikawuun jak, ariijuk man aribajabaj káyilen. Eeman árimeyia kaanuku Yesu Kiris ondu t'aruun? Kane arko taŋ aruun ariyinaat káwufoor kaanuku áriyilenayilen.

Galasi 2:20

Náami aŋkut áami íñj'eemo fu tu buroŋ bu, bare Kiris aamo fu tu buroŋ bu t'íñje. Buroŋ bite t'etaam ye b'eemo bee te bo hahiye, íñj'endu te bo ti káyilen ku t'Añi ite Atambatun éemaŋiam u, abe n'ásik síhiinio asaan bija t'íñje.

Efees 3:17

Atambatun áhin *Kiris eekin tu suhol soonuun aŋarkeyi naane áriyilenayilen te o. Áhinuun yooŋ áriimaŋioori. Af'árimaŋioori, n'aŋ'arilooñ te o, abe n'aŋ'arinut yooŋ buroŋ boonuun te o.

Fílip 1:11

Yala kunoŋk koonuun fe ni kíyemi keejake ti sembe site Yesu Kiris, bija ti kánikan kite Atambatun, ni kasokoroor koone.

Kolos 1:23

Bare ariwarawar kajoku alitee ti káyilen ku, abe n'arisiiŋo te ko ayanee. Atum'áriwuŋg kiñaawu eyakar y'aribaje i huta h'aŋ'aribin arijam Hirim Heetoofe hu. Hirim hondu Heetoofe hu huwaareewaare kúŋgowulan ku fe t'etaam ye, abe íñje Pool, burokam hahiyu kawaare ho.

Kolos 1:27

Ábuki Atambatun ámaŋamaŋi káwufooriin ebaj yéenike i y'ánuusaanie i, yeeemo i ti b'afaree bu bija ti keenooto ku Esuwif. B'ánuusaanie bu beemo fu bonde: Kiris ondu t'aruun. Te o t'ariyakare fu kaanuku ariibin arimaat ti *Jáyi jite Atambatun.

Kolos 2:6

Náami hahiyu, makamu arijoka t'Anahaan u Yesu *Kiris, buroŋ boonuun bíyemi naane bite bakan kéehine ne o t'afeeneŋ.

1 Tesalonik 3:5

Ho híkinineŋe fu naane aamo i iŋkut íyini kanahan, n'íboñin Timote eebin eejuk buŋ bi káyilen koonuun keemo fu. Íkolakoleyi iŋ'eene yéeni man Setani n'abuutuun, butum burok b'iriroke bu fe bite fuufu.

Esuwif i 10:39

Úne únooto ni kiŋki kañako, abe n'iŋi kátowuto hiraanu. Úbajabaj káyilen, abe úne bokondu ti bítim bite kafaku ku.

1 Saaŋ 2:6

An af'asok aane áhinahin t'afeeneŋ n'Atambatun, awarawar kanaban tu wuwot wute Yesu.

2 Saaŋ 1:9

An fe eejokut ti bi Kiris aliikene bu úne, abe n'aŋ'atofanan bo, an ondu anooto n'Atambatun. An eejoke ti bi Yesu Kiris aliikene bu úne, an ondu ondu ni Faaf u, ondu yooŋ n'Añi u.