Eleetar i yi Pool akiñje i bakate ku Rom 8:34 - Kwatay (Kuwaataay)

³⁴ Aañ aja fu kayoosan úne ti kaayeen? Yesu *Kiris fíya? Aaa, ábuki akina humuumo aketaket abe n'aritanee yooŋ t'eket i; ondu inde *baatos Atambatun, abe aŋ'áwasiyano bija t'úne.

Eleetar i yi Pool akiñje i bakate ku Rom 8:34 ပူးပေါင်းရင်းမြစ်များ

Májiye 20:28

Iyu yooŋ a *Añi ute Húŋgowulan hu abine fu, káanukiiit eebaj búsukateen, bare kaanuku éeyemi ásukateen, abe n'awun buroŋ boone beejaam man keehooje ni kafak.

Mark 16:19

H'Anahaan u Yesu áhamine hii nu boko ahaban, Atambatun n'ayito t'etiir bufor bu, abe Yesu n'ariiko inde *baatoso.

Saaŋ 14:19

Aroŋee diŋgilis bakate ku t'etaam ye it'iŋki kajukam. Bare aruun, aruun kajukiam, ábuki íñje karoŋu, abe aruun yooŋ karoŋu.

Saaŋ 16:23

«Hunak hondu ifi hireeŋ, ariroŋutam kákandijen doon fe. Iisokuun bifeeneŋ bu: doon fe d'ariyak kalawu Faaf u tu huruwu húuma, o kawunuuun do.

Epotor i 2:24

Bare Atambatun n'aritano t'eket i, abe n'aramo ti sílaam site te yo, ábuki étumbut éyini kajokio ti sembe site te yo.

Eleetar i yi Pool akiñje i bakate ku Rom 14:13

Náami úraan kajoonanoor ku. Bonde b'úware fu kajoku te bo alitee: utum'úhin doon fe deeyino káhinu ake eeney, butum dite kayoosano ti kaahoofoor.

Eleetar i yi Pool akiñje i bakate ku Rom 14:9

Ábuki *Kiris aketaket abe n'arito t'eket i kaanuku éeyemi Anahaan ite u keekete ku ni keeroŋe ku.

Eleetar i yi Pool akiñje i bakate ku Rom 4:25

Yesu ásikeesik asaanee kúŋgowulan ku kaanuku eeket uŋu wuhoofoor wute w'úne, abe n'aritanee t'eket i kaanuku éehin núuyemi bakan kéejube hágila Atambatun.

Eleetar i yi Pool akiñje i bakate ku Rom 8:1

Náami hahiye kéehine ku t'afeeneŋ ni Yesu *Kiris iŋkut káyiniee kajoloŋan ti kaayeen.

Eleetar i yi Pool akiñje i bakate ku Rom 8:27

Abe Atambatun aa ajuk tu suhol su aŋ'ámeyi biyinoor bite Búwejet Beenabe bu, ábuki iŋi bilawo naane ámaŋie i bija ti bakan k'akino ku.

Kolos 3:1

Ariritaneeritan t'eket i ni Kiris. Náami ariŋes buroon bite bu t'etiir, ti Kiris aamo du t'ariikee inde *baatos Atambatun.

Esuwif i 1:3

Meejaaŋe mite kániku kite Atambatun mujukanajukano te o. Akina átumbe fu áyemi búnokoorum bite Atambatun, abe akina áyekane fu dóonodoon fe ni hirim hoone heebaje hu sembe. H'aamo hu *akuurana kúŋgowulan ku tu wuhoofoor wooniin ahaban, n'ariiko t'etiir bufor bu inde *baatos Atambatun eehahe u.

Esuwif i 7:25

Iŋ'ite ho h'áyinie fu kafakan akuur but bakan ku kiŋki kaŋaas te o keeloh Atambatun, ábuki ondu tu buroŋ hiraanu kaanuku aŋ'abin alaw Atambatun bija tu boko.

Esuwif i 9:24

Ábuki *Kiris ayooseit tiŋ *t'Anabe-nab tu kúŋgowulan ku kanoŋke keerok, t'aamo búnokoorum barebare bite beeemo bu bite nu múniyo. Humuum tu bufor bu t'ayoosee fu, abe hahiye ondu bo hágila Atambatun bija t'úne.

1 Piyeer 3:18

Múniyo Kiris humuumo aketaket hifeeneŋ, abe hiraanu, bija tu wuhoofoor wute kúŋgowulan ku. Akina eeemo u an eejake n'aket bija t'énafuta, kaanuku éehinuun ariibukan n'Atambatun. Enio yi kayoole fu, bare n'ábatikannee buroŋ tu Búwejet Beenabe bu.

1 Piyeer 3:22

Ajaja t'etiir bufor bu, abe ondu t'ariikee inde *baatos Atambatun. Emalaka i iŋi kajam te o, n'ébuur i, ni baabu buroon fe beebaje bu sembe beeemo bu t'etiir bufor bu.

Kafeeñal ku 1:18

Íñj'eemo fu an eeemo u buroŋ. Íketaanaketaani, bare hahiye íñj'endu buroŋ hiraanu. Íñje íyekie fu sijaab site eket i, ni site ti keekete ku tindi kaja.