Saaŋ 10:36 - Kwatay (Kuwaataay)

³⁶ Íñje bare, Atambatun ajifanam, abe n'áboñinam t'etaam ye. N'aŋ'arifin ariene íñje ílafatino aŋarkeyi eenaan íñje Añi ite Atambatun?

Saaŋ 10:36 ပူးပေါင်းရင်းမြစ်များ

Májiye 27:43

Aane hikawo hiyaŋgayaŋg t'Atambatun, abe n'aane yooŋ akina aamo fu Añi oone. Újuk hahiyu man Atambatun bibin kafakano!

Májiye 27:54

H'aseef ite esulaan i, ni bakan koone kéeyemie ku ti kajukar kite Yesu kajuke hu naane etaam i eyoŋoŋanooree i, ni baabu beebaje bu fe, ni kátumb kákoleyi naane abe ni kaane: «Múniyo ániine ondu áyemie fu Añi ite Atambatun!»

Hirim Heetoofe hu hi Luk akiñje hu 1:35

Amalaka u n'ásafino aano: —Búwejet Beenabe bu búwaneina t'awe, abe sembe site Atambatun eeemo u t'etiir-t'etiir kákumbalooli n'ésamunan ite te so. Iŋ'ite ho aamo fu añi eenabe u a a̱ja u bíyihino kaaniee Añi ite Atambatun.

Saaŋ 10:35

Atambatun aanaan bakan k'asoke ku hirim hoone boko etambatun, abe an ayinaat kanuutan beesokee bu ti *Míkiñjin mu.

Saaŋ 17:18

Naane á̱boñinam i t'etaam i, íñje yooŋ iiboñiin.

Saaŋ 17:21

Faafa, íñj'endu ti kalawu kaanuku man kareyi fe ni káyemi afeeneŋ, naane a̱amo i t'íñje, n'íyemi yooŋ t'awe; kéeyemi tu wane afeeneŋ, man bakate ku t'etaam i ni káyilen kaanuku awe á̱boñinam fu.

Saaŋ 17:8

ábuki isokiinsok kirim k'a̱saanam ku, abe kajokajok ko. Bukuuriinkuur kaanuku t'awe t'ínuutina fu, abe káyilenayilen yooŋ kaanuku awe á̱boñinam.

Saaŋ 19:7

Esuwif i ni kaano: —Iribajabaj eluwa, abe t'eluwa i awarawar kaketu, ábuki aanaan akina aamo fu Añi ite Atambatun.

Saaŋ 20:28

Taamas n'aano: —Awe a̱amo fu Anahaan úuma, n'Atambatun úuma toko!

Saaŋ 20:31

Bare beeemo bu te ko bikiñjeekiñj man n'áriyilen kaanuku Yesu aamo fu *Afakana u, Añi ite Atambatun. Abe af'áriyilen te o, n'aŋ'aribaj te o buroŋ bu.

Saaŋ 3:17

Múniyo Atambatun áboñinoot Añi oone t'etaam ye kaanuku eejok ésuk i eejoonaniin, bare áboñinoboñin kaanuku eefakaniin.

Saaŋ 3:34

An a Atambatun áboñina u aŋ'asok kirim kite Atambatun, ábuki Atambatun awunowun Búwejet Beenabe beerume tak.

Saaŋ 5:30

Yesu n'asooñ aane: —Iyinaat bunoŋkooro íihin doon. Iŋ'ijoonan naane Faaf u asokam i, abe majoonanar múuma meejoŋoore; ábuki iŋesut káhinu doon deetoofam du, bare beetoofe bu an éeboñinam u b'if'iŋes káhinu.

Saaŋ 6:27

Atum'arirok buroon bite kákuumanuun bite búbujo kuwaatu. Arirok buroon bite kákuumanuun beeemo utu búbujo hikee, abe yooŋ nu buwun buroŋ béehabanaariit bu. Buroon bondu, *Añi ute Húŋgowulan hu aja fu kawunuuun bo, ábuki te o t'Atambatun Faaf u áhine fu éluwenuma yeene yéewufoore i kaanuku ariboorariboor ne o.

Saaŋ 6:38

Ábuki h'ínuutina hu t'etiir, káanukiiit iibin íhin beetoofam bu. Beetoofe bu an éeboñinam u bíkinineŋe fu n'ibin.

Saaŋ 6:57

Faaf u éeboñinam u ondu buroŋ. Naane áhinam ee iiroŋ, an yooŋ eeteŋe eniam, íñje káhinio eeroŋ.

Saaŋ 6:69

Abe uni íriyilenayilen, írimoomi yooŋ kaanuku awe a̱amo fu An Eenabe u éenuutina u t'Atambatun.

Saaŋ 8:42

Yesu n'aaniin: —Kane arko yéeni múniyo Atambatun aamo fu Faafuun, n'aŋ'árimaŋiam, ábuki te o t'ínuutina fu, abe uŋu hoone hu h'eemo fe beebe. Íñjeiit inoŋkooree iibin, bare akina áboñinam fu.

Eleetar i yi Pool akiñje i bakate ku Rom 8:3

*Eluwa yite Moyis eyinaat káhinu bondu iŋi kabajaate kite húŋgowulan kite sembe. Bare Atambatun áhinahin bo: áboñinoboñin Añio éeyemi húŋgowulan naane úne ehoofoora i, kaanuku eeram úne ti kaahoofoor ku. Iyu a Atambatun atinane fu kaahoofoor ku kiŋki kinij tu kúŋgowulan ku.

Eleetar i yi Pool akiñje i bakate ku Rom 9:5

Boko kaamo fu bakañi sifaaf su kómbokun ku bakate ku kóŋkeyin k'Atambatun ajifane ku. Kiris yooŋ ite t'eheet yeeniin h'abine hu éeyemi húŋgowulan. Akina aamo fu Atambatun eehaŋe u doon areyi fe. Úsokorooro ko kireyi fe! Amiin.

Galasi 4:4

Bare h'aamo hu hunak h'Atambatun ajoke hu hireeŋa, n'áboñin Añio, anaare éeyihinoo. N'ákuumanee t'Eluwa yite Moyis