Saaŋ 14:13 - Kwatay (Kuwaataay)

¹³ Abe doon d'arilawe fe tu huruwu húuma, íñje káhinu do, man íñje eeemo u Añi u n'íwufoor ésuk i naane Faaf u ánike i.

Saaŋ 14:13 ပူးပေါင်းရင်းမြစ်များ

Májiye 21:22

Af'áriyilen t'Atambatun, doon d'arilawe fe, aruun kawuniee do.

Májiye 7:7

—Arilaw, n'aŋ'ariwunee; ariŋes, n'aŋ'aribaj; arikoŋkoŋan, n'aŋ'árifeŋginee.

Mark 11:24

Iŋ'ite ho h'eenuun fu: af'áriyemi ti kalawu Atambatun dike doon, áriyilen kaanuku aribaja do kep, n'aŋ'ariwunee do.

Hirim Heetoofe hu hi Luk akiñje hu 11:9

Eenuun i: arilaw, n'aŋ'ariwunee; ariŋes, n'aŋ'aribaj; arikoŋkoŋan, n'aŋ'árifeŋginee.

Saaŋ 10:30

Íñje ni Faaf u, uni k'afeeneŋ ku.

Saaŋ 12:44

Yesu n'áhamin t'etiir aane: —An éeyilene u t'íñje, t'íñjeiit barebare t'áyilene fu, bare áyilena yooŋ t'an éeboñinam u.

Saaŋ 13:31

Hi Suda anuute hu, Yesu n'aane: —Hahiyu *Añi ute Húŋgowulan hu ánikanee, abe o yooŋ káwufoor ésuk i naane Atambatun ánike i.

Saaŋ 14:14

Doon fe d'ariyino kalawu tu huruwu húuma, íñje káhinu do.

Saaŋ 14:6

Yesu n'aano: —Íñj'eemo fu bítim bu, nu múniyo mu, nu buroŋ bu. An ayinaat bija ti Faaf u t'aŋaasut t'íñje.

Saaŋ 15:16

Áruuniit arijifanam fu, bare íñje ijifanuun fu, abe n'iboñuun kaanuku ariija aribuk miriyaay, miriyaay mite bifiyo. Af'árihin bo, Faaf u kawunuuun doon fe d'ariyako kalawu tu huruwu húuma.

Saaŋ 15:7

Bare af'arijok t'íñje, abe n'arijok ti kirim kúuma, doon fe d'ariyak kalawu, aruun kabaju do.

Saaŋ 16:23

«Hunak hondu ifi hireeŋ, ariroŋutam kákandijen doon fe. Iisokuun bifeeneŋ bu: doon fe d'ariyak kalawu Faaf u tu huruwu húuma, o kawunuuun do.

Saaŋ 16:26

Hunak hondu, aruun kalawu Faaf u buroon tu huruwu húuma. Eenutuun íñje kalawio bija t'aruun,

Saaŋ 16:7

Bifeeneŋ bare b'isokuun fu: ahaŋ kajaku bija t'aruun n'ija, ábuki ifit'ija, Áyokunana u man abin t'aruun. Bare if'ija, n'iŋ'íboñinuuno.

Saaŋ 4:10

Yesu n'aano: —Kane á̱meyi yéeni b'Atambatun bamb'awun, n'aañ yooŋ af'aani iye a̱wuno éehujo, humuumi a̱ja fu kaanio awuni á̱ahujo, abe n'aŋ'awuni móhujo mummu muwun buroŋ bu.

Saaŋ 4:14

Bare an eeyak u búhujo tu móhujo m'ija mu kawunio, búhujo buroŋuto kajoku hikee. Ábuki móhujo m'ija mu kawunio káyemi t'enio naane káabulanu tu móhujo miyak kábulu, abe ni míhino eebaj buroŋ béehabanaariit bu.

Saaŋ 5:19

Yesu n'asooñ aaniin: —Iisokuun bifeeneŋ bu: Añi u ayinaat bunoŋkooro éehin doon; aŋ'áhin doon d'ajuke du Faaf u ti káhinu barebare. Buroon bi Faaf u bamb'áhin bireyi fe, Añi u yooŋ aŋ'áhin bo.

Saaŋ 7:37

Hunak hiraanu hu hite efeet i heemo fu yooŋ hómbokun hu. Yesu n'asiiŋo t'etut ésuk i abe n'áhamin t'etiir aane: —An i nukuno nisaye, abin t'íñje éehujo.

1 Korent 14:13

Iŋ'ite ho aamo fu an aa áhamin ti kíhaminiin kuway, awarawar kalawu Atambatun eewuno aŋ'abin áhandin bo ti kike k'ésuk i ejame.

Efees 2:18

Ti Kiris t'úyino fu kaŋaasu úreyi fe, Esuwif i ni keenooto ku Esuwif, núusiiŋo hágila Faaf u ti sembe site Búwejet bifeeneŋ Beenabe bu.

Efees 3:12

Naane úhine i t'afeeneŋ ni Kiris, abe n'úyilen yooŋ te o, úbaja bítim bite bisiiŋo hágila Atambatun n'eyakar, kikaw úne káayaŋgin.

Efees 3:14

Iŋ'ite ho h'if'íyemi ti kalawu bija t'aruun, iŋ'íjiŋgitan hágila Atambatun Faaf u,

Fílip 4:13

Íyinooni káhinu bondu fe aŋarkeyi naane *Kiris aŋ'awunam sembe.

Kolos 3:17

Abe doon fe d'ariemo ti káhinu, man yooŋ ti kasoku, árihin do tu huruwu hite Anahaan u Yesu, abe n'ariene yooŋ Atambatun Faaf u eyeehen uŋu hoone hu.

Esuwif i 13:15

Ko kireyi fe, úhin kaasarah kite kasokoroor Atambatun úŋaasann ko ti Yesu Kiris; aamo fu úsokoroor huruwu hite Atambatun.

Esuwif i 4:15

Asaraha ómbokun u úbaje u, káanukiiit man butumo bunooto ti sílaam site s'úne. Aŋeseeŋes kañakiee ti kaahoofoor kánokan naane úne, bare ahoofoorut mayet.

Esuwif i 7:25

Iŋ'ite ho h'áyinie fu kafakan akuur but bakan ku kiŋki kaŋaas te o keeloh Atambatun, ábuki ondu tu buroŋ hiraanu kaanuku aŋ'abin alaw Atambatun bija tu boko.

Saak 1:5

Bare ake t'aruun afut'áwesinato areeŋ, alaw bo Atambatun, abe Atambatun kawunio bo. Ábuki Atambatun aŋ'awun ésuk i ereyi fe n'ehol yeekuure, abe áwatanaariit an.

Saak 5:16

Náami arisokoor wuhoofoor woonuun, abe n'aŋ'arilaw bija ti bakanuun man n'árikoyi. Kalawu kite an éejube kibajabaj sembe, abe kúnooni káhinu buroon bómbokun.

1 Piyeer 2:5

Áritofin man aruun yooŋ n'ariyitee naane bujuju beeroŋe, bija tu kunut kite enuuf ite Búwejet Beenabe bu. Aruun káyemi toko eja yite *esaraha keenabe, aŋ'aribin arisarah naane Búwejet bu busokuun i, abe Atambatun n'aŋ'asa wo iŋ'ite hu Yesu *Kiris.

1 Saaŋ 3:22

Aŋ'awun úne doon fe d'úlawo, ábuki uŋ'újeŋgin suluwa soone, abe beetoofo bu b'uf'úhin.

1 Saaŋ 5:14

Bonde bíkinineŋe fu kikaw úne ni kiyaŋg t'Atambatun: úmoomi kaanuku uf'úlawo dike doon deeriibe ni kámaŋi koone, o kajamatan úne.