Saak 1:26 - Kwatay (Kuwaataay)

²⁶ An af'aane akina átumbatumba ajok bítim bu, abe bare ayinaat kajoku butumo, an ondu abuuta hikawo: káyilen koone kibajut éñjeriŋ.

Saak 1:26 ပူးပေါင်းရင်းမြစ်များ

Májiye 15:9

Naane ii kasokorooram fe, áhinaariitam kis, ábuki iŋi kaliiken ésuk i buluwa bi kanoŋke kéetuut, kite íñje isaaniin fu bo.»

Mark 7:7

Naane ii kasokorooram fe, áhinaariitam kis, ábuki iŋi kaliiken ésuk i buluwa bi kanoŋke kéetuut, kite íñje isaaniin fu bo.»

Hirim Heetoofe hu hi Luk akiñje hu 8:18

«Náami arinaŋ kikawuun ti bamb'arijamatan! Ábuki an eebaje, o káwutiyenee ahaŋ doon d'abaje du; bare an éetumbut u abaj, humuum diŋgiŋgilis d'afooge du kaanuku abajabaj karamiee.»

1 Korent 15:15

N'aŋ'áami yooŋ kame bimb'irisok t'Atambatun bite haajuus, ábuki irienaan aritanaritan Kiris t'eket i. Abe kame áhinut bo, kane arko múniyo keekete ku iti káritein t'eket i.

1 Korent 15:2

Te ho t'Atambatun aja fu kaŋaasu eefakanuun, kane arko ariijok ho naane t'ibine du isokuun ho. Káhinaate iyu, n'aŋ'áami áriiyilen fuufu.

1 Korent 3:18

An atum'abuut hikawo: ake t'aruun af'aliik ti bakate ku t'etaam ye n'aane áwesinatawesinato, aja áyemi t'ésuk i naane an eewene, t'áami nu múniyo áwesinatawesinato.

Galasi 2:6

Keehaŋe ku kájeŋginee ti kéeyilene ku (naane káyemie i fe butumam bunooto toko, ábuki t'Atambatun ésuk i fe erare), bokondu káwutiyenut bike ti b'isoke bu.

Galasi 2:9

Saak, Piyeer, ni Saaŋ ki kéeyilene ku kajoke ku naane eseef yeeniin, kajukajuk kaanuku Atambatun asejanam fu burok beejake bondu. Náami keesaan uni sumoŋu, íñje ni Barnabas, t'áami hahiyu kajoka ti bite b'uni. N'irijamoor kaanuku uni bija ti keenooto ku Esuwif, boko ni kaja t'Esuwif i.

Galasi 3:4

Butum b'arijuke bu fe bite fuufu? Ayinaat káyemi bare bite fuufu.

Galasi 6:3

An af'ayinoor ti hikawo n'aane akina an ómbokun, abe bare anooto doon fe, an ondu abuuta hikawo.

Efees 4:29

Atum'árihamin báhamin beejakut; arisok kep báhamin beebaje éñjeriŋ bite káyokunan ésuk i ti bisawula booniin keehaŋ kayanu ti káyilen ku, abe nu butoof yooŋ kiŋki kajamatanuun.

Efees 5:4

Ajakutee yooŋ n'aŋ'arifut báhamin; ariwas yooŋ báhamin béekojie. Ho húkoyie n'arilaw Atambatun ariieno eyeehen.

Kolos 4:6

Árihamin ko kireyi fe báhamin beetoofe, beebaje éñjeriŋ, man n'árimeyi yooŋ naane ariware i kásafin an fe.

Saak 1:19

Kújakuwe, aruun k'ímaŋie-maŋie ku, ariwarawar kámeyi bonde: huruw fe awarawar iŋi kamoken ti kajamatan kite bakaaku, bare atum'amoken ti báhamin, atum'ahil yooŋ ti kayiŋat;

Saak 1:22

Atum'ariraan ti kajamatan hirim hite Atambatun barebare, bare árihin yooŋ naane husoke i. Káhinaate iyu, n'aŋ'aribuut kikawuun.

Saak 2:20

Esoŋ yendu! Á̱maŋamaŋi bukuuri kaanuku an af'áyilen barebare, abe ánoŋkaariit ajakee, káyilen kondu kibajut éñjeriŋ?

1 Piyeer 3:10

Bonde busokee fu ti *Míkiñjin mu. Meenaan: «An af'ámaŋi kabaju buroŋ beejake, abe n'ajuk yooŋ kunak keetoofe, awarawar kawasu husoku ti bakan, ni haajuus.