Saaŋ 13:1 - Kwatay (Kuwaataay)

¹ H'aamo hu memee *efeet ite Kánuutina ku Esipt n'eŋ'eyooso, Yesu n'ámeyi kaanuku ewahatu yeene yite kanuutu ku t'etaam ye eeja t'etiir ti Faaf u ereeŋa. Afiyafiya ámaŋi bakan koone keeemo ku t'etaam i, abe n'ámaŋiiin bija yooŋ tu hunak hiraanu hu.

Saaŋ 13:1 ပူးပေါင်းရင်းမြစ်များ

Májiye 26:45

Ahaban, n'ábatikein t'eriboora yeene abe n'aaniin: —Kame ariroŋa t'ariŋote ti kayihu kep? Ewahatu i ereeŋa! Arijuk, *Añi ute Húŋgowulan hu kásikiee asaanee ehoofoora i.

Májiye 28:20

abe n'ariliikeniin kéehin buroon b'isokuun bu fe. Abe n'árimeyi bonde: íñje káyemi n'aruun ko kireyi fe, ayak abin áami yooŋ etaam i emoosena.

Hirim Heetoofe hu hi Luk akiñje hu 22:53

Húnakonak fe úne uf'úyemi t'Enuuf ite Atambatun, abe arijokutam. Bare ewahatu yende yeenuun i kaanuku ariinij naane árimaŋie i, aruun ni sembe site ébaani i.

Hirim Heetoofe hu hi Luk akiñje hu 9:51

H'aamo hu hunak h'Atambatun aware hu kayitu Yesu t'etiir bufor bu hulohena, Yesu n'áhabanein aane eeja Serusalem.

Saaŋ 11:55

H'aamo hu *efeet ite Esuwif i yite Kánuutina ku Esipt elohena, bakan keehooje n'iŋi kánuutin ti kaaku kikinu keeja Serusalem kaanuku *keekuuran siniiin bala efeet i eyooso.

Saaŋ 12:23

Yesu n'aaniin: —Ewahatu i *y'Añi ute Húŋgowulan hu aja i kayitiee t'etiir bufor bu éenikanee ereeŋa.

Saaŋ 13:29

Makamu Suda af'anaŋ sírirem sooniin, bakaake tu boko n'iŋi kaane man Yesu ámaŋio kaanu aja ájoohenn buroon bi kasawulee bu bija t'efeet i, man yooŋ n'aja asarah keebajut ku.)

Saaŋ 13:3

Yesu ámoomi kaanuku akina humuumo t'Atambatun t'ánuutina fu, te o yooŋ t'abatuko fu. Ámoomi yooŋ kaanuku Faaf u ásikasik dóonodoon fe anaŋo tu sumoŋu.

Saaŋ 13:34

Iisaanuun eluwa éyeni: árimaŋioori. Naane ímaŋiuun i, iyu yooŋ a ariware fu kámaŋioori.

Saaŋ 14:28

Arijamajam naane eenuun i: “Iija, bare íñje kásooñina t'aruun.” Af'árimaŋiam, n'uŋu hutoofuun dómbokun naane ija i ti Faaf u, ábuki Faaf u ahaŋamhaŋ.

Saaŋ 14:31

bare bakate ku t'etaam ye kawarawar kámeyi kaanuku ímaŋamaŋi Faaf u, abe yooŋ iŋ'íhin naane aa asokam. Aririto núuja!»

Saaŋ 16:28

Ínuutinonuutin ti Faaf u, abe n'ibin t'etaam ye. Hahiye iinuut t'etaam ye, abe n'ibatuko ti Faaf u.

Saaŋ 17:1

Hi Yesu áhamine hii ahaban, n'ayit ñíkino t'etiir abe n'aane: —Faafa, ewahatu i ereeŋa. Á̱nikan Añi úuwe man Añi úuwe yooŋ n'ánikani.

Saaŋ 17:16

Boko bákateiit t'etaam i, naane inooto i yooŋ an ite t'etaam i.

Saaŋ 17:26

Íhiniinhiin kéemeyii, abe íñje kasooñu íhin á̱ameyiee, man ni kámaŋi bakaaku naane á̱maŋiam i, abe íñje humuumam n'íyemi tu boko.»

Saaŋ 17:5

Faafa, hahiyu á̱nikanam naane ifiyee i ínik h'íyemie hu n'awe t'etaam i ebajoorut.

Saaŋ 18:4

Yesu éemeyie u beewaro bu kabaju fe, n'ayaajanooreiin abe n'aaniin: —Aañ a ariŋes fu?

Saaŋ 19:28

Bondu buwas, Yesu n'ámeyi kaanuku ahabanee areyi fe. N'áhamin kaanuku man beesokee bu ti *Míkiñjin mu ni bibaj. N'aane: —Búhujo bondu t'íñje.

Saaŋ 2:13

*H'efeet ite Esuwif i yite Kánuutina ku Esipt elohene hu, Yesu n'aja Serusalem.

Saaŋ 6:4

*Efeet ite Esuwif i yite Kánuutina ku Esipt káalohenin.

Saaŋ 7:30

Náami keesooñ keeŋeso kajoku, bare mayet an agore te o, ábuki ewahatu yeene ereeŋoorut.

Saaŋ 7:6

Yesu n'aaniin: —Ewahatu íima ereeŋoorut. Yeenuun i bare, ko kireyi fe efarafare.

Saaŋ 8:20

*T'Enuuf ite Atambatun, tindi kasarah sírirem su ti Yesu asoke fu bondu akina ti kaliiken ésuk i. Bare an ajokuto, ábuki ewahatu yeene t'ereeŋoorut.

Eleetar i yi Pool akiñje i bakate ku Rom 8:37

Bare naane bije i iyu fe, úne úriiŋane fu, abe an éemaŋie u úne éekinineŋ.

1 Korent 1:8

Humuumo káwutiyenuun sembe bija yooŋ tu hunak hiraanu hu, kaanuku an atum'abin abaj bike bite katinanuun hunak h'ábatikein hu te ho.

Esuwif i 3:14

Uf'újok alit tip t'eyakar y'úbaje i huta h'újabe hu káyilen ku bija yooŋ tu hunak hiraanu hu, n'uŋ'úbaj húrub ti *Kiris.

Esuwif i 3:6

Bare *Kiris ájubajub naane Añi i Faafo asaane enuuf yeene aano áyemi hikaw hu. Abe enuuf yeene yeemo fu úne, kane arko kikaw úne keeyaŋg, abe n'únaŋ sihel site s'úne yooŋ tu doon d'úyakare du.

Esuwif i 6:11

B'írimaŋie bu beemo fu huruw fe t'aruun áñiŋkaan kep bija yooŋ tu hunak hiraanu hu, man doon d'ariyakare du fe ni dibaj.

1 Piyeer 1:13

Arifare ariwasan. Arijok kikawuun, abe n'arinaŋ eyakar yeenuun fe ti káasuumaay k'arija ku kawuniee kane Yesu *Kiris áŋaasin.

1 Saaŋ 4:19

Atambatun ajabe fu ámaŋi úne. Iŋ'ite ho h'úmaŋio fu, akina nu kúŋgowulan ku fe.

Kafeeñal ku 1:5

Yesu *Kiris yooŋ, aseede éejube u aja ásoniyanuun, abe n'awunuun káasuumaay, akina eeemo u átiyar u dók ti karitanee t'eket i, akina eeemo u áyi ite bákayi ku t'etaam i. Kiris ámaŋamaŋi úne, abe n'aram úne tu wuhoofoor wu ni halan hoone héeyuusee hu.