4 T'ija du, árimoomi bítim bu.
Kame *Afakana u awarut kajuku sílaam sondu, abe n'ayooso t'etiir t'ánikanee du?
Íñj'eemo fu karuŋ ku. An eeŋaase u t'íñje, o kafaku. Áyinooni buyooso abe n'ánuutin, abe akina kabaju eehoofooro.
An af'ámaŋi karoku bija t'íñje, áseinam ti hiñaawu. Af'áhin ii, t'ija du káyemi, aroka úuma n'aŋ'áyemi yooŋ toko. An af'arok bija t'íñje, Faafam kasokorooro.
Yesu ámoomi kaanuku akina humuumo t'Atambatun t'ánuutina fu, te o yooŋ t'abatuko fu. Ámoomi yooŋ kaanuku Faaf u ásikasik dóonodoon fe anaŋo tu sumoŋu.
Báakinum bondu t'enuuf ite Faafam biheek. Arko yéeni nu múniyoiit, man isokuun bo. Bare iija ifareuun toko t'ariware du kakinu.
Arijamajam naane eenuun i: “Iija, bare íñje kásooñina t'aruun.” Af'árimaŋiam, n'uŋu hutoofuun dómbokun naane ija i ti Faaf u, ábuki Faaf u ahaŋamhaŋ.
If'ifareuun t'ariware du kakinu ihaban, n'iŋ'ísooñin boonuun núuriboor, man n'áriyemi t'ija du káyemi.
Taamas n'aano: —Anahaan u, írimeyiit t'a̱ja du. Buŋ b'iriyino fu kámeyi bítim bu?
Ínuutinonuutin ti Faaf u, abe n'ibin t'etaam ye. Hahiye iinuut t'etaam ye, abe n'ibatuko ti Faaf u.
An éeyilene u t'Añi u abaja buroŋ béehabanaariit bu; an éeyilenut u t'Añi u at'ajuk buroŋ bondu, bare Atambatun akufokufo awasan.
Hee, bonde butoofe fu Faafam: an fe eejuke Añi u abe n'áyilen te o, n'abaj buroŋ béehabanaariit bu, abe íñje karitano t'eket i tu hunak hiraanu hu.
