Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Saaŋ 1:29 - Kwatay (Kuwaataay)

29 Tifiit, Saaŋ n'ajuk Yesu ti bibin ásooñann nu boone. N'aane: —O onde, Ametek ite Atambatun aa anuutan wuhoofoor wute ésuk i.

အခန်းကိုကြည့်ပါ။ ကော်ပီ




Saaŋ 1:29
65 ပူးပေါင်းရင်းမြစ်များ  

O káyeki añi ahaawa, abe n'aŋ'a̱ruwo Yesu, ábuki o aja fu kafakan bakan koone tu wuhoofoor wooniin.


Iyu yooŋ a *Añi ute Húŋgowulan hu abine fu, káanukiiit eebaj búsukateen, bare kaanuku éeyemi ásukateen, abe n'awun buroŋ boone beejaam man keehooje ni kafak.


Tifiit, Saaŋ n'aŋk'áyemi toko ni bákasuba t'eriboora yeene.


H'ajuke hu Yesu ti kaŋaasu ku toko, n'aane: —Ametek ite Atambatun ondu!


Tifiit, Yesu n'aane eeja inde *Gálile. N'áfimboor ni Filip abe n'aano: —Á̱seinam ti hiñaawu!


Abaj kunak kúsuba, bisayi ni bibaj ti hike hikinu iŋi heenee Kana, t'ésuk ite *Gálile. Íñaay ite Yesu toko, abe


Ábuki Atambatun ahaŋahaŋ kámaŋi ésuk i, ayak awun Añi oone afeeneŋ u, kaanuku an fe éeyilene te o atum'átowuto hiraanu, bare n'abaj buroŋ béehabanaariit bu.


N'iŋi kaane anaare u: —Hahiye íriyilena, káanukiiit iŋi b'a̱soke bu uni barebare; irijama yooŋ kumuum uni naane aa asok. Írimoomi kaanuku nu múniyo akina aamo fu Afakana ite ésuk i.


Íñj'eemo fu humburu huhu huwun buroŋ bu, héewaneina hu t'etiir. An eeteŋe u te ho, buroŋ boone iti bihabano. Humburu h'ija hu kawunu heemo fu eniam. Íñje kawunu ho kaanuku ésuk i keeroŋ.


Te o t'an fe éeyilene ayino fu karamiee tu wuhoofoor woone, bare Eluwa yite Moyis eyinaatuun karamu tu wuhoofoor wu.


Bonde b'áyemie fu ti kajaŋga ku ti *Míkiñjin mu: «Ámoomi naane ékarniina yeeyitee bija kamootu, naane ametek eekoowane kem o ti kayiselee: asokut hirim hifeeneŋ.


Bítiyar bu ti b'iliikenuun bu fe beemo fu bonde bi kaliikenam bu yooŋ: *Kiris aketaket bija tu wuhoofoor wute w'úne naane ti *Míkiñjin mu mifiye du musok.


Kiris ámusut káhinu kaahoofoor, bare Atambatun asejanosejan wuhoofoor wute w'úne. Áhinahin bondu kaanuku man úne kéehine ku t'afeeneŋ ni Kiris n'úyini káyemi bakan kéejube t'Atambatun.


Yesu Kiris humuumo ásikasik síhiinio asaan kaanuku eefakan úne tu wuhoofoor wu. Aramaram úne ti sembe site t'etaam ite hahiye yeejakut yee, naane t'Atambatun Faaf úne ámaŋie du.


Yesu Kiris áwuumee fu eeram úne t'úware du yéeni káwuumiee iŋi naane újeŋginut i Eluwa i ereyi, ábuki Míkiñjin mu meenaan: «An fe eekobee ti kaaland kite nunukanuk eeyoolee toko, Atambatun káwuumio.»


Ásikasik buroŋ boone awun, eejaam kaanuku ésuk i fe yeefak. Bondu biseedee fu h'aamo hu tireeŋa toko.


Awunawun buroŋ boone iŋ'ite h'úne, kaanuku eefakan úne ti meejakut fe, abe n'akuuran úne. Iyu, n'uŋ'útumb úyemi bakan koone kéeñiŋkaane ti káhinu buroon beejake taŋ.


Meejaaŋe mite kániku kite Atambatun mujukanajukano te o. Akina átumbe fu áyemi búnokoorum bite Atambatun, abe akina áyekane fu dóonodoon fe ni hirim hoone heebaje hu sembe. H'aamo hu *akuurana kúŋgowulan ku tu wuhoofoor wooniin ahaban, n'ariiko t'etiir bufor bu inde *baatos Atambatun eehahe u.


Iŋ'ite ho h'aware fu kanokoor ni bakano tu doon areyi fe, kaanuku eebin éeyemi *asaraha ómbokun u, éemeyie kayubiyen an, abe n'ájub tu burok boone hágila Atambatun. Iyu a áyinie fu kásiku buroŋ boone eesarah kaanuku man wuhoofoor wute ésuk i nu wuboŋketee.


Iyu yooŋ i Kiris ásike fu enio eesarah hifeeneŋ kaanuku eenuutan wuhoofoor wute bakan keehooje-hooj. Abe o kásooñina húsooboriyan, káanukiiit bibin kanuutan wuhoofoor wu, bare kaanuku eebin eefakan keeemo ku ti kanahan koone.


Aaa, arifakaneefakan ti *kaasarah kómbokun kite ku Kiris, éeyemie u naane ametek éewere kák, abe doon durkuto.


Akina *t'ekuruwa i, ayitayit t'enio wuhoofoor wute w'úne, kaanuku man n'úwasoor ni kaahoofoor ku núuyooso tu buroŋ beejoŋoore. Hee, iŋi busontaay bite bu Kiris h'aribaje fu káasuumaay.


Múniyo Kiris humuumo aketaket hifeeneŋ, abe hiraanu, bija tu wuhoofoor wute kúŋgowulan ku. Akina eeemo u an eejake n'aket bija t'énafuta, kaanuku éehinuun ariibukan n'Atambatun. Enio yi kayoole fu, bare n'ábatikannee buroŋ tu Búwejet Beenabe bu.


Akina awune fu enio *yeesarahee kaanuku man wuhoofoor wute w'úne nu wuboŋketee. Káanukiiit wute w'úne barebare, bare bija yooŋ nu wute bakaaku kúŋgowulan fe.


Árimoomi bare kaanuku Yesu Kiris abinabin iŋi kanuutan wuhoofoor wute w'úne. Akina abajut mayet kaahoofoor.


Iye i kámaŋi aamo fu: káanukiiit man úne úmaŋie Atambatun, bare akina ámaŋie fu úne. N'áboñin Añio kaanuku man wuhoofoor wute w'úne nu wuboŋketee iŋ'ite *kaasarah koone.


Yesu *Kiris yooŋ, aseede éejube u aja ásoniyanuun, abe n'awunuun káasuumaay, akina eeemo u átiyar u dók ti karitanee t'eket i, akina eeemo u áyi ite bákayi ku t'etaam i. Kiris ámaŋamaŋi úne, abe n'aram úne tu wuhoofoor wu ni halan hoone héeyuusee hu.


Bakan úne kakalokalo iŋ'ite halan hite Ametek u, nu múniyo mi kaseedee mu. Kajukerut uŋu buroŋ booniin ni kaane kéekoleyi eket i.


Bakate ku t'etaam i fe kásukaay éndakakureŋ i; aamo fu bakan ku fe ku kuruwu kooniin kikiñjutee ku ti kaawiit kite buroŋ bu huta h'etaam i eŋ'ebin éwuwanee. Kaawiit kondu kite Ametek eeyoolee u.


N'isooñ íheelin, n'ijuk Ametek u t'asiiŋee ti hirij hihi kaane *Siyoŋ, akina ni bakan kaamo súñjune téemeer, nu súñjune bakan bákasuba ni sibaakiir, abe huruwu hoone ni hite hu Faafo kikiñjeekiñj tu kúyuutiin.


o yooŋ búhujo ébiñ ite Atambatun yite i kane ayiŋat! Ébiñ yendu káyunanee t'ejoofutee t'ekot ite Atambatun yite i kane ayiŋat. Kiŋki kanij ii fe káhihinooree ti sineemak su n'efor yéesufe i tu buhooŋu emalaka i keenabe ku n'Ametek u.


Boko kaamo fu kéemeyiit ku haare, *kakuurakuur but. Iŋi kasa Ametek u tánotan fe t'aje. Kájoohenneejoohenn tu kúŋgowulan ku kaanuku kéeyemi étiyar i ti kawuniee ku Atambatun n'Ametek u.


Iŋi kahooñ huhooñu hi *Moyis aroka ite Atambatun abane hu, nu huhooñu h'Ametek u abane hu yooŋ. Iŋi kaane: «Atemit, Atambatun eehaŋe u ebaja sembe, burok búuwe bihahahah, abe bijaaŋajaaŋo ésuk i! Awe Áyi ite biheet bu, máhinar múuwe meejoŋoore, abe mite nu múniyo!


Boko katiiku Ametek u, bare Ametek u kaheekiiin, ábuki akina aamo fu Anahaan ite kunahaan ku, akina yooŋ aamo fu Áyi ite bákayi ku. Bakan koone k'aruwe ku abe n'ajifan, bokondu kéejeŋgino ku kariiŋaniin yooŋ ne o.»


Kikaw úne kutoof, abe n'útoofan núunikano, ábuki asibar ite Ametek u afaraa, abe huyoosan hoone hireeŋa!


Amalaka u n'aanam: —A̱kiñj bonde: atoof ti keeruwee ku bite hiriy hu tu huyoosan hite asibar ite Ametek u. Abe n'asooñ aanam: —Diye kirim kite Atambatun, kirim kite nu múniyo.


Hiñaan heeŋoloole hu hikinu hu hisiiŋasiiŋo tu sujuju seemo sumoŋu nu súsuba, abe kakiñjakiñj te so kuruwu kite *epotor i sumoŋu ni bákasuba ku bakate Ametek u.


Bare doon fe *deekuurut utu duyooso toko, n'an fe aŋ'áhin buroon béekojie, man yooŋ n'aŋ'ajuus. Keeemo ku kuruwu kooniin kikiñjee fu ti kaawiit kite buroŋ bu taŋ, kite k'Ametek u kaja fu buyooso ti hikinu hondu.


Ake t'emalaka i hutok ni bákasuba kéeyekie ku sukot hutok nu súsuba seehooje su nu wútaañi wu hutok nu wúsuba wuraanu wu n'aanam: —A̱bin, abe n'iŋ'íwufoori anaare eeemo u ti biseño bu, asibar ite Ametek u.


Náami iijuk Ametek t'asiiŋee kaagoroor n'eriikeey ite híyiaate hu. Muroon mibaakiir mu míhinohin t'etut, ni bíhaaniin bu yooŋ. Aŋ'a̱juk kite amooteemoot yéeni. Abajabaj wusiin weemo hutok nu wúsuba, ni ñíkin yooŋ ñeemo hutok nu ñúsuba. Ñíkin ñondu ñeemo fu ñúwejet ñu hutok nu ñúsuba ñite ñ'Atambatun, ñaññ'aboñ t'etaam i ereyi fe.


H'Ametek u ase hu kaawiit ku, muroon mibaakiir meeroŋe mu nu músukaayo, mo ni bíhaaniin bu butuman ni bakabaakiir ku. Kareyi fe huruw n'ekondiŋ, ni bitaañ yooŋ bite éwurus beehooje bib *n'ejuraay. Ejuraay yendu yeemo fu kalawu kite bakan kite Atambatun.


Bondu buwas, n'ijuk Ametek u n'ákotin húkotanin hítiyar hu tu kúkotanin ku hutok nu kúsuba ku. N'ijam afeeneŋ tu muroon mibaakiir meeroŋe mu n'ataŋk naane karanda aane: «A̱bin!»


Abe n'iŋi kaane kirij ku ni bilaaliñj bu: «Áriwubein t'uni áriinuus uni, an eeriikee u t'eriikeey ite híyiaate hu atum'ajuk uni. Árinuus uni Ametek u eeyiŋate ii.


N'ísafino eeno: —Ámuse u, bondu awe á̱meyie fu bo. Náami eeenam: —Boko kaamo fu kéenuutina ku ti sílaam sómbombokun su. Kañawañaw wañ wooniin, abe ni kafañjan wo ti halan hite Ametek u.


Ábuki Ametek eeemo u kaagoroor n'eriikeey ite híyiaate hu aja fu kahaawiiin, abe o bija nu boko tu wúbulanu wute móhujo mummu muwun buroŋ bu. Abe Atambatun katotu muhuw mánoman ti ñíkiniin.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ