Eleetar i yi Pool akiñje i bakate ku Rom 9:4 - Kwatay (Kuwaataay)

⁴ Boko bakate *Israyel. Atambatun áhiniinhin kéeyemi bakañio, abe n'áwufooriin yooŋ kániku koone. Ajamoorajamoor nu boko keehooje, abe n'asaaniin Eluwa i, n'áwufooriin yooŋ buŋ bi kawaro fu kalawu, abe n'asokiin b'aja bu káhiniiin.

Eleetar i yi Pool akiñje i bakate ku Rom 9:4 ပူးပေါင်းရင်းမြစ်များ

Májiye 21:33

Yesu n'asooñ aane: —Arisooñ arijam ti beekolofanee bonde: abajeebaj. Ake ániine abine áhin etool ite *kireseŋ. N'asiis yo, abe n'awak kaayeen t'elaaliñj yómbokun kaanuku iŋi kabin katuusan toko kireseŋ ku. N'arok yooŋ ásukut bija tu bujukar bu. Ahaban, n'aŋes eroka anaŋ toko kaanuku iŋi kabin káruboor ne o, abe n'aja kátuki.

Saaŋ 1:17

Tu *Moyis t'Atambatun aŋaase fu eesaan úne Eluwa i, bare kajaku koone nu múniyo mu, bondu fe ti Yesu *Kiris ti bíŋaasina fu.

Saaŋ 1:47

Hi Yesu ajuke hu Natanayel ti bibin bu nu boone, n'aane: —An ondu aamo fu an ite *Israyel ite nu múniyo. An ite bifeeneŋ.

Epotor i 2:39

Ábuki aanaan o kawunuuun bo, aruun, ni bakañuuun, ni keekine ku t'akambe, bija yooŋ ni k'Atemit Atambatun ite úne ayak ku karuwu kareyi fe.

Eleetar i yi Pool akiñje i bakate ku Rom 3:2

Kahaŋu kondu toko tu doon areyi fe. Kítiyar ku keemo fu Esuwif i k'Atambatun asaane fu hirim hoone.

Eleetar i yi Pool akiñje i bakate ku Rom 8:15

Abe Búwejet b'Atambatun awunuun bu bíteiit káhinuuun áriiyemi búsukateen, ariisooñ áriyemi bukoloow. Bare Búwejet b'awunuun bu bite káhinuuun áriiyemi bakañio. Bo b'ifi bitiŋg úne núutaŋk úeno: «Aba, Faafa!»

Eleetar i yi Pool akiñje i bakate ku Rom 9:6

Eenut Atambatun áhinut b'asoke bu, aaa. Bare káanukiiit bakañi Israyel kareyi fe kaamo fu bakañi Atambatun bakate ku nu múniyo.

2 Korent 11:22

Eeman kaane boko Esuwif? Íñje yooŋ Asuwif. Eeman boko bakate *Israyel? Íñje yooŋ an ite Israyel. Eeman boko bakañi *Aburaham? Íñje yooŋ añi Aburaham.

Galasi 3:16

Atambatun aanaan o káhinu bike bija *t'Aburaham n'añi u a aja u káyeki. *Míkiñjin mu meenut: «ni bakañio», kite bakan keehooje. Aaa, afeeneŋ i musoke fu. Meenaan: «n'añi u a a̱ja u káyeki», o aamo fu *Kiris.

Efees 2:12

Áribaŋino kaanuku kóŋkeyin arikambakamb *Kiris; árigiiloolutee ti bakate ku *Israyel; árigiiloolutee yooŋ tu *wujamoor w'Atambatun ajamoore wu nu boko. Árimoomi naane emoosoora. Arikinakin t'etaam ye, bare aribajut yéeni eyakar, árimeyiit yooŋ Atambatun.

Esuwif i 9:1

Ti *kaajamoor kítiyar ku, abajeebaj buluwa ti naane ésuk i kaware i kalawu Atambatun. N'abaj yooŋ anuuf i karoke kaanuku iŋi kabin kalawo toko.

Esuwif i 9:10

Buluwa bite ti sini taŋ beemo fu diyu, tu buroon b'an awarut kateŋu, nu búhujo, ni sifasoŋ seehooje site biñawo bite *bukuuranooro. Bisiiŋasiiŋo bija kóyin k'Atambatun aja ku káhinu buroon bu fe béeyemi bíyeni.

Esuwif i 9:3

Anuuf ii kaane t'Anabe-nabe du ámoomi inde hiñaawu hírido húsooboriyan hu.

Esuwif i 9:5

N'abaj t'etiir ekees i muroon músuba meerokee munokoor naane emalaka. Mo múwufoore fu kaanuku Atambatun ondu toko. Síbend site te mo súkumbaloolakumbalool tand'aboŋket wuhoofoor wu. Bare háhiyeiit n'úja fu kájatinanoor bo bireyi.

Esuwif i 9:6

Iyu u buroon bu bisiiŋanee fu toko, abe hunak heenee hunak, esaraha i iŋi kayooso t'anuuf átiyar u kéehin burok booniin.