Saaŋ 15:2 - Kwatay (Kuwaataay)

² Biland búuma béebukaariit bu, aŋ'afiit bo, abe bumbu bubuk, n'aŋ'abend bo kaanuku beehaŋ kabuku.

Saaŋ 15:2 ပူးပေါင်းရင်းမြစ်များ

Májiye 13:12

Ábuki an eebaje, o káwutiyenee ahaŋ doon d'abaje du, ebaj i yeeheek te o. Bare an éetumbut u abaj, humuum diŋgiŋgilis d'abaje du karamiee.

Májiye 13:33

Yesu n'asooñ asokiin beekolofanee bonde: —*Jáyi jite Atambatun júmoomi naane *élefir, y'anaare ásike éegiilool n'éfariŋ ti hibeñuwar heehooje ayak abin áami ereyi fe ékundufuloolaa.

Májiye 15:13

N'aaniin: —Nunukanuk fe ni Faafam eeemo u t'etiir anawut karondiee.

Májiye 21:19

Ajuka *nífigiye ti kaakaŋa bítim bu, n'atof areeŋ, bare búsuus taŋ b'ajuke fu te no. Náami eeene nífigiye nu: —A̱roŋut hikee-kee kabuku miriyaay! Toko-toko yooŋ, náami nisaya kaŋ.

Májiye 25:29

Ábuki an eebaje, o káwutiyenee ahaŋ doon d'abaje du, ebaj i yeeheek te o. Bare an éetumbut u abaj, humuum diŋgiŋgilis d'abaje du karamiee.

Májiye 3:10

Hineemak hu hifaraa bija kafiitu ñunukanuk ñu ti kíjiŋ ku. Nunukanuk fe neebukut miriyaay meejake, no kafiitiee, abe ni nífiitenee ti sineemak su.

Májiye 3:12

Ondu ni káwuranu ku tu sumoŋio, abe o káwaajin bajal bu n'éhaafiin i. O kanaŋu bajal boone ti níhindaa noone. Bare éhaafiin i, o kásufu yo ti sineemak séeketaariit.

Májiye 7:19

Nunukanuk fe neebukut miriyaay meejake, no kafiitiee, abe ni nífiitenee ti sineemak su.

Mark 4:20

Bakaaku bare kámoomi naane etaam yeejake i ti sinawaay su sineye du. Boko kaamo fu kiŋki kajam hirim hu, ni kajok ho káhabanein, abe ni kabukoor. Afeeneŋ n'aŋ'abuk kaamo butuman nu sumoŋu, ake bakan bákahaaji, ake téemeer.

Hirim Heetoofe hu hi Luk akiñje hu 8:13

Bakaaku kámoomi naane t'arkee du bilaaliñj. Iŋi kajam hirim hu, abe ni kajok ho atoof. Bare híbajaariit ñuyoot. Iŋi káyilen t'ewahatu kep, abe Setani af'aŋes káhiniiin keehoofoor, n'iŋi kawasan káyilen kooniin.

Saaŋ 15:1

Yesu n'asooñ aane: —Íñj'eemo fu nunukanuk nite nu nu múniyo nunnu nubuk *kireseŋ ku, abe Faafam af'atofotoor no.

Saaŋ 15:16

Áruuniit arijifanam fu, bare íñje ijifanuun fu, abe n'iboñuun kaanuku ariija aribuk miriyaay, miriyaay mite bifiyo. Af'árihin bo, Faaf u kawunuuun doon fe d'ariyako kalawu tu huruwu húuma.

Saaŋ 15:3

Ariheeka *ariikuur naane nunukanuk neebendee, abe báhamin b'isokuun bu bíkinineŋe fu.

Saaŋ 15:6

An eejokut u t'íñje, o káfiitenee tíyaŋ naane kaaland keefiitee. Abe biland bu ifi bibin bisay, iŋi biheree béefiitenee ti sineemak béesufo.

Saaŋ 15:8

Af'aribuk miriyaay meehooje, iyu i Faafam aja fu kánikanee, iyu yooŋ a arija fu káwufoor kaanuku aruun eriboora íima.

Saaŋ 17:12

H'íyemie hu nu boko, iŋ'ijukariin ti sembe site huruwu húuwe, huruwu h'a̱wunam hu. Íñje if'ijukariin, abe mayet afeeneŋ tu boko átowutee, kane arko eefiyee u awar bútowuto hiraanu kaanuku man beesokee bu ti *Míkiñjin mu ni bibaj.

Eleetar i yi Pool akiñje i bakate ku Rom 11:17

Bakate ku *Israyel kámoomi naane *núolifiye neenawee, abe bike biland ni bifiitee. Aruun keenooto ku Esuwif n'áriyemi naane biland bite nike neenoŋke néelooñin, abe ni bísikee beesukenee ti baabu bifiitee du. Hahiyu halan huhu húnuutin ti kíjiŋ kite nunukanuk nondu neenawee nu ufu huwunuun sembe.

Eleetar i yi Pool akiñje i bakate ku Rom 11:22

Náami arijondoman fee ti kajaku kite Atambatun ni naane atoofut i yooŋ nu hoone: atoofut nu hoone ti kéejeŋginaariito ku, abe o kajaku t'aruun, kane arko aririiko ti kajaku koone. Káhinaate iyu, n'aŋ'arifiitee yooŋ naane biland.

Eleetar i yi Pool akiñje i bakate ku Rom 8:28

Úmoomi kaanuku doon fe deeyino kabaju kéemaŋie ku Atambatun, bokondu k'aruwe ku naane t'afiye du asok, aŋ'áhin do déeyemi deejake bija ti káasuumaay kooniin.

1 Korent 13:1

If'iŋ'íhamin kíhaminiin kite kúŋgowulan ku, ni kite emalaka i, abe bare kámaŋi an kunooto t'eholam, anokooreenokoor kite íñje éyifu yeeemo ti kafiiŋan, man yooŋ ejiliŋ.

Eleetar i yi Pool akiñje i Tit 2:14

Awunawun buroŋ boone iŋ'ite h'úne, kaanuku eefakan úne ti meejakut fe, abe n'akuuran úne. Iyu, n'uŋ'útumb úyemi bakan koone kéeñiŋkaane ti káhinu buroon beejake taŋ.

Esuwif i 12:15

Arinaŋ toko kikawuun, kajaku kite Atambatun, an atum'áwuŋg ko hiñaawu. An t'aruun atum'áyemi naane nunukanuk nite miriyaay méetike; n'aŋ'átifen bakan keehooje ni kátiku koone.

1 Saaŋ 2:19

Bokondu bakan úneiit nu múniyo, iŋ'ite ho hi kanuute fu t'úne. Múniyo kane káyemi bakan úne, n'iŋi kariiko yéeni n'úne. Bare iyu i bije fu t'ahaŋ kakuuru kaanuku mayet afeeneŋ tu boko aamo n'úne.

Kafeeñal ku 3:19

Bakan k'ímaŋie ku fe, iŋ'ijoŋooraniin abe n'ímiñiin. Náami á̱ñiŋkaan á̱habanein, abe n'a̱watanooro wuhoofoor wúuwe.