Saaŋ 1:51 - Kwatay (Kuwaataay)

⁵¹ N'asooñ aane: —Iisokuun bifeeneŋ bu: aruun kajuku kane bufor bu bífeŋgino, emalaka yite Atambatun ti bisiro, abe n'iŋi káwanein *t'Añi ute Húŋgowulan hu!

Saaŋ 1:51 ပူးပေါင်းရင်းမြစ်များ

Májiye 25:31

—*Añi ute Húŋgowulan hu af'aja abin naane áyi, akina n'emalaka i kareyi fe, o biriiko t'eriikeey yeene yéenike i.

Májiye 26:24

*Añi ute Húŋgowulan hu eeja kaketu naane *Míkiñjin mu musoke i uŋu hoone hu. Bare afin ayak buŋ kátaañi t'an ondu eeja u kajoohen Añi ute Húŋgowulan hu! Ahaŋ yéeni kajaku te o náami áwuwinoot!

Májiye 3:16

Yesu abostee ahaban kep, n'ánuutin tu móhujo mu. Náami bufor bu bihaŋa bífeŋgino bija te o. N'ajuk Búwejet bite Atambatun nu búwanein naane búnokoorum bite húleebaan, abe ni bilelan te o.

Májiye 4:11

Ahaban, Setani n'awaso toko eeja. Náami emalaka kabina ti Yesu abe ni katofotooro.

Májiye 8:20

Yesu n'aano: —Búlutoon bu bibajabaj wuyeen, bilele bu yooŋ bibajabaj búwuulu. Bare *Añi ute Húŋgowulan hu abajut tiŋ t'ayino buhuruso eeyihan enio.

Májiye 9:6

Bare íñje káwufooruun kaanuku *Añi ute Húŋgowulan hu ákooki t'etaam ye sembe site kaboŋket wuhoofoor. Náami eeene ániine eeyinaat u bija: —A̱rito, abe n'a̱yit kabaŋ kúuwe a̱ayeet!

Mark 1:10

Yesu ti kánuutina ku tu móhujo mu, n'ajuk kane bufor bu bífeŋgino, abe Búwejet Beenabe bu nu búwanein naane búnokoorum bite húleebaan bibin te o.

Mark 14:62

Yesu n'ásafino aano: —Hee, íñje fu! Abe aruun kajuku *Añi ute Húŋgowulan hu t'ariikee inde *baatos bite Atambatun Ate Sembe su. Aruun yooŋ kajukio ti bibin nu bufor bu.

Hirim Heetoofe hu hi Luk akiñje hu 2:13

Kaja kajuku, náami emalaka yite t'etiir bokondu naane iyu úkaan n'áwiyo amalaka, iŋi kasokoroor Atambatun kaane:

Hirim Heetoofe hu hi Luk akiñje hu 2:9

Ake amalaka ite Atemit n'áŋaasin tu boko. Meejaaŋe mite Atemit ni mijaaŋan toko fe. Náami kákoleyia dómbokun.

Hirim Heetoofe hu hi Luk akiñje hu 22:43

Náami amalaka ite t'etiir áŋaasino kaanuku eehaŋo kayaŋganan.

Hirim Heetoofe hu hi Luk akiñje hu 22:69

Bare memee, *Añi ute Húŋgowulan hu biriiko inde *baatos bite Atambatun Ate Sembe su.

Hirim Heetoofe hu hi Luk akiñje hu 24:4

Kajokut tuf. Náami háyine bákasuba kahaŋa káŋaasin, wañ wooniin aŋ'asilan naane.

Hirim Heetoofe hu hi Luk akiñje hu 3:21

Saaŋ *n'aboste hahooja héeyemie hu toko fe. N'aboste yooŋ Yesu. Yesu áyemia ti kalawu ku, bufor bu ni bífeŋgino,

Saaŋ 1:50

Yesu n'aano: —Iŋi h'eeni hu ijukijuk t'etaam nífigiye nu h'á̱yilene fu? Awe kajuku buroon beehaŋe bondu!

Saaŋ 10:1

Yesu n'aaniin: —Iisokuun bifeeneŋ bu: an eeŋaasut ti karuŋ kite ékus ite bíkarniina, bare n'afaaj eeyooso, an ondu ákuw, abe ánukenoora yooŋ.

Saaŋ 10:7

Yesu n'asooñ aane: —Iisokuun bifeeneŋ bu: íñj'eemo fu karuŋ kite ékus ite síkarniina su.

Saaŋ 13:16

Iisokuun bifeeneŋ bu: aroka ahaŋut an u t'aamo du tu burok bu, an yooŋ eeboñee ahaŋut an eeboño u.

Saaŋ 13:38

Yesu n'aano: —A̱faraa kaketu uŋu húuma hu? Iisoki bifeeneŋ bu: bala káajuloon ku kusok, awe kaanu á̱ameyiitam kireeŋ kíhaaji.

Saaŋ 14:12

Iisokuun bifeeneŋ bu: an af'áyilen t'íñje, o káhinu yooŋ buroon bimb'íhin. Abe o káhinu beehaŋe, ábuki íñje ija ti Faaf u.

Saaŋ 16:20

Iisokuun bifeeneŋ bu: aruun kayiyu dómbokun, abe bakate ku t'etaam ye kikawiin katoofu naane. Aruun kátaañian, bare kátaañi koonuun bibin káyemi katoofu.

Saaŋ 16:23

«Hunak hondu ifi hireeŋ, ariroŋutam kákandijen doon fe. Iisokuun bifeeneŋ bu: doon fe d'ariyak kalawu Faaf u tu huruwu húuma, o kawunuuun do.

Saaŋ 21:18

Iisoki bifeeneŋ bu: awe añi u, aŋ'a̱noŋk a̱akobooro nibaŋ núuwe, abe n'aŋ'a̱ja tu hutoofi du. Bare af'a̱ja ayak abin áami a̱haana, awe kayitu sumoŋii, ake eekobi nibaŋ núuwe, abe n'aja n'awe t'á̱maŋiit du bija.

Saaŋ 3:3

Yesu n'aano: —Iisoki bifeeneŋ bu: an afut'asooñ abukee ti kátiyar, at'áyini kajuku *Jáyi jite Atambatun.

Saaŋ 3:5

Yesu n'aano: —Iisoki bifeeneŋ bu: an ayinaat buyooso ti Jáyi jite Atambatun t'abukutee nu móhujo, nu Búwejet Beenabe bu.

Saaŋ 5:19

Yesu n'asooñ aaniin: —Iisokuun bifeeneŋ bu: Añi u ayinaat bunoŋkooro éehin doon; aŋ'áhin doon d'ajuke du Faaf u ti káhinu barebare. Buroon bi Faaf u bamb'áhin bireyi fe, Añi u yooŋ aŋ'áhin bo.

Saaŋ 5:27

Abe n'asooñ awuno sembe site kajoonan, ábuki akina aamo fu *Añi ute Húŋgowulan hu.

Saaŋ 6:26

Yesu n'aaniin: —Iisokuun bifeeneŋ bu: h'ariŋes hee n'íñje, íŋiiit man kaanuku aruun arijoke buroon b'íhine bu beehaŋuun bu kikaw. Aribinabin aŋarkeyi naane ariteŋateŋ kumburu aribir bib.

Saaŋ 6:32

Yesu n'aaniin: —Iisokuun bifeeneŋ bu: Móyisiit awunuun fu kumburu kéenuutina ku t'etiir. Faafam af'awunuun humburu hite nu múniyo hite hu t'etiir.

Saaŋ 6:47

Iisokuun bifeeneŋ bu: an éeyilene u abaja buroŋ béehabanaariit bu.

Saaŋ 6:53

Yesu n'aaniin: —Iisokuun bifeeneŋ bu: afut'ariteŋ eni yite Añi ute Húŋgowulan hu, afut'árihujo yooŋ halan hoone, at'aribaj buroŋ bite bu nu múniyo.

Saaŋ 8:34

Yesu n'aaniin: —Iisokuun bifeeneŋ bu: an aŋ'áhin wuhoofoor, akina ásukateen ite wuhoofoor wu.

Saaŋ 8:51

Iisokuun bifeeneŋ bu: an af'ajok hirim húuma, at'aket hikee.

Saaŋ 8:58

Yesu n'aaniin: —Iisokuun bifeeneŋ bu: bala Aburaham áwuwin, «íñje káayemiin an eeemo u».

Epotor i 10:11

N'ajuk bufor bu ni bífeŋgino, abe dike doon tu búwaneina, dunokoor naane ebara, abe wulaajen wu t'ebaakiir te wo wujokeejok.

Epotor i 7:56

N'aane: —Arijamatan, ijuka bufor bu ni bífeŋgino, *n'Añi ute Húŋgowulan hu t'asiiŋee inde baatos Atambatun.

2 Tesalonik 1:7

Abe o káyihinanuun, aruun kaŋk'arijuk sílaam su, n'uni yooŋ fe. O káhinu bo kane Anahaan u Yesu áŋaasin tu bufor bu, akina n'emalaka yeene bakate sembe su.

2 Tesalonik 1:9

Kúnuur ki kaja ku kajuku keemo fu konde: boko bútowuto hiraanu, keekamboor sat n'Anahaan u, ni sembe soone séenike su.

1 Timote 3:16

Béekoofaanie bu bite bítim bite b'úne bihahahah, abe an ayinaat kajeeŋan bo. Bo beemo fu bonde: Abinabin éehinooro naane húŋgowulan, Búwejet Beenabe bu nu búwufoor kaanuku ájubajub. Emalaka i kajukojuk, abe ésuk i ni kawaare uŋu hoone hu ti keenooto ku Esuwif. Bakate ku t'etaam i ni káyilen te o, abe Atambatun n'ayito t'etiir t'ánike du.

Esuwif i 1:14

Náami emalaka i boko naŋ? Kareyi fe ñúwejet barebare, iŋi karok bija t'Atambatun. Áboñiniinboñin kaanuku iŋi kabin káyokunan keeyak ku bibin kafaku.

Eleetar i yi Sud akiñje i 1:14

Enok, eeemo u atoken u ni bákasuba ti sifaaf úne kéeseina ku *t'Adam, asoŋka bíhamin iŋ'ite hu bokondu aane: «Arijamatan! Atemit bibin n'emalaka yeene keenabe ku keereeŋe súñjune-súñjune,

Kafeeñal ku 19:11

Hunuut toko, n'ijuk bufor béefeŋginee, abe efaliñj yeefañje n'éŋaasin. An eerabee u te yo huruwu hoone Éejube u, huruwu hoone yooŋ Múniyo mu. Aŋ'ajoonan, abe n'átuum ajoŋooree.

Kafeeñal ku 4:1

Hunuut toko, bike yooŋ ni bifeeñam. N'ijuk tu bufor bu karuŋ kéefeŋginee. Kaaji k'ibine ku ijam hítiyar hu ti báhamin bu n'íñje keeraase ku naane káabiinu ni keenam: —Á̱sirein beebe, abe n'iŋ'íhini a̱ajuk beeja bu bibin kabaju.