Saak 2:21 - Kwatay (Kuwaataay)

²¹ Te naŋ t'Atambatun ajuke fu kaanuku faaf úne *Aburaham ájubajub? Ti manoŋkar moone fu, h'ásike hu añio *Isak kaanuku *eesaraho.

Saak 2:21 ပူးပေါင်းရင်းမြစ်များ

Májiye 12:37

Ábuki ti kirim kúuwe t'a̱yak fu kajoonanee: man aw'ondu t'ekooŋ, man yooŋ a̱nooto t'ekooŋ.

Májiye 3:9

Atum'ariene man kaanu kite: «Uni fu bakañi *Aburaham» kúnooni kákinineŋ n'arifak i? Íñje isok fee n'aruun: Atambatun áyinooni káhinu bujuju bondu béeyemi biñi Aburaham!

Hirim Heetoofe hu hi Luk akiñje hu 1:73

Ábuki Atambatun awaatawaat faaf úne *Aburaham aano:

Hirim Heetoofe hu hi Luk akiñje hu 16:24

Náami eetaŋk eeene Aburaham: «Faafa, ílaama faa ti sineemak sonde! Waasi, a̱yubiyenam á̱aboñin Lasaar man n'alejan huñuurio eebeetam káaleluf.»

Hirim Heetoofe hu hi Luk akiñje hu 16:30

Husaanum hu n'aane Aburaham: «Faafa, bondu bifamut. Bare ake af'arito ti keekete ku eeja eejukiin, n'iŋi kawatanooro kinij kooniin keejakut ku.»

Saaŋ 8:39

Ni kaano: —Aburaham aamo fu faaf uni. Yesu n'aaniin: —Arko yéeni múniyo aruun biñi Aburaham, n'aŋ'árihin naane akina.

Saaŋ 8:53

Butum awe a̱haŋe faaf uni Aburaham? Akina aketaket, eyiŋana yite Atambatun kaketa yooŋ. Kame naŋ n'á̱tumbe fu a̱tegooro?

Epotor i 7:2

Eejen n'ásafin aane: —Bakat'am ni sifaafam, arijamatanam. Kóŋkeyin, Atambatun éenike u áŋaasinoŋaasin ti faaf úne *Aburaham h'áyemie hu Mesopotami, t'ajoorut aja akin Haran.

Eleetar i yi Pool akiñje i bakate ku Rom 3:20

Ábuki abajut an a Atambatun ayak kajoku an éejube aŋarkeyi naane an ondu áhinahin naane Eluwa i esoke i. Aaa, Eluwa i eŋ'éwufoor an kaanuku ahoofoorahoofoor.

Eleetar i yi Pool akiñje i bakate ku Rom 4:1

Úliik *t'Aburaham faaf úne. Naŋ kereŋ nibajo fu?

Eleetar i yi Pool akiñje i bakate ku Rom 4:12

Aburaham aamo fu yooŋ faaf ite keeteye ku karam; káanukiiit ti keeraane ku ti kateyi karam ti siniiin barebare, bare n'iŋi kaneefan yooŋ ti káyilen ki faaf úne Aburaham abaje ku, o t'ateyoorut karam.

Eleetar i yi Pool akiñje i bakate ku Rom 4:16

Náami b'Atambatun aane bu o kawunu, káyilen kíkinineŋe fu, kaanuku t'áami kawunu kite kásoniyan, abe ni kíyemi kite ku bakañi Aburaham kareyi fe. Kíteiit kéejeŋgine ku Eluwa i barebare, bare kite yooŋ kéeyilene ku káhabanein naane Aburaham. Akina faaf úne úreyi fe,

Esuwif i 11:17

Káyilen kíkinineŋe fu Aburaham n'ásik Isak kaanuku yéeni eesaraho, h'Atambatun aŋese hu kajuku buŋ bi káyilen koone keemo fu ariike. Ásikasik añi oone afeeneŋ u kaanuku eesaraho, abe bare Atambatun káahinin koone eeyakar

Saak 2:18

Bare an n'afin aane: «Awe á̱yilenayilen, íñje n'iŋ'ifin inoŋk ajakee», íñje kaanio: «Á̱wufooram buŋ b'a̱yino fu káyilen t'á̱noŋkaariit ajakee, abe íñje n'iŋ'íwufoori káyilen kúuma tu hunoŋk húuma.»

Saak 2:24

Náami arijuka kaanuku Atambatun aŋ'aane an ájubajub ti manoŋkar moone; káanukiiit iŋ'ite káyilen k'abaje ku barebare.