Saaŋ 12:16 - Kwatay (Kuwaataay)

¹⁶ Eriboora yeene kasoŋkut kajok bondu. Bare h'abine hu áami Yesu ayitee t'etiir bufor bu éenikanee, ni kábaŋino kaanuku Míkiñjin mu musokasok bondu te o, abe yooŋ ésuk i káhinahin bija te o naane musoke i.

Saaŋ 12:16 ပူးပေါင်းရင်းမြစ်များ

Mark 16:19

H'Anahaan u Yesu áhamine hii nu boko ahaban, Atambatun n'ayito t'etiir bufor bu, abe Yesu n'ariiko inde *baatoso.

Mark 9:32

Bare eriboora yeene kajokut naŋ n'ámaŋie fu kasoku, abe yooŋ kákolakoleyi kákandijeno.

Hirim Heetoofe hu hi Luk akiñje hu 18:34

Bare eriboora i kajokut toko doon fe, báhamin bondu biniŋiinniŋ. Kámeyiit naŋ ni Yesu ámaŋie fu kasoku.

Hirim Heetoofe hu hi Luk akiñje hu 24:25

Náami Yesu eeeniin: —Arisoŋotaa teereŋ! Árikurakuri fu naane ti káyilen kite b'eyiŋana yite Atambatun kasoke bu fe!

Hirim Heetoofe hu hi Luk akiñje hu 24:45

Náami éefeŋginiin ñúwejet kaanuku man ni kánandin *Míkiñjin mu

Hirim Heetoofe hu hi Luk akiñje hu 9:45

Bare eriboora i kajokut naŋ n'ámaŋie fu kasoku. Atambatun ánuusiinnuus naane hirim hondu hije i kaanuku itim kánandin ho, abe yooŋ kákolakoleyi kákandijen Yesu.

Saaŋ 12:23

Yesu n'aaniin: —Ewahatu i *y'Añi ute Húŋgowulan hu aja i kayitiee t'etiir bufor bu éenikanee ereeŋa.

Saaŋ 14:26

Bare Áyokunana u, eeemo u Búwejet Beenabe bu bi Faaf u aja bu káboñina tu huruwu húuma, o kaliikenuun doon areyi fe, abe o kábaŋinanuun b'isokuun bu bireyi fe.

Saaŋ 16:4

Bare isokuunsok bo kaanuku ifi bija ayak abin áami bibaja, n'áribaŋino kaanuku ibinabina isokuun bo. —Isokutuun bo hítiyar hu, ábuki úmoomi t'afeeneŋ.

Saaŋ 17:5

Faafa, hahiyu á̱nikanam naane ifiyee i ínik h'íyemie hu n'awe t'etaam i ebajoorut.

Saaŋ 2:22

Iŋ'ite ho h'aritee hu t'eket i, eriboora yeene ni kábaŋino kaanuku iye a abine fu asok. Ni káyilen ti Míkiñjin mu, ni ti hirim hi Yesu abine hu asokiin.

Saaŋ 7:39

(Búwejet Beenabe bu bi Yesu asoke fu, beeyak bu bibin ti kéeyilene ku te o. Bare kóŋkeyin Búwejet Beenabe bu tu buwunoorutee, ábuki ti Yesu ayitoorutee t'etiir bufor bu éenikanee.)

Epotor i 2:33

Ayiteeyit t'etiir inde *baatos Atambatun, abe akina Atambatun Faaf u n'asaano Búwejet Beenabe bu beefiyee bu busokee. O Yesu n'ásik bo asaan uni; bo b'af'arijuk iye, abe n'arijam yooŋ.

Epotor i 2:36

«Náami bakate ku Israyel kareyi fe kawarawar kámeyi bonde nu múniyo: Yesu ondu a aritibe u t'ekuruwa i, o a Atambatun áhine fu éeyemi Anahaan u n'Afakana u yooŋ toko!»

Epotor i 3:13

Atambatun ite *Aburaham, *n'Isak, ni *Sakob, Atambatun ite sifaaf úne ánikananikan aroka oone Yesu. N'árisiko arisaan eseef ite hikinu hu kaanuku eeyoolee, abe n'ariteñekoo tu buhooŋu *Pilat, h'áhabaneina hu yéeni kaanuku eewasano.

Esuwif i 12:2

Úsik ñíkin úne únaŋ ti Yesu éefeŋgine u úne bítim bu núubaj káyilen, abe o aja fu káhinu ko keehaŋ kayanu. Ámuñamuñ keeyoolo *t'ekuruwa i, abe ajukerut yooŋ iŋ'ite ñufuñ ñeeemo ñu t'eket naane yendu, ábuki aŋandanaŋandan katoofu keefaree ku bija te o. Hahiyu ariikaa inde *baatos báariikeim bite Atambatun bite híyiaate hu.

Esuwif i 8:1

Bonde beemo fu beehaŋe bu fe ti b'iriemo bu ti kasoku ku: úbajabaj *asaraha ómbokun naane ondu i irisokuun u tu bondu b'únuut bee te bo. Ariikariiko t'etiir bufor bu, inde *baatos báariikeim bite híyiaate hu, bite b'Atambatun eehahe u.