Saaŋ 15:19 - Kwatay (Kuwaataay)

¹⁹ Arko yéeni aruun bakate t'etaam ye, n'iŋi kámaŋiuun, ábuki n'aŋ'áriyemi k'afeeneŋ ku. Bare aruun bákateiit t'etaam ye, ábuki ijifanuunjifan, abe n'íkajinuun; aŋkut árihin nu boko t'afeeneŋ. Iŋ'ite ho h'ésuk i ehuufuun fu.

Saaŋ 15:19 ပူးပေါင်းရင်းမြစ်များ

Saaŋ 15:16

Áruuniit arijifanam fu, bare íñje ijifanuun fu, abe n'iboñuun kaanuku ariija aribuk miriyaay, miriyaay mite bifiyo. Af'árihin bo, Faaf u kawunuuun doon fe d'ariyako kalawu tu huruwu húuma.

1 Saaŋ 3:12

Úwarut káyemi naane Kayin eeyoole u at'o. Akina an ite Setani. Kame iŋi naŋ n'ayoolo fu? Aŋarkeyi naane buroon bamb'áhin bijakut, abe bare bite b'at'o bijakajak.

Hirim Heetoofe hu hi Luk akiñje hu 6:32

«Af'árimaŋi bakan kéemaŋiuun ku barebare, aŋ'ariyinoor ti kikawuun n'ariene Atambatun kasiibanuun? Humuum hite ehoofoora i iŋi kámaŋi bakan kéemaŋiiin ku!

1 Piyeer 4:3

Múniyo kóŋkeyin arifiyafiyo aa ti káhinu kite buroon bi kéeyilenut ku bimbi kámaŋi káhinu. Árikinaanakinaani tu huŋotu hu ni bakan k'ariseñeit ku, nu wúfaŋi weejakut wu, n'éwusan i, ni kahahan ku tu buñoofo nu tu búhujo bu, nu wuwaasen wute ñájiim ñu, abe bonde búfuñinanafuñinani.

Kafeeñal ku 12:17

Éjufuur i n'eyiŋat t'anaare u dómbokun, abe n'eja yeetiik bakañio keeŋeñene ku. Boko kaamo fu kéejeŋgine ku buluwa bite Atambatun, abe ni kajok yooŋ tu múniyo mi Yesu áwufoore mu.

Kafeeñal ku 12:9

Éjufuur yómbokun i n'éfiitenee tíyaŋ. Yo yeemo fu doon dúbuunaay dihaan du, dundu dubuut ésuk i kareyi fe. Do difi kaane Batuuk bu man yooŋ Setani. Ni dífiitenee t'etaam i, do n'emalaka yite te do.

Májiye 10:22

Ésuk i fe kahuufuuun uŋu húuma hu. Bare an eeja u kajoku alit tip bija tu hunak hiraanu hu, Atambatun kafakano.

Májiye 24:9

«Bakan kajokuuun, keeja kéehihinooruun, abe ni kayooluun. Ésuk i fe kahuufuuun uŋu húuma hu.

Saaŋ 6:70

Yesu n'aaniin: —Íñjeiit ijifanuun fu, aruun sumoŋu ni bákasuba ku? Bare ake t'aruun an ite Setani!

Saaŋ 13:18

«Árireyiiit k'isoke fu, ábuki ímoomi naane k'ijifane ku kaamo i ariike. Bare beesokee bu ti *Míkiñjin mu buwarawar kabaju. Meenaan: “An i iriñoofee u t'afeeneŋ ásokumam.”

Saak 4:4

Aruun fu bakan kéejubut! Árimeyiit kaanuku kámaŋi aduna i aamo fu kahuufu Atambatun? An af'ámaŋi kábuki n'aduna i, áhinooraa anatoora ite Atambatun.