Saaŋ 13:34 - Kwatay (Kuwaataay)

³⁴ Iisaanuun eluwa éyeni: árimaŋioori. Naane ímaŋiuun i, iyu yooŋ a ariware fu kámaŋioori.

Saaŋ 13:34 ပူးပေါင်းရင်းမြစ်များ

Májiye 5:44

Íñje bare eenuun: árimaŋi enatoora yeenuun, abe n'arilaw bija ti kiŋki káhihinooruun.

Saaŋ 15:17

Náami b'eemo bu ti kasoku koonuun beemo fu árimaŋioori.»

Saaŋ 17:21

Faafa, íñj'endu ti kalawu kaanuku man kareyi fe ni káyemi afeeneŋ, naane a̱amo i t'íñje, n'íyemi yooŋ t'awe; kéeyemi tu wane afeeneŋ, man bakate ku t'etaam i ni káyilen kaanuku awe á̱boñinam fu.

Eleetar i yi Pool akiñje i bakate ku Rom 12:10

Árimaŋioori naane bakati. Árihabanein ti kájeŋgin kite bakaaku.

Eleetar i yi Pool akiñje i bakate ku Rom 13:10

An af'ámaŋi áwiyo húŋgowulan, áhinuto meejakut. Náami an af'ámaŋi áwiyo húŋgowulan, an ondu ájeŋginajeŋgin Eluwa i áhabanein.

Eleetar i yi Pool akiñje i bakate ku Rom 13:8

Atum'áriyekioori doon fe, kane arko taŋ kámaŋioori ku. An af'ámaŋi bakaaku, ájeŋginajeŋgin *Eluwa yite Moyis áhabanein.

Galasi 5:22

Bare doon du Búwejet Beenabe bu dundu dubuk tu buroŋ bite b'úne deemo fu: kámaŋioori ku, ni katoofu ku, ni káasuumaay ku, ni kámuñu ku, ni kajaku ku, ni káyokunan kite bakaaku, ni káyemi an ite bifeeneŋ,

Galasi 5:6

Ábuki uf'úhin t'afeeneŋ ni Yesu Kiris, kateyi karam man yooŋ kateyaate karam, bondu fe bibajut éñjeriŋ. Beebaje bu éñjeriŋ beemo fu káyilen ku kiŋki kíhin úne núumaŋioori.

Galasi 6:10

Náami kóyin k'úbaje bítim kep, úhin meejake bija t'ésuk i ereyi fe, áhaŋum ti *kéeyilene ku naane úne.

Galasi 6:2

Áriyokunanoor ti bisejo bite meeniŋe moonuun. Af'árihin iyu, n'aŋ'árijeŋgin eluwa yite *Kiris.

Efees 5:2

Árimaŋioori ko kireyi fe tu buroŋ boonuun naane *Kiris ámaŋie i úne. Ámaŋamaŋi úne, abe n'ásik buroŋ boone eesaan bo bija t'úne naane *kaasarah keehunde-hund t'Atambatun.

Kolos 1:4

Iŋ'irieno eyeehen ábuki irijamajam kaanuku áriyilenayilen ti Yesu Kiris, abe n'árimaŋi yooŋ bakan ku fe k'Atambatun akino ku.

1 Tesalonik 3:12

Anahaan u áhin ariihaŋ kámaŋioori, abe n'arihaŋ yooŋ kámaŋi ésuk i fe; árimaŋi bakaaku naane írimaŋiuun i.

2 Tesalonik 1:3

Kújakuwe, iriwarawar kaanu Atambatun ko kireyi fe eyeehen uŋu hoonuun hu. Abe ajakeejak naane ii írihin iyu, ábuki káyilen koonuun kihaŋa bija hágila, abe kámaŋioori k'árimaŋioorie ku kondu ti kahaŋu kayanu.

Esuwif i 13:1

Árimaŋioori ko kireyi fe naane baatiaay, aruun bakan kite Atambatun.

Saak 2:8

*Míkiñjin mu meenaan: «A̱warawar kámaŋi áwiyi húŋgowulan naane á̱maŋie i hikawi.» Diyu eluwa yéenuutina t'Atambatun áyi u. Af'árihin nu múniyo naane esoke i, árihinahin ajakee.

1 Piyeer 1:22

Arikuuranoorakuuranooro aŋarkeyi naane árijeŋginajeŋgin múniyo mu. Iŋ'ite ho h'árimaŋie fu bakatuuun *kéeyilene ku. Náami árimaŋioori dómbokun siheluun síhabanein.

2 Piyeer 1:7

ti káhinu ku naane Atambatun ámaŋie i n'áriwutiyen toko kajokoor baatiaay; ti kajokoor ku baatiaay n'áriwutiyen toko kámaŋioori.

1 Saaŋ 3:11

Múniyo, hirim honde h'arijame fu huta hu ti kájabina ku: úmaŋioori.

1 Saaŋ 3:23

Eluwa yende y'asaane i úne: aane úyilen tu huruwu hite Añio Yesu Kiris, abe yooŋ n'úmaŋioori naane asoke i úne.

1 Saaŋ 4:21

Náami eluwa yende yi Kiris asaane i úne: an éemaŋie Atambatun awarawar yooŋ kámaŋi at'o.

2 Saaŋ 1:5

Abe hahiyu, bonde b'ilaw fu n'awe, awe Anaare u: úmaŋioori. Éluwaiit éyeni y'ikiñji fee. Eluwa yende úsaaneesaan yo huta hu ti kájabina ku.