Eleetar i yi Pool akiñje i bakate ku Rom 9:22 - Kwatay (Kuwaataay)

²² Atambatun ámaŋamaŋi káwufoor kaanuku ayiŋatayiŋat ti bakan kéesufano ku ehol, abe ni kajar kayooliee, kaanuku man sembe soone nu sujukee tu boko. Bare áhinut bo, ámuñaliinmuñal dómbombokun.

Eleetar i yi Pool akiñje i bakate ku Rom 9:22 ပူးပေါင်းရင်းမြစ်များ

Eleetar i yi Pool akiñje i bakate ku Rom 1:18

Atambatun áwufoorawufoor huta hu t'etiir bufor bu kaanuku ayiŋatayiŋat tu kúŋgowulan ku iŋi naane ii kahoofoor, abe ni káhin yooŋ meejakut. Ni kinij kooniin keejakut ku n'ifi kahokan múniyo mu.

Eleetar i yi Pool akiñje i bakate ku Rom 9:17

Atambatun asokasok ti *Míkiñjin mu *áyi eeemo u Esipt aano: «Íhinihin á̱ayemi áyi kaanuku íiwufoor t'awe sembe súuma, abe huruwu húuma ni hijamo tánotan fe t'etaam ye.»

Eleetar i yi Pool akiñje i bakate ku Rom 9:20

Kame awe á̱tumbe fu á̱yemi aañ, awe húŋgowulan hu hihi hijeeŋoor ii n'Atambatun? Éndiis yeerokee n'ekaf, eŋ'eene fíya an eeroke u yo: «Iŋi naŋ n'a̱rokam fee?»

Eleetar i yi Pool akiñje i bakate ku Rom 9:21

Aroka bíndiis áyinooni káhinu doon deetoofo du n'ekaf yeene: áyinooni karoku éndiis yéewarie bija ti bifeet bu, n'eke yooŋ bija t'enuuf te o.

1 Tesalonik 2:16

Iŋi kaŋes kafitu uni kaanuku itim'irisok keenooto ku Esuwif hirim héeyiniiin hu kafakan. Iyu i kálilane fu wuhoofoor wiwi kafiy káhin. Bare kayiŋat k'Atambatun ayiŋate ku tu boko kitika kireeŋiin.

1 Tesalonik 5:9

Atambatun ajifanut úne kaanuku núubin újuk kayiŋat koone, bare kaanuku eebin eeŋaas t'Anahaan ite úne Yesu Kiris eefakan úne.

2 Timote 2:20

T'enuuf yéewarie, bíndiis bíteiit éwurus, man yooŋ bite ehalis beemo fu toko barebare. Bike yooŋ bondu toko beefaasee, bike nu burokee n'ekaf. Bítiyar bu uŋu búnuutannee hunak hite efeet, biraanu bu nu búnuutannee húnakonak.

1 Piyeer 2:8

Nu busooñ busokee toko kaanuku: «Ejuju yendu ef'ékinineŋ ésuk i n'ébiŋan, elaaliñj yendu ef'ékinineŋ ésuk i n'eney.» Ésuk i kábiŋanabiŋan ábuki kateñekateñeko káyilen ti hirim hite Atambatun, abe bondu bifiye fu buwariin kabaju.

1 Piyeer 3:20

Keekete ku bokondu kaamo fu bakate ku kóŋkeyin kéejeŋginut ku Atambatun o ti kanahan kooniin ni kámuñu, kóyin ki *Nowe áyemie ku tu burok bite esahar i. Bakan keefamut, kaamo hutok ni bákahaaji barebare ni kayooso t'esahar i, abe ni kafakanee tu móhujo mu.

2 Piyeer 2:3

Émuse yendu, káfaŋi kooniin kite sírirem su káhinu ni kasokuun báhamin bi kanoŋke kéetuut, kaanuku man ni kahoohuun. Bare afiyee naane kajoonan kooniin kisiiŋee i, abe at'ahul bútowuto booniin ni bireeŋ!

2 Piyeer 2:9

Bondu búwufoorawufoor kaanuku Atemit áyinooni kafakan ti sílaam su kéejeŋgino ku, abe n'afin awas keejakut ku kaanuku eebin eenij tu boko hunak hite Kajoonan ku.

2 Piyeer 3:15

Abe n'arinaŋ bonde ti kikawuun: Anahaan u ondu ti kámuñu kep kaanuku man n'áriyini kafaku. Bondu b'ati úne Pool, nu búwesinato b'Atambatun awuno bu asokuun fu t'eleetar yeene.

Eleetar i yi Sud akiñje i 1:4

Ábuki abajeebaj bakan keejakut, kéenuusee kéeyoosein t'aruun. Iŋi kawetekanoor hirim heesoke hu mite kajaku kite Atambatun ite úne, kaanuku kéeyini káhinu beejakut naane hutoofiin i. Iyu ifi kateñeko Yesu *Kiris eeemo u Aseef ite úne unoono, n'Anahaan u yooŋ toko. Afiyeefiyo naane *Míkiñjin mu musoke i buŋ b'Atambatun aja fu kaniju tu boko.