Saaŋ 15:1 - Kwatay (Kuwaataay)

¹ Yesu n'asooñ aane: —Íñj'eemo fu nunukanuk nite nu nu múniyo nunnu nubuk *kireseŋ ku, abe Faafam af'atofotoor no.

Saaŋ 15:1 ပူးပေါင်းရင်းမြစ်များ

Májiye 15:13

N'aaniin: —Nunukanuk fe ni Faafam eeemo u t'etiir anawut karondiee.

Májiye 20:1

—Iye i *Jáyi jite Atambatun jeemo fu. Ake ániine abajabaj etool ite *kireseŋ. N'aja nu bújom bu bib hiŋes eroka.

Májiye 21:33

Yesu n'asooñ aane: —Arisooñ arijam ti beekolofanee bonde: abajeebaj. Ake ániine abine áhin etool ite *kireseŋ. N'asiis yo, abe n'awak kaayeen t'elaaliñj yómbokun kaanuku iŋi kabin katuusan toko kireseŋ ku. N'arok yooŋ ásukut bija tu bujukar bu. Ahaban, n'aŋes eroka anaŋ toko kaanuku iŋi kabin káruboor ne o, abe n'aja kátuki.

Mark 12:1

Hunuut toko, Yesu n'asooñ áhamin n'eseef ite Esuwif i akolofan. N'aaniin: —Abajeebaj. Ake ániine abine áhin etool ite *kireseŋ. N'asiis yo, abe n'awak kaayeen t'elaaliñj yómbokun kaanuku iŋi kabin katuusan toko kireseŋ ku. N'arok yooŋ ásukut bija tu bujukar bu. Ahaban, n'aŋes eroka anaŋ toko kaanuku iŋi kabin káruboor ne o, abe n'aja kátuki.

Hirim Heetoofe hu hi Luk akiñje hu 13:6

Yesu n'asooñ asokiin beekolofanee bonde: —*Nífigiye númoomi t'etool ite ake ániine. N'aŋ'aja kaanuku éehinin ti miriyaay mu, bare ájukaariit toko doon fe.

Saaŋ 1:17

Tu *Moyis t'Atambatun aŋaase fu eesaan úne Eluwa i, bare kajaku koone nu múniyo mu, bondu fe ti Yesu *Kiris ti bíŋaasina fu.

Saaŋ 1:9

Meejaaŋe mondu míyemie fu mite mu nu múniyo, mo meebine mu t'etaam ye kajaaŋan kúŋgowulan ku fe.

Saaŋ 15:2

Biland búuma béebukaariit bu, aŋ'afiit bo, abe bumbu bubuk, n'aŋ'abend bo kaanuku beehaŋ kabuku.

Saaŋ 6:32

Yesu n'aaniin: —Iisokuun bifeeneŋ bu: Móyisiit awunuun fu kumburu kéenuutina ku t'etiir. Faafam af'awunuun humburu hite nu múniyo hite hu t'etiir.

Saaŋ 6:55

Ábuki eni íima nu múniyo yite kateŋu; halan húuma yooŋ nu múniyo hite búhujo.

Eleetar i yi Pool akiñje i bakate ku Rom 11:17

Bakate ku *Israyel kámoomi naane *núolifiye neenawee, abe bike biland ni bifiitee. Aruun keenooto ku Esuwif n'áriyemi naane biland bite nike neenoŋke néelooñin, abe ni bísikee beesukenee ti baabu bifiitee du. Hahiyu halan huhu húnuutin ti kíjiŋ kite nunukanuk nondu neenawee nu ufu huwunuun sembe.

1 Saaŋ 2:8

Bare eluwa yende y'ikiñjuun yee éyeni yooŋ. Múniyo mite te yo mujukeejuk ti *Kiris, ni t'aruun yooŋ, ábuki ébaani yendu ti bija bútowuto, abe meejaaŋe mite mu nu múniyo miheeka méeŋaasin.