Saak 2:14 - Kwatay (Kuwaataay)

¹⁴ Kújakuwe, an af'aŋ'aane abajabaj káyilen, abe bare ánoŋkaariit ajakee, bibajabaj fíya éñjeriŋ? Káyilen kondu kúnoonio fíya kafakan?

Saak 2:14 ပူးပေါင်းရင်းမြစ်များ

Májiye 5:20

Íñje isok fee n'aruun: afut'aŋ'árihin naane Atambatun ámaŋie i arihaŋ *Efarisiyeŋ i *n'émuse yite Eluwa yite Moyis, at'ariyooso hikee ti Jáyi joone.

Hirim Heetoofe hu hi Luk akiñje hu 3:11

N'aaniin: —Ake t'aruun af'abaj wújufa wúsuba, awarawar kawunu kike an eebajut u. Abe an eebaje eeñoofo, awarawar káruboor n'an eebajut u.

Hirim Heetoofe hu hi Luk akiñje hu 6:49

Bare an eejame báhamin búuma, abe áhinut naane busoke i, aliikeeliik naane an eenute enuuf t'ajabut awak. Hu móhujo mite ejolob i mireeŋe hu yo, toko-toko yooŋ n'eney: étumb ébujarooro fe.

Epotor i 15:9

Te o úwayeit nu boko: akuuranakuuran ñúwejet ñooniin aŋarkeyi naane káyilenayilen.

Epotor i 8:13

Simoŋ humuumo n'áyilen, abe n'abostee. Aŋ'ariboor ni Filip kep, abe n'aŋ'ajahale dómbokun hah'ajuko ti káhinu buroon beehaŋe bu ésuk i kikaw.

Epotor i 8:21

A̱bajut tu bondu húrub, a̱kolut yooŋ te bo, ábuki t'Atambatun eholi ejoŋoorut.

Eleetar i yi Pool akiñje i bakate ku Rom 2:25

Af'á̱hin naane Eluwa i esoke i, *kateyi karam ajakajak. Bare afut'á̱jeŋgin Eluwa i, anokooreenokoor kite a̱teyit karam.

1 Korent 15:2

Te ho t'Atambatun aja fu kaŋaasu eefakanuun, kane arko ariijok ho naane t'ibine du isokuun ho. Káhinaate iyu, n'aŋ'áami áriiyilen fuufu.

1 Korent 16:22

An afut'ámaŋi Anahaan u, Atambatun aja áwuumoo! A̱bin, awe Anahaan ite uni!

Galasi 5:13

Kújakuwe, aruun bare Atambatun aruwuunruw kaanuku atum'aŋk'áriyemi búsukateen. Bare naane aŋkut i áriyemi búsukateen, atum'arikuuso te bo ariinaban wúfaŋi woonuun weejakut wu. Bare árimaŋioori, abe n'aŋ'áriyokunanoor.

Galasi 5:6

Ábuki uf'úhin t'afeeneŋ ni Yesu Kiris, kateyi karam man yooŋ kateyaate karam, bondu fe bibajut éñjeriŋ. Beebaje bu éñjeriŋ beemo fu káyilen ku kiŋki kíhin úne núumaŋioori.

1 Tesalonik 1:3

Iŋ'iriboo bíbaŋino hágila Atambatun Faaf úne buroon bamb'árihin béewufoore bu káyilen koonuun ti Yesu, nu buŋ b'áriñiŋkaane fu tu burok aŋarkeyi naane árimaŋiomaŋi, nu buŋ b'eyakar yeenuun t'Anahaan ite úne Yesu *Kiris eyane fu.

1 Timote 1:5

Káyeegal kondu kite káhinu *kéeyilene ku kéemaŋioori kámaŋi kéenuutina t'ehol yeekuure, nu búwejet beejake, ni káyilen keeyane.

1 Timote 4:8

Bímiñooro tu burok ajakajak, bare tu doon diŋgilis. Kájeŋgin Atambatun ajakajak tu doon areyi fe, ábuki eyakar yendu toko yite buroŋ bite hahiye, ni bite bu kóyinokoyin.

Eleetar i yi Pool akiñje i Tit 1:16

Iŋi kaane kámoomi Atambatun, bare kinij kooniin kúwufoorawufoor kaanuku tókoiit. Káhuufunanahuufunani, kájeŋginaariit Atambatun, abe yooŋ kayinaat káhinu mayet bifeeneŋ beejake.

Eleetar i yi Pool akiñje i Tit 3:8

Hirim honde héewoore. Ímaŋamaŋi a̱sooñoor tu bonde b'isoke bee, man kéeyilene ku t'Atambatun ni kanaŋ toko kikawiin iŋi káhin buroon beejake. Bondu bijake fu tu húŋgowulan, abe ni bíñjeriŋo.

Esuwif i 11:17

Káyilen kíkinineŋe fu Aburaham n'ásik Isak kaanuku yéeni eesaraho, h'Atambatun aŋese hu kajuku buŋ bi káyilen koone keemo fu ariike. Ásikasik añi oone afeeneŋ u kaanuku eesaraho, abe bare Atambatun káahinin koone eeyakar

Esuwif i 13:9

Atum'ariwas an eebuutuun ni maliikenar mánoman, meewayee ni m'ariliikenee mu. Ajakeejak suhol site s'úne ni sibaj sembe séenuutina ti kajaku k'Atambatun kaŋk'áwufoor úne. Sembe sondu súnuutinoot ti kájeŋgin kite buluwa beesoke bu tu buroon b'an awarut kateŋu. Ábuki buluwa bondu bibajut éñjeriŋ bija ti kiŋki kájeŋgin bo.

Saak 1:16

Kújakuwe, aruun k'ímaŋie-maŋie ku, atum'aribuut kikawuun:

Saak 2:16

Abe ake t'aruun n'aano: «Yooh, úwasoor, a̱riiko ti káasuumaay; a̱sol wañ weeniŋe, abe n'a̱ñoofo a̱bir!» Bondu fíya bibajabaj éñjeriŋ t'ariwunuto doon d'asawulee du kaanuku eeroŋ?

Saak 2:18

Bare an n'afin aane: «Awe á̱yilenayilen, íñje n'iŋ'ifin inoŋk ajakee», íñje kaanio: «Á̱wufooram buŋ b'a̱yino fu káyilen t'á̱noŋkaariit ajakee, abe íñje n'iŋ'íwufoori káyilen kúuma tu hunoŋk húuma.»

Saak 2:26

Húŋgowulan heebajut síhiinu, o an eekete. Káyilen yooŋ keeriboorut ni manoŋkar meejake, ko yooŋ keekete.

2 Piyeer 1:5

Iŋ'ite ho aamo fu áriñiŋkaan áriiwutiyen manoŋkar meejake ti káyilen koonuun; ti manoŋkar meejake mu n'áriwutiyen toko kámeyi b'Atambatun ámaŋie bu;