Saaŋ 1:14 - Kwatay (Kuwaataay)

¹⁴ Hirim hu ni hibin híyemi húŋgowulan, abe ni hikin n'uni. Hijakajak t'ésuk i híhabanein, abe nu huhooj bib nu múniyo mu. Irijukajuk kániku k'Atambatun Faaf u aa awun Añio afeeneŋ u.

Saaŋ 1:14 ပူးပေါင်းရင်းမြစ်များ

Májiye 1:16

Sakob faaf ite Siseef eeemo u áyin ite Mari, íñaay ite Yesu ii kaane *Afakana u.

Hirim Heetoofe hu hi Luk akiñje hu 2:11

*Afakana oonuun abukee úmiye ti hikinu hu ti *Dafit ákinaanie du. O aamo fu *Kiris, Anahaan u.

Hirim Heetoofe hu hi Luk akiñje hu 2:7

N'abaj añi ahaawa, añio átiyar. N'ásik kires éekumbaloolo, abe n'ahurusano ti kásiima, ábuki kareyit t'enuuf i t'emoosoora i tindi kawanan.

Hirim Heetoofe hu hi Luk akiñje hu 9:32

Piyeer ni bakano t'ésubaiin káaŋotin his. Bare ni kániyo, ni kajuk naane Yesu asilane i, abe háyine hu t'ésubaiin ti kasiiŋee kaagoroor ne o.

Saaŋ 1:1

Hítiyar hu, h'Atambatun áwuwane hu dóonodoon fe, Hirim hu káafiyein híyemi. Hirim hu húmoomi n'Atambatun, abe ho heemo fu Atambatun.

Saaŋ 11:40

Yesu n'aano: —Eenuti af'á̱yilen awe kajuku kaanuku Atambatun ánikanik?

Saaŋ 14:6

Yesu n'aano: —Íñj'eemo fu bítim bu, nu múniyo mu, nu buroŋ bu. An ayinaat bija ti Faaf u t'aŋaasut t'íñje.

Saaŋ 14:9

Yesu n'aano: —Filip, naane ifiyee i n'aruun fe, á̱meyioorutam? An eejukam u, ajuka Faaf u. Iŋi naŋ n'a̱ane fu: «Á̱wufoor uni Faaf u»?

Saaŋ 17:22

Ínikaniinnikan naane á̱nikanam i, kaanuku man ni káyemi afeeneŋ, naane waaamo i afeeneŋ, íñje n'awe.

Saaŋ 17:24

«Faafa, ímaŋamaŋi bakan k'a̱wunam ku ni káyemi yooŋ t'ija du káyemi, man ni kajuk kániku kúuma, kondu k'a̱wunam ku, ábuki á̱maŋiammaŋi t'etaam i éwuwanoorutee.

Saaŋ 18:37

Náami Pilat eeeno: —Kame fu me awe áyi? Yesu n'aano: —A̱soka bo, íñje áyi. Béekinineŋe bu n'ibukee iibin t'etaam ye bonde: kaanuku iisok ésuk i bifeeneŋ bu. An eeemo an ite bifeeneŋ aŋ'ajamatan bimb'isok.

Saaŋ 2:11

Doon dondu di Yesu áhine fu dítiyar deehaŋe ésuk i kikaw. Kana, eke ésuk ite Gálile tu bondu bibaje fu. Iyu a áwufoore fu kániku koone, abe eriboora yeene ni káyilen te o.

Saaŋ 3:16

Ábuki Atambatun ahaŋahaŋ kámaŋi ésuk i, ayak awun Añi oone afeeneŋ u, kaanuku an fe éeyilene te o atum'átowuto hiraanu, bare n'abaj buroŋ béehabanaariit bu.

Saaŋ 3:18

An éeyilene u t'Añi u ajoonanutee; bare an éeyilenut u te o ajoonanee ahaban, ábuki áyilenut t'Añi u afeeneŋ ite Atambatun.

Saaŋ 6:51

Íñj'eemo fu humburu huhu huwun buroŋ bu, héewaneina hu t'etiir. An eeteŋe u te ho, buroŋ boone iti bihabano. Humburu h'ija hu kawunu heemo fu eniam. Íñje kawunu ho kaanuku ésuk i keeroŋ.

Saaŋ 8:32

n'aŋ'árimeyi múniyo mu, abe múniyo mondu n'uŋu munuutanuun tu húsukateenaate hu.

Epotor i 13:33

hahiyu áhina bo bija t'úne bakañiiin h'aritane hu Yesu t'eket i, naane bikiñjee i *t'Élookiin ésooboriyan i. Eenaan: “Awe á̱tumbe fu á̱yemi úmiye Añi úuma ite u nu múniyo.”

Eleetar i yi Pool akiñje i bakate ku Rom 8:3

*Eluwa yite Moyis eyinaat káhinu bondu iŋi kabajaate kite húŋgowulan kite sembe. Bare Atambatun áhinahin bo: áboñinoboñin Añio éeyemi húŋgowulan naane úne ehoofoora i, kaanuku eeram úne ti kaahoofoor ku. Iyu a Atambatun atinane fu kaahoofoor ku kiŋki kinij tu kúŋgowulan ku.

Eleetar i yi Pool akiñje i bakate ku Rom 9:5

Boko kaamo fu bakañi sifaaf su kómbokun ku bakate ku kóŋkeyin k'Atambatun ajifane ku. Kiris yooŋ ite t'eheet yeeniin h'abine hu éeyemi húŋgowulan. Akina aamo fu Atambatun eehaŋe u doon areyi fe. Úsokorooro ko kireyi fe! Amiin.

1 Korent 15:47

Álokow átiyar u Adam eerokee u ni baaliisiw, o ite t'etaam. Bare Adam ásooboriyan u, o t'etiir t'ánuutina.

2 Korent 12:9

Bare n'aanam: «Kajaku kiŋk'íwufoori kifamifam, ábuki an af'aja ayak abin áami aŋkut abaj sembe, toko ti sembe súuma t'ifi sihaŋ kafeeñu te o.» Náami íñje kamaku ti béewufoore bu kabajaate kúuma kite sembe su, man sembe site *Kiris ni síyemi t'íñje.

Galasi 4:4

Bare h'aamo hu hunak h'Atambatun ajoke hu hireeŋa, n'áboñin Añio, anaare éeyihinoo. N'ákuumanee t'Eluwa yite Moyis

Efees 3:8

Íñj'eemo fu araan u tej ti bakan kite Atambatun. Bare íñje a ajuke fu ti kajaku koone, kaanuku iŋ'ibin iwaare keenooto ku Esuwif Hirim Heetoofe hu, hite ebaj yéehabanaariit i yéenuutina i ti Kiris.

Kolos 1:19

Ábuki Atambatun áhabaneinohabanein kaanuku naane aamo i abin ahaban fe, Añio yooŋ n'áyemi iyu.

Kolos 2:3

Káwasi ku, ni kámeyi kite múniyo mu, bondu fe búmoomi naane ebaj, abe te o tu búnuusee fu.

Kolos 2:9

Ábuki naane Atambatun aamo i abin ahaban fe, akina yooŋ iyu a aamo fu.

1 Timote 3:16

Béekoofaanie bu bite bítim bite b'úne bihahahah, abe an ayinaat kajeeŋan bo. Bo beemo fu bonde: Abinabin éehinooro naane húŋgowulan, Búwejet Beenabe bu nu búwufoor kaanuku ájubajub. Emalaka i kajukojuk, abe ésuk i ni kawaare uŋu hoone hu ti keenooto ku Esuwif. Bakate ku t'etaam i ni káyilen te o, abe Atambatun n'ayito t'etiir t'ánike du.

Esuwif i 1:3

Meejaaŋe mite kániku kite Atambatun mujukanajukano te o. Akina átumbe fu áyemi búnokoorum bite Atambatun, abe akina áyekane fu dóonodoon fe ni hirim hoone heebaje hu sembe. H'aamo hu *akuurana kúŋgowulan ku tu wuhoofoor wooniin ahaban, n'ariiko t'etiir bufor bu inde *baatos Atambatun eehahe u.

Esuwif i 1:5

Múniyo Atambatun ámusut kaanu hikee ake t'emalaka yeene: «Awe a̱amo fu Añi úuma, úmiye íñj'eemo fu Faafi.» Man yooŋ: «Íñje káyemi Faafo, abe akina káyemi Añiam.»

Esuwif i 10:5

Iŋ'ite ho aamo fu hi Kiris áyemie hu ti bibin bu t'etaam ye, n'aane Atambatun: «A̱ŋesut man an n'asarahi enuk, a̱ŋesut yooŋ man an n'awuni dike doon, bare á̱hinamhin iibaj eni.

Esuwif i 2:11

Yesu aa *akuuran kúŋgowulan ku wuhoofoor wooniin, ni bakan keekuuranee ku, kareyi fe Faafiin afeeneŋ. Iŋ'ite ho hi Yesu áfuñaariit fu karuwiiin bakat'o ni bákaniino.

Esuwif i 5:5

*Kiris yooŋ, iyu i bije fu; anoŋkut eeyitooro, éehinooro asaraha ómbokun. Bare Atambatun aano fu: «Awe a̱amo fu Añi úuma, úmiye íñj'eemo fu Faafi.»

1 Saaŋ 4:14

Irijukajuk ni ñíkin uni, abe n'iriseede kaanuku Faaf u áboñinoboñin Añio eebin éeyemi *Afakana ite kúŋgowulan ku.

1 Saaŋ 4:9

Iye a Atambatun áwufoore fu naane ámaŋie i úne: áboñinoboñin Añio afeeneŋ u t'etaam ye, kaanuku núubaj te o buroŋ bu.

2 Saaŋ 1:7

Ejuusa keehooje bokondu t'etaam i. Kaane nu múniyoiit, Yesu *Kiris abinut áyemi húŋgowulan. Bakan naane bokondu ejuusa, enatoora yite Kiris.

Kafeeñal ku 19:13

Asolasol kájufa kéetuusanee ti halan. Huruwu hoone «Hirim hite Atambatun».

Kafeeñal ku 21:3

N'ijam kaaji kómbokun kéehaminna t'eriikeey ite híyiaate hu keene: «Hahiyu Atambatun kakinu nu kúŋgowulan ku! O biriiko nu boko. Boko káyemi bakan koone, akina humuumo káyemi nu boko, abe n'áyemi Atambatun ooniin.