Eleetar i yi Pool akiñje i bakate ku Rom 8:38 - Kwatay (Kuwaataay)

^38-39 Ábuki bukuuramkuur kaanuku doon diyinaat kákinineŋ kámaŋi k'Atambatun ámaŋie ku úne nu kuwas. Eket i, nu buroŋ bu, n'emalaka i, ni sirab su, nu buroon beebaje bu hahiye, ni beeware bu bibin kabaju, ni bakate sembe su, nu buroon beeemo bu t'etiir, ni beeemo bu yooŋ t'etaam, nu doon fe déewuwanee, mayet bifeeneŋ tu bondu biyino kákinineŋ kámaŋi k'Atambatun ámaŋie ku úne áŋaasann ko t'Anahaan ite úne Yesu Kiris nu kuwas.

Eleetar i yi Pool akiñje i bakate ku Rom 8:38 ပူးပေါင်းရင်းမြစ်များ

Saaŋ 10:28

Iŋ'iwun kiŋki kasaam ti hiñaawu buroŋ béehabanaariit bu; iti kaket hikee, abe an at'aramiin t'emoŋiam.

Eleetar i yi Pool akiñje i bakate ku Rom 14:7

Múniyo uf'úyemi buroŋ, man yooŋ n'úket, úkiniooriit.

Eleetar i yi Pool akiñje i bakate ku Rom 14:8

Úne bokondu tu buroŋ bija t'Anahaan u, uŋ'úket yooŋ bija te o. Náami uf'úroŋ man yooŋ n'úket, Anahaan u akino fu úne.

Eleetar i yi Pool akiñje i bakate ku Rom 4:21

Bukuurokuur áhabanein kaanuku Atambatun áyinooni káhinu b'asoke bu.

Eleetar i yi Pool akiñje i bakate ku Rom 6:23

Ábuki bajaam bite kaahoofoor beemo fu eket i; bare b'Atambatun bamb'awun fuufu beemo fu buroŋ béehabanaariit bu iŋi naane úhine i t'afeeneŋ ni Yesu *Kiris Anahaan ite úne.

1 Korent 15:24

Abe n'aŋ'áami kamoosen ku: Kiris kábuju sembe sánosan fe seejakut, n'eseef yeeniin, nu ñúwejet ñeejakut ñu fe, ahaban n'aŋ'abatikan Atambatun Faaf u híyiaate hu.

2 Korent 11:14

Abe bondu bijahalut an, ábuki Setani humuumo aŋ'ásik búnokoorum bite amalaka ite meejaaŋe.

2 Korent 4:13

*Míkiñjin mu meenaan: «Íyilenayilen, iŋ'ite ho h'íhamine fu.» Abe makamu káyilen kondu koko k'iribaje fu, uni yooŋ káhamin.

Efees 1:21

Toko diyu ti Kiris anaŋee fu t'etiir emalaka i fe, n'eseef i, ni bakate sembe su, ni bákayi ku. Anaŋeenaŋ t'etiir huruwu hánohan heeyino karuwiee, káanukiiit hahiye barebare, bare bija kóyinokoyin.

Kolos 1:16

Ábuki te o t'Atambatun aŋaase fu éewuwan doon fe deeemo t'etiir bufor bu ni t'etaam i: beejukanee bu, ni béejukaariitee bu, ñúwejet ñite sembe su ñeeemo ñu t'etiir, ni bákayi ku, n'eseef i, ni bakate sembe su. Te o t'Atambatun aŋaase fu éewuwan doon fe, abe bija te o.

Kolos 2:15

Ñúwejet ñéebajaanie ñu sembe fe, Atambatun aramaram so, abe n'áweetin ñúwejet ñondu tu buhooŋu ésuk i fe h'afaake hu ño ni ñaasel, abe n'añaahoor ne ño éewufoor kaanuku ariiŋanariiŋan ño t'ekuruwa yite Kiris.

2 Timote 1:12

Bo bíkinineŋe fu sílaam súuma sonde. Bare ifuñeit bondu, ábuki ímoomi t'aañ ti hikawam hiyaŋge fu, abe bukuuramkuur kaanuku abajabaj sembe site kajukar b'ánihanam bu bija tu hunak hite Kajoonan ku.

Esuwif i 11:13

Bokondu fe kaketaket ti káyilen ku. Kabajut buroon b'Atambatun aane bu o kawuniiin, bare kaŋandanaŋandan bo akambee, abe kikawiin nu kutoof te bo. Ni kasok kaanuku múniyo boko emoosoora t'aduna i, kabajut toko etaam.

1 Piyeer 3:22

Ajaja t'etiir bufor bu, abe ondu t'ariikee inde *baatos Atambatun. Emalaka i iŋi kajam te o, n'ébuur i, ni baabu buroon fe beebaje bu sembe beeemo bu t'etiir bufor bu.