Saaŋ 14:6 - Kwatay (Kuwaataay)

⁶ Yesu n'aano: —Íñj'eemo fu bítim bu, nu múniyo mu, nu buroŋ bu. An ayinaat bija ti Faaf u t'aŋaasut t'íñje.

Saaŋ 14:6 ပူးပေါင်းရင်းမြစ်များ

Májiye 11:27

Abe n'aane kéeyemie ku toko: —Faafam anaŋanaŋ buroon bu fe tu sumoŋiam. An ámeyiit íñj'eemo fu aañ, íñje eeemo u Añi u, bare Faaf u ámoomi. An yooŋ ámeyiit Faaf u aamo fu aañ, bare ímoomi, íñje Añi u; abe k'ijifane ku yooŋ kaanuku íiwufooriino kámoomi.

Saaŋ 1:14

Hirim hu ni hibin híyemi húŋgowulan, abe ni hikin n'uni. Hijakajak t'ésuk i híhabanein, abe nu huhooj bib nu múniyo mu. Irijukajuk kániku k'Atambatun Faaf u aa awun Añio afeeneŋ u.

Saaŋ 1:17

Tu *Moyis t'Atambatun aŋaase fu eesaan úne Eluwa i, bare kajaku koone nu múniyo mu, bondu fe ti Yesu *Kiris ti bíŋaasina fu.

Saaŋ 1:4

Buroŋ bu búmoomi te ho, abe buroŋ bu iŋi bíhin ésuk i kéeyemi ti meejaaŋe mu.

Saaŋ 10:28

Iŋ'iwun kiŋki kasaam ti hiñaawu buroŋ béehabanaariit bu; iti kaket hikee, abe an at'aramiin t'emoŋiam.

Saaŋ 10:7

Yesu n'asooñ aane: —Iisokuun bifeeneŋ bu: íñj'eemo fu karuŋ kite ékus ite síkarniina su.

Saaŋ 10:9

Íñj'eemo fu karuŋ ku. An eeŋaase u t'íñje, o kafaku. Áyinooni buyooso abe n'ánuutin, abe akina kabaju eehoofooro.

Saaŋ 14:19

Aroŋee diŋgilis bakate ku t'etaam ye it'iŋki kajukam. Bare aruun, aruun kajukiam, ábuki íñje karoŋu, abe aruun yooŋ karoŋu.

Saaŋ 15:1

Yesu n'asooñ aane: —Íñj'eemo fu nunukanuk nite nu nu múniyo nunnu nubuk *kireseŋ ku, abe Faafam af'atofotoor no.

Saaŋ 18:37

Náami Pilat eeeno: —Kame fu me awe áyi? Yesu n'aano: —A̱soka bo, íñje áyi. Béekinineŋe bu n'ibukee iibin t'etaam ye bonde: kaanuku iisok ésuk i bifeeneŋ bu. An eeemo an ite bifeeneŋ aŋ'ajamatan bimb'isok.

Saaŋ 5:21

Ábuki naane Faaf u aa aritan keekete ku, eesooñ eewuniin buroŋ, iyu yooŋ i Añi u af'awun buroŋ bu an a ámaŋie u.

Saaŋ 6:33

Ábuki humburu hite Atambatun heemo fu an éenuutina u t'etiir, abe n'aŋ'awun ésuk i buroŋ bu.

Saaŋ 6:51

Íñj'eemo fu humburu huhu huwun buroŋ bu, héewaneina hu t'etiir. An eeteŋe u te ho, buroŋ boone iti bihabano. Humburu h'ija hu kawunu heemo fu eniam. Íñje kawunu ho kaanuku ésuk i keeroŋ.

Saaŋ 6:57

Faaf u éeboñinam u ondu buroŋ. Naane áhinam ee iiroŋ, an yooŋ eeteŋe eniam, íñje káhinio eeroŋ.

Saaŋ 6:68

Simoŋ Piyeer n'aano: —Anahaan u, kame iriija yooŋ t'aañ? Awe a̱baje fu kirim ku kuŋku kuwun buroŋ béehabanaariit bu.

Saaŋ 8:32

n'aŋ'árimeyi múniyo mu, abe múniyo mondu n'uŋu munuutanuun tu húsukateenaate hu.

Saaŋ 8:51

Iisokuun bifeeneŋ bu: an af'ajok hirim húuma, at'aket hikee.

Epotor i 3:15

Iyu a ariyoole fii ate buroŋ bu. Bare Atambatun aritanoritan t'eket i, abe írinooni bo biseede.

Epotor i 4:12

Akina unoono taŋ áyiniuun fu kafakan, ábuki t'etaam ye fe Atambatun awunut úne, úne kúŋgowulan ku huruwu hite ake huway heeyino kafakan úne.

Epotor i 9:2

eelawo eesaano bileetar bija t'eseef ite *ñáalawum ñite Damas, kaanuku af'ajuk toko háyine man yooŋ haare keejoke ti Bítim bite Anahaan u, n'ajokiin eeja nu boko Serusalem.

Eleetar i yi Pool akiñje i bakate ku Rom 15:16

íiyemi aroka ite Yesu *Kiris bija ti keenooto ku Esuwif. Burok b'eemo bee te bo bite kawaare kite Hirim Heetoofe hu búmoomi naane bite *asaraha, kaanuku man keenooto ku Esuwif ni káyini káyemi kaasarah keetoofe Atambatun, ku Búwejet Beenabe bu bíkajine bija te o.

Eleetar i yi Pool akiñje i bakate ku Rom 5:2

Akina áfeŋgine fu úne bítim bu, kaanuku núumeyi kajaku k'Atambatun kaŋk'áwufoor úne aŋarkeyi naane úyilenayilen. Hahiye úsiiŋaa ti kajaku kondu jirib. Abe béekinineŋe bu kikaw úne n'uŋu kutoof beemo fu eyakar y'úbaje i yite kamaatu ku ti kániku kite Atambatun.

Eleetar i yi Pool akiñje i bakate ku Rom 5:21

Náami naane kaahoofoor ku kíbajaanie i sembe kiyak uŋu kuyool, kajaku k'Atambatun kaŋk'áwufoor kibaja yooŋ sembe site káhinu ésuk i kéejub te o. Iŋ'ite ho h'úyinie fu kaŋaasu t'Anahaan ite úne Yesu Kiris núubaj buroŋ béehabanaariit bu.

1 Korent 15:45

Múniyo *Míkiñjin mu meenaan: «*Adam álokow átiyar u n'áyemi húŋgowulan heeroŋe.» Adam araan u n'áyemi búwejet bumbu buwun buroŋ bu.

Efees 2:18

Ti Kiris t'úyino fu kaŋaasu úreyi fe, Esuwif i ni keenooto ku Esuwif, núusiiŋo hágila Faaf u ti sembe site Búwejet bifeeneŋ Beenabe bu.

Kolos 2:17

Diyu fe bísamunan bite buroon beefiye bu buwar bibin. Bare múniyo mu fe ti Kiris ti meemo fu.

Kolos 2:9

Ábuki naane Atambatun aamo i abin ahaban fe, akina yooŋ iyu a aamo fu.

Kolos 3:4

Kiris aamo fu buroŋ boonuun nu múniyo. Af'abin áŋaasin, n'aŋ'áriŋaasin yooŋ ne o ti kániku koone.

Esuwif i 7:25

Iŋ'ite ho h'áyinie fu kafakan akuur but bakan ku kiŋki kaŋaas te o keeloh Atambatun, ábuki ondu tu buroŋ hiraanu kaanuku aŋ'abin alaw Atambatun bija tu boko.

Esuwif i 9:8

Náami Búwejet Beenabe bu búwufoorawufoor diyu kaanuku makamu atant u aroŋa n'asiiŋo, bítim bite buyooso bu t'Anabe-nabe du bífeŋginoorutee.

1 Piyeer 1:21

Te o t'af'ariŋaas áriiyilen t'Atambatun éeritanno u t'eket i, abe n'áhino éenik. Iyu a ariyite fu káyilen koonuun, n'eyakar yeenuun fe arinaŋ t'Atambatun.

1 Piyeer 2:4

Áritofin ariiloh Anahaan u, eeemo u ejuju yeeroŋe i. Kúŋgowulan ku káfiitenafiiten yo, bare Atambatun n'ajifan yo, ábuki te o ebajabaj éñjeriŋ.

1 Piyeer 3:18

Múniyo Kiris humuumo aketaket hifeeneŋ, abe hiraanu, bija tu wuhoofoor wute kúŋgowulan ku. Akina eeemo u an eejake n'aket bija t'énafuta, kaanuku éehinuun ariibukan n'Atambatun. Enio yi kayoole fu, bare n'ábatikannee buroŋ tu Búwejet Beenabe bu.

1 Saaŋ 1:8

Uf'úene úbajut mayet kaahoofoor, úbuuta kikaw úne, abe múniyo mu munooto t'úne.

1 Saaŋ 2:23

Abe an eeteñekee Añi u, ámeyiit yooŋ Faaf u. An éesiiŋooreina n'Añi u, ámoomi yooŋ Faaf u.

1 Saaŋ 5:20

Úmoomi kaanuku Añi ite Atambatun abinabin, abe n'awun úne búwesinato kaanuku núumeyi Atambatun ite u nu múniyo. T'Añio Yesu *Kiris t'úhine fu t'afeeneŋ n'Atambatun ite u nu múniyo. Añi u aamo fu Atambatun ite u nu múniyo, akina aamo fu yooŋ buroŋ béehabanaariit bu.

1 Saaŋ 5:6

Yesu *Kiris aamo fu an éeŋaasina u t'etaam i: n'ayooso tu móhujo ti kaboste koone, n'áyuus yooŋ halan hoone ti kaketu ku. Tu móhujoiit barebare t'áŋaasina fu, bare áŋaasinoŋaasin tu móhujo, ni ti halan yooŋ. Abe Búwejet Beenabe bu iŋi biseede kaanuku bondu bite nu múniyo, ábuki Búwejet bu beemo fu múniyo mu.

2 Saaŋ 1:9

An fe eejokut ti bi Kiris aliikene bu úne, abe n'aŋ'atofanan bo, an ondu anooto n'Atambatun. An eejoke ti bi Yesu Kiris aliikene bu úne, an ondu ondu ni Faaf u, ondu yooŋ n'Añi u.

Kafeeñal ku 1:5

Yesu *Kiris yooŋ, aseede éejube u aja ásoniyanuun, abe n'awunuun káasuumaay, akina eeemo u átiyar u dók ti karitanee t'eket i, akina eeemo u áyi ite bákayi ku t'etaam i. Kiris ámaŋamaŋi úne, abe n'aram úne tu wuhoofoor wu ni halan hoone héeyuusee hu.

Kafeeñal ku 19:11

Hunuut toko, n'ijuk bufor béefeŋginee, abe efaliñj yeefañje n'éŋaasin. An eerabee u te yo huruwu hoone Éejube u, huruwu hoone yooŋ Múniyo mu. Aŋ'ajoonan, abe n'átuum ajoŋooree.

Kafeeñal ku 20:15

An fe eeemo huruwu hoone hikiñjutee ti kaawiit kite buroŋ bu, n'áfiitenee ti han hite sineemak su.

Kafeeñal ku 22:1

Hunuut toko, amalaka u n'áwufooram kaayelu kite móhujo mite buroŋ bu, kéenuutina ku t'eriikeey ite híyiaate hu yite i Atambatun n'Ametek u, abe ni kijaaŋ wililil naane eweer.

Kafeeñal ku 22:17

Búwejet Beenabe bu n'anaare ite Ametek u ni kaano: «A̱bin!» An yooŋ eejame bonde aja aano: «A̱bin!» An i nukuno nisaye abin. An éemaŋie búhujo tu móhujo mite buroŋ bu aja áhujo te mo fuufu.

Kafeeñal ku 3:14

—A̱kiñj amalaka ite bakate ku Lawodise *kéeyilene ku a̱ano: «An u ii kaane Amiin, aseede éejube u ite u nu múniyo, a Atambatun aŋaase u te o éewuwan doon areyi fe aane:

Kafeeñal ku 3:7

—A̱kiñj amalaka ite bakate ku Filadelfi *kéeyilene ku a̱ano: «An eenabe u, eeemo u an ite bifeeneŋ, éeyekie u ejaab ite áyi u *Dafit, akina aa áfeŋgin abe an at'áyini kafeŋku, n'afeŋk abe an at'áyini káfeŋgin aane: