Saaŋ 14:11 - Kwatay (Kuwaataay)

¹¹ Áriyilen naane eenuun i íñj'endu ti Faaf u, abe Faaf u yooŋ ondu t'íñje. Arko yooŋ áriyilenut báhamin búuma, áriyilen kame uŋu buroon bimb'íhin.

Saaŋ 14:11 ပူးပေါင်းရင်းမြစ်များ

Saaŋ 10:25

Yesu n'aaniin: —Isokuunsok bo, bare áriyilenut. Buroon bimb'íhin tu huruwu hite Faafam búwufoorawufoor íñj'eemo fu aañ.

Saaŋ 10:32

Yesu n'aaniin: —Íhinahin tu buhooŋuuun buroon úkaan beejake ti sembe site Faaf u. Ti biin t'arisiiŋee fu h'árimaŋie hee kámiñiam nu bujuju iket?

Saaŋ 10:38

Bare if'íhin bo, arko yooŋ at'áriyilen t'íñje, áriyilen kame te bo man n'árimeyi akuur but kaanuku Faaf u ondu t'íñje, íñje yooŋ n'íyemi te o.

Saaŋ 14:10

Kame á̱yilenut kaanuku íñj'endu ti Faaf u, abe Faaf u yooŋ ondu t'íñje? Kirim ku kiŋk'isokuun fe kúuma kíiit, bare Faaf eeemo u t'íñje af'anoŋk éehin burok boone.

Saaŋ 14:20

Hunak hondu ifi hireeŋ, n'aŋ'árimeyi kaanuku íñj'endu ti Faafam, aruun bokondu t'íñje, íñj'endu yooŋ t'aruun.

Saaŋ 5:36

Abe abajeebaj bike beeseedaam beehaŋe bite bu Saaŋ: bo beemo fu burok bi Faaf u asaanam bu kaanuku íihin. Iŋ'íhin bo, abe búwufoorawufoor akuur but kaanuku Faaf u áboñinam fu.

Epotor i 2:22

«Aruun bakate ku *Israyel, arijamatan jak b'ija bee kasokuuun: Yesu ite u *Nasaret, akina an árimeyie kaanuku Atambatun ámoomi ne o, ábuki awunowun éehin tu buhooŋuuun buroon beejahaluun ni beehaŋuun kikaw, naane árimeyie i bo aruun kumuumuun.

Esuwif i 2:4

Atambatun n'alitan yooŋ báhamin booniin ti káhinu buroon bánoban beehaŋe ésuk i kikaw, abe n'áhin ésuk i keebaj huruw fe doon du Búwejet Beenabe bu dundu buwun naane hutoofo i.