Saaŋ 11:25 - Kwatay (Kuwaataay)

²⁵ Yesu n'aano: —Íñj'eemo fu bíriteina bite t'eket i, íñj'eemo fu yooŋ buroŋ bu. An éeyilene t'íñje, hutoof yooŋ aket, o karoŋu.

Saaŋ 11:25 ပူးပေါင်းရင်းမြစ်များ

Hirim Heetoofe hu hi Luk akiñje hu 23:43

Yesu n'ásafino aano: —Íñje isok fee n'awe: humuum hite úmiye, awe káyemi n'íñje t'arijana i.

Saaŋ 1:4

Buroŋ bu búmoomi te ho, abe buroŋ bu iŋi bíhin ésuk i kéeyemi ti meejaaŋe mu.

Saaŋ 14:19

Aroŋee diŋgilis bakate ku t'etaam ye it'iŋki kajukam. Bare aruun, aruun kajukiam, ábuki íñje karoŋu, abe aruun yooŋ karoŋu.

Saaŋ 14:6

Yesu n'aano: —Íñj'eemo fu bítim bu, nu múniyo mu, nu buroŋ bu. An ayinaat bija ti Faaf u t'aŋaasut t'íñje.

Saaŋ 3:16

Ábuki Atambatun ahaŋahaŋ kámaŋi ésuk i, ayak awun Añi oone afeeneŋ u, kaanuku an fe éeyilene te o atum'átowuto hiraanu, bare n'abaj buroŋ béehabanaariit bu.

Saaŋ 3:36

An éeyilene u t'Añi u abaja buroŋ béehabanaariit bu; an éeyilenut u t'Añi u at'ajuk buroŋ bondu, bare Atambatun akufokufo awasan.

Saaŋ 5:21

Ábuki naane Faaf u aa aritan keekete ku, eesooñ eewuniin buroŋ, iyu yooŋ i Añi u af'awun buroŋ bu an a ámaŋie u.

Saaŋ 5:26

Ábuki naane Faaf u ákinie i buroŋ bu, iyu yooŋ a awune fu Añi u éekini bo.

Saaŋ 6:35

Yesu n'aaniin: —Íñj'eemo fu humburu huhu huroŋan ésuk i. An eebine u t'íñje, aroŋut kajoñjolat. An yooŋ éeyilene u t'íñje, búhujo buroŋuto kajoku.

Saaŋ 6:44

An ayinaat bibin t'íñje ti Faaf u éeboñinam u áñakinuto, abe íñje karitano t'eket i tu hunak hiraanu hu.

Epotor i 3:15

Iyu a ariyoole fii ate buroŋ bu. Bare Atambatun aritanoritan t'eket i, abe írinooni bo biseede.

Eleetar i yi Pool akiñje i bakate ku Rom 4:17

naane Atambatun asoke i ti *Míkiñjin mu. Aanaan: «Íhinihin á̱ayemi faaf ite biheet beehooje-hooj.» Aburaham aamo fu faaf úne t'Atambatun, ábuki áyilenayilen Atambatun. Akina Atambatun af'aritan keekete ku, abe n'asok yooŋ buroon béemusut bu káwuwina béewuwin.

Eleetar i yi Pool akiñje i bakate ku Rom 8:2

Ábuki Búwejet Beenabe bu bumbu buwun buroŋ bite bu nu múniyo ti káhinu ku t'afeeneŋ ni Yesu Kiris biramamram ti kaahoofoor ku n'eket i.

1 Korent 15:18

Arko iyu, n'aŋ'áami keekete ku boko ti káyilen ku ti Kiris, bokondu bakan kéetowutee.

1 Korent 15:29

Abajeebaj bakaake iŋi *kabostee bija ti keekete ku. Bondu fíya káñjeriŋiin naŋ? Iŋi naŋ n'ifi kabostee bija ti keekete ku kane arko múniyo keekete ku iti káritein?

2 Korent 4:14

Múniyo írimoomi kaanuku Atambatun eeritane u Anahaan u Yesu t'eket i, o yooŋ karitan uni, ábuki írihinahin t'afeeneŋ ni Yesu, abe n'aŋ'áhin uni iriisiiŋo kaagoroor ne o, n'aruun yooŋ fe.

Fílip 1:23

Ehelam yendu ti kateyoor tu muroon músuba monde: ímaŋamaŋi kaketu íiyemi ni Kiris, ho húkoyie.

Fílip 3:10

Doon d'ihaŋe du kámaŋi fe deemo fu kámeyi Kiris, ni sembe seeritano su t'eket i. Ímaŋamaŋi yooŋ kajuku sílaam naane akina, abe n'iket yooŋ naane akina.

1 Tesalonik 4:14

Íriyilenayilen kaanuku Yesu aketaket, abe n'arito t'eket i; iyu yooŋ i íriyilene fu kaanuku Atambatun karitan t'eket i kéeyilene ku ti Yesu kaanuku kéeyemi ne o.

Kafeeñal ku 1:18

Íñj'eemo fu an eeemo u buroŋ. Íketaanaketaani, bare hahiye íñj'endu buroŋ hiraanu. Íñje íyekie fu sijaab site eket i, ni site ti keekete ku tindi kaja.

Kafeeñal ku 20:5

Bo beemo fu bíriteina bítiyar bu bite t'eket i. (Bakaaku keekete ku kásooñinoot buroŋ, ajendan káyemi simit su éñjune i sihabanaa.)

Kafeeñal ku 21:4

O katotu muhuw mánoman ti ñíkiniin. Eket eroŋut kabaju, ni kátiñja, ni biyiy, ni sílaam, ábuki buroon bítiyar bu fe bútowutaa.»

Kafeeñal ku 22:1

Hunuut toko, amalaka u n'áwufooram kaayelu kite móhujo mite buroŋ bu, kéenuutina ku t'eriikeey ite híyiaate hu yite i Atambatun n'Ametek u, abe ni kijaaŋ wililil naane eweer.

Kafeeñal ku 22:17

Búwejet Beenabe bu n'anaare ite Ametek u ni kaano: «A̱bin!» An yooŋ eejame bonde aja aano: «A̱bin!» An i nukuno nisaye abin. An éemaŋie búhujo tu móhujo mite buroŋ bu aja áhujo te mo fuufu.